你地既寶寶係學中文定英文先?

skmibb

原帖由 Annie123 於 12-12-07 發表
本帖最後由 Annie123 於 12-12-7 14:59 編輯

我表妹一家係外國出世，讀書，結婚同生仔。但佢地堅持同小朋友講中文，基本上日常用語全是廣東話。小朋友已三歲及上學，係屋企就講中文，係學校就講英文。我都唔明有些港人父母，明明兩公婆溝通係講廣東話，但同個仔講英文

FattyDaddy

真正嘅“講中文“係中國普通話，好多人話“講中文“其實只係講粵語，十三億中國人有十二億係唔識聽。

亦留意到有人反對專登同細路講英語唔講粵語，咁如果父母嘅中國普通話水平麻麻，但專登同個細路講“真正中文“唔講粵語，咁又有冇人反對？如果只反對前者唔反對後者，其實兩者又有冇實質分別？兩者都係專登用唔係自己最流利嘅語言黎同個細路對話。

FattyDaddy

到教細路仔讀寫嘅時候就仲得意, 我地會教以下邊一種寫法?

(A) 我先把蘋果洗洗
(B) 我洗洗個蘋果先

A係中文, B係粵文。如果個細路仔作文寫B, 輕者被先生鬧, 重者唔及格要做過。

如果我地認為同細路仔講母語(粵語)係咁重要, 但又幾乎嚴禁佢書寫母語, 而且仲覺得係理所當然地要禁, 係眯有啲神奇?

shadeslayer

孩子的母語，是父母親最熟悉的語言，按理不是一種選擇。如果父母親用不是自己最熟悉的語言作主要構通語言，是自行制造親子的𥕞礙。是愚蠢，是聰明？

judy

回復 FattyDaddy 的帖子

冇問題喎，中國自古都係咁：方言唔同，文字相同。

好仔依家我寫嘢，就係我手寫我心。要我寫"規範"嘅中文得唔得，又得喎。

其實，北方人寫文章，都有一定嘅規範，不是純粹我手寫我口。

FattyDaddy

judy 發表於 12-12-10 09:50
好仔依家我寫嘢，就係我手寫我心。要我寫"規範"嘅中文得唔得，又得喎。

唔係得唔得嘅問題。

問題係假如我地高舉母語, 但學校又嚴禁書寫母語, 而我地又覺得禁係理所當然, 呢樣先神奇。

中國境內, 學校唔單止禁寫粵文, 更係進一步禁講粵語, 爺孫兩代唔能夠用粵語溝通已經係相當普遍嘅情況, 大家會唔會認為新一代中國粵人因為唔係以母語粵語受教而形成思想障礙?

Yanamami

FattyDaddy 發表於 12-12-10 10:14
唔係得唔得嘅問題。

問題係假如我地高舉母語, 但學校又嚴禁書寫母語, 而我地又覺得禁係理所當然, 呢樣先神 ...

HK也始終同大陸「國情」不同吧......

我地細個時爸媽都同我地講廣東話, 番學作文唔准寫廣東話, 從來無人覺得有問題, 唔應該.

Yanamami

我姑奶係普通話人嫁德國人, 住澳洲. 兩囝女只會講英文, 事關姑奶都係以英語為日常溝通語言, 佢老公雖為德國人, 亦用英文溝通. 我姑奶有能力用德文同佢老爺奶奶溝通, 但兩孩子還是以英語為母語, 唔識德文. 識普通話, 因姑奶有教, 但只限听講, 讀寫十分十分皮毛.

就是用英語, 作文寫essay, 也不應用slang/ colloquial English吧.

judy

問題係假如我地高舉母語, 但學校又嚴禁書寫母語, 而我地又覺得禁係理所當然, 呢樣先神奇。

中國自古都係咁，講母語，用規範文字。自小，我係屋企講母語，係學校用規範嘅文字，無問題喎。我就唔明一向不是問題的問題，為何現時變成問題呢？

我唔信學咗普通話，就能解决書寫問題。我反而相信，如果唔多睇書，會把粵語用普通話讀出。事實上，我阿仔就係咁做。

zoe@3510

幾多歲左右先學母語以外的語言較合適呢?

FattyDaddy

simpleway 發表於 12-12-10 10:49
都說"母語", 為什麼不提父/母子的情況而只講爺孫?  ...

用爺孫, 係因為爺輩可能講中國國語能力真係有限, 而父母輩只係冇咁流利, 未至於唔能夠溝通。

我自己個人其實冇乜強烈睇法, 母唔母語可能會有影響, 但又未必係想像中咁嚴重。人嘅思想係眯真係靠語言? 始終中國有億計兒童唔係以母語受教, 而天生聾人自少就冇辦法聽到任何語言, 亦唔見得會成為智障白痴甚至完全唔識思考嘅植物人。

shadeslayer

原帖由 FattyDaddy 於 12-12-10 發表
本帖最後由 FattyDaddy 於 12-12-10 13:44 編輯

問題是為何父母不用自己最流利的語言先教好孩子母語？孩子四五歲已經有很好的母語基礎，再學英語，普通話冇問題呀。

孩子學不學母語，按理不是一個好問題。為何不教孩子母語，自己制造親子溝通𥕞礙？你有冇聽過一些父母用非常不流利的英語和仔女溝通？何苦？

annie40

回復 shadeslayer 的帖子

我在Singapore 四周的新加玻人都系甘, 老豆系甘用不流畅的Singlish 跟成年孩子沟通, 到依家我仲怀疑紧究竟普遍的新加玻人是不是有母语的, 太奇怪的现象!

见过indian family 也是如此, 但其英式英语的水平高很多

shadeslayer

I have a Singaporean colleague who speaks very good English without accent at work.  But when he is relaxed or get excited, Singaporean accent comes out.

shadeslayer

點解唔用母語‘ ... 呢個問題最好去問中國以億計嘅家庭。  發表於 前天 16:36

xxxxx

Can we talk about HK first?