有冇小朋友專注力不足透過學校跟進

小小蜜蜂仔

想問下個流程係點架? 係米首先見學校社工呀?如果佢也認為我仔係專注力不足, 跟住社工會轉介我仔去邊呢?(a) 要等幾耐先成功見倒a呢? 見完a之後又會再等見咩人(b)呢?等幾耐呢? 見完b之後又點呢?...............我真係1無所知, 請各位知情人仕指點

kelvin_hmlau

點解唔問下校長，班主任同學校社工？

小小蜜蜂仔

我想響呢度問左先
有冇過來人分享下?

PARROTMUM

小小蜜蜂仔 發表於 12-5-22 03:00
想問下個流程係點架? 係米首先見學校社工呀?如果佢也認為我仔係專注力不足, 跟住社工會轉介我仔去邊呢?(a)  ...

我可以講下我女的過程, 我發現女女有專注力不足同佢班主任講, 班主任就跟住同駐校社工傾, 社工跟住見小朋友, 通知學校排隊見團體的心理學家(因我女個間係大的辦學團體所以有心理學家, 其他可能會去政府心理學家), 好彩校長見完女女個case就排第一見, 心理學家唻度見過數次女女, 又觀課又同佢各科老師請教, 再而見埋我, 做左簡單智力評估, 有結果佢評估係專注力不足, 寫信見政府兒童精神科.

Charlotte_mom

樓主, 我見你出左好多個post, 都知你好心急, 不過好可惜, 呢d急唔黎呢.....你聽我講先
你through社工轉介又好, 邊度轉介都好, 最終都係要睇兒童精神科, 今日, 政府兒童精神科新症可能要排3年至見到醫生, 上星期剛有bk網友pm我, 終於有得排兒童精神科了, 排到2013年尾, 我話已經叫快喇!
排兒童精神科之前, 你先自見醫生, 做評估等等, 如果你仲等社工幫你慢慢攪, 可能一年之後至做到評估, 再排3年至見到精神科, 到時都升中了!
政府野就係咁衰, 一定要著緊d, 我俾個電話你, 呢個係碼麗醫院精神科電話22553067 (sorry成日唔記得兒童精神科電話), 你打去, 講返你住邊區, 問佢應該睇邊間, 叫佢俾個電話你, 你即刻打去問, 懷疑小朋友專注力有問題, 究竟要咩資料排新症, 應該要學校信, 醫生信等, 有人話我知普通醫生信已經可以(我唔肯定), 咁你就盡快去攪封醫生信出黎, 拿拿聲去排, 跟住至慢慢等學校社工幫你安排既檢查, 有咩資料再後補到醫院 (總之, 去左排精神科新症先, 果度攪得最耐)

wan_sosin

唔洗經學校架!我係由健康院醫生轉介去CAC的.我亦知可以叫私家醫生寫轉介信,一樣可直接去CAC.
我而家排緊期,約半年後去做評估.

小小蜜蜂仔

PARROTMUM 發表於 12-5-22 20:43
我可以講下我女的過程, 我發現女女有專注力不足同佢班主任講, 班主任就跟住同駐校社工傾, 社工跟住見小朋 ...

謝謝分享!
我仔間學校也算大的辦學團體, p1開學時好似老師有講過有心理學家....不過呢步我要3思, 因為有過來人講呢１間學校不少老師會label呢d特殊學生, 令到果個學生及家長都好痛苦所以我先咁徬徨

小小蜜蜂仔

Charlotte_mom 發表於 12-5-22 21:11
樓主, 我見你出左好多個post, 都知你好心急, 不過好可惜, 呢d急唔黎呢.....你聽我講先
你through社工轉介又 ...

我係好急, 精神科醫生呢part我最無知, 只知要排好耐. 最近不斷打電話, 對私家/非牟利機構價錢掌握左d資料, 不少機構熱心人士非常幫忙, 損loon損la揾倒有減免的私營精神科醫生, 當然都會排政府
其餘的也有排緊
明天打去瑪麗, thx for your info

小小蜜蜂仔

wan_sosin 發表於 12-5-22 23:10
唔洗經學校架!我係由健康院醫生轉介去CAC的.我亦知可以叫私家醫生寫轉介信,一樣可直接去CAC.
我而家排緊期, ...

小學生健康院唔理架喇

bbricky

你要填同意書學校先會轉介去心理學家,我囝囝等左一個月,見醫生又係另一PART要轉介信!你都係在私家睇先!

Charlotte_mom

搵到了：瑪麗皃童精神科22553656

PARROTMUM

每區的精神科都排唔一樣的, 我舊年新症係屯門就只係排三個月咋

PARROTMUM

小小蜜蜂仔 發表於 12-5-23 00:20
謝謝分享!
我仔間學校也算大的辦學團體, p1開學時好似老師有講過有心理學家....不過呢步我要3思, 因為有過 ...

學校點都一定會知, 其他post的媽咪都有講, 醫院精神科定左你個小朋友有病就會知會教育署, 佢地會有津貼比學校, 學校關顧好唔好只你睇下啦, 如唔好到時可能要找另一間

Charlotte_mom

關於學校會唔會label小朋友呢個問題, 你可以搵個可靠既老師問下意見, 我自己咁睇: 其實老師都知你小朋友係咩人, 証實左d咩又點? 如果老師係ok的話, 佢唔會因為一個斷症而影響你對小朋友既態度, 相反, 見家長有俾心機去解決問題, 老師會更有信心(例如而家多手多腳影響到上堂秩序, 第2時有機會食左藥會合作d轉數又快d, 對老師都係好事)
當然我亦唔排除有d學校真係.......哎.........為左要得到資助, 就叫家長去驗驗驗, 但之後又無support什至玩野, 小朋友就好慘
政府醫生睇完之後, 會問家長想唔想將結果講俾學校知, 家長有權選擇唔講的

小小蜜蜂仔

Charlotte_mom 發表於 12-5-23 15:07
關於學校會唔會label小朋友呢個問題, 你可以搵個可靠既老師問下意見, 我自己咁睇: 其實老師都知你小朋友係 ...

charlottle_mom, 知道你住CWB, 想問下你....
我暑假會去CWB  mon-fri  整個上午, 在中央圖書館附近, 冇工人所以會帶埋個仔去CWB. 打算放低個仔響附近去學D野上D班, 而我就忙我ge. 想問下你意見, 果頭附近有咩course啱升p4小學生學嘅呢? 學術運動補習班....都ok, 我唔想太hea果種, 想佢認真上堂
可否比d意見

小倩

CAC：http://www.dhcas.gov.hk/tc_chi/centre_info/centre_info.html
另, 可以透過學童保健轉介

Charlotte_mom

小小蜜蜂仔 發表於 12-5-24 01:10
charlottle_mom, 知道你住CWB, 想問下你....
我暑假會去CWB  mon-fri  整個上午, 在中央圖書館附近, 冇工 ...

等我搵搵先, 一時之間唸唔出咩平靚正, 我都係住果度附近, 我d小朋友都要周圍走

小小蜜蜂仔

小倩 發表於 12-5-24 11:39
CAC：http://www.dhcas.gov.hk/tc_chi/centre_info/centre_info.html
另, 可以透過學童保健轉介  ...

學童保健...費費地, 等1大輪見1大輪先寫封referral letter比我去CAC排, 我去樓下個家庭E生寫, 半個鐘攪店.
我打過去2間有津貼的私營精神科E生問, N間復康機構問, 社工都話我仔似乎係好典型的專注力失調, 唯獨學童保健, 聽完我講第1個回應係: 男仔係百厭D架喇,mouth:" /> 比我感覺佢地好唔PRO, 冇呢方面知識, D口吻好似我99果D無知婦孺

小小蜜蜂仔

Charlotte_mom 發表於 12-5-24 12:06
等我搵搵先, 一時之間唸唔出咩平靚正, 我都係住果度附近, 我d小朋友都要周圍走 ...

非常感謝
CWB區也可以的, 只是不能離CWB太遠, 怕好趕
THX AGAIN

tszyaumama

回復 小小蜜蜂仔 的帖子

請問你係咪同個醫生講囝囝的情況, 佢就會寫轉介信?