放榜日

Ivy07

呀仔放榜個日唔使一個鍾就搞掂，我個間無預先通知，但就預先打定推薦信比派得差的學生。我聽聞過有些學校會打比家長，問要唔要推薦信，可能就係暗示

cherry媽咪

原帖由 spw 於 12-05-08 發表
咁我想知道,學校可以預先看左派位成績架?

學校前一天已收到。

minijelly

唔好太敏感，其實我囡係上屆升中生，只係事後有同學mami講返出黎，當時我自己都準備定叩門文件，老實講，學校對學生非常支援，校長由小五開始已幫助學生，安排模擬面試，義工服務，多埸講座等，所以對我而言，無話公唔公平，只係學校緊張學生既表現！
點都好啦，總之做定兩手準備就無死錯人，記住download定application form,填定晒，attach晒成績表，獎狀等，大家仲要留意有部分學校如果自行無揀或無擺第一就唔接受叩門，詳情可致電各校查詢，唔好忘記交表deadline
祝各位派到心儀中學，等大家好消息

LeoRyan

唉！其實都唔知前一晚收到通知係好定唔好！

nc2000

原帖由 minijelly 於 12-05-08 發表
唔好太敏感，其實我囡係上屆升中生，只係事後有同學mami講返出黎，當時我自己都準備定叩門文件，老實講，學 ...

我問過老師派得唔好，可否前一晩通知，暗示一下，等放榜日叫埋爸爸stand by，因為老公好忙，好多時不在港，亦唔係話放假就可以放，要安排好多野，但老師都係話唔可以咁做，咁樣好為難，咁當然我都明白個遊戲規則！

makchuimei

咁快有資料,叩門文件係咩 ... ?
謝謝.

LL889

makchuimei 發表於 12-5-9 00:43
咁快有資料,叩門文件係咩 ... ?
謝謝.

1. P4 - P5 成績表copy2. 獎狀copy
3. 校長推薦信copy
4. 當初自行派位, 申請果間中學的申請表copy
5. 回郵信封

我舊年準備咗3本 Portfolio叩門用, 好彩用唔上.

Good Luck!

Chanpp921

加油呀, 唔好太擔心, 雖然我自己都做唔到, 好似等謹行刑咁, 一d都唔跨張, 仲有兩個月, 要撐下去

Emilyryan

回復 LL889 的帖子

P4 -P5.成績表  ?  點解唔係P5 和P6 ?

lky3107

Emilyryan 發表於 12-5-9 09:14
回復 LL889 的帖子

P4 -P5.成績表  ?  點解唔係P5 和P6 ?

會唔會間間中學都唔一様, 我諗到咁上下時間就打電話去問清楚, 或上網check清楚會安全d.

minijelly

其實好多學校都會暗示,我姪女前年派位,佢讀九龍塘某小學,成績都係TOP3,揀左間超小位女校,結果派唔到.老師前一晚都打比佢,問佢如果派唔到1st,派2nd你接唔接受呀?咁當時佢媽咪已經估到,不過2nd,都係九龍城1B英中,所以打消叩門念頭

like_travel

我囡學校由老師, 校長以至班主任, 永遠都係果句 "您個囡得ga la" ! 問親佢地咩, 永遠都係果佢 "得ga la" !

對於尊敬既老師們, 我沒有祈望佢地會對個別學生給予提示

alice44

上年都用了差不多半小時就知道結果, 8:30am開始入學校操場, 校長講了一大段說話又要祈禱, 以為派啦! 點知學生又要上班房先派, 派完所有人先可以離開班房, 家長就在圖書館等. 好彩上年在bk聽到d家長教路, 比定個電話阿仔, 叫佢收到結果立即打比我, 老師鬧都唔好理, 一定要打比我.

我仔小學都無預先通知家長, 因為公平起見. 其實我都唔想早一晚知結果, 好就緊係好啦! 唔好就死得啦! 唔使瞓就預咗, 到上午返學咪好似耶穌背住個"十"字架上刑場行刑咁囉! 如果唔知仲可以好有希望咁上學校.

我就在一星期前plan定叩門路線, 老公要出動之餘, 連細佬都要standby, 叫佢揸定架車喺學校門口等我. 因為重點要叩門的兩間學校都要上午擺form, 其中一間要立即筆試 & 面試, 另一間就中午要筆試&面試. 時間十分趕.

我就之前通知定老師如果派唔到第一志願就打定推薦信, 上網揾定要叩門的中學form及要求等等的資料, 派得唔好就要即走.

總之就要做好幾手準備!

希望你們可以派到心儀中學啦!

BSCYL

學校在放榜前一日, 畢業禮/畢業聚餐當日已知結果.
放榜當日, 小朋友返回課室取通知書, 家長在禮堂等候
有家長心急希望知道結果, 向副校長提問, 都無法取得答案, 回應待小朋友到禮堂即可以知道.  守口如瓶.  所以同校的有心人不用向校長/副校長, 負責選校的主任打聽
當年傻呼呼的, 兩公婆一同到禮堂呆坐, 比起一些醒目家長, 兵分兩路, 媽咪陪子女到校取成績, 爹地一早到心儀中學排隊. 原來叩門第2選擇, 一早已排了百多人. 我只帶備印好的叩門文件, 未有其他動作.
未到半小時, 不少家長接到小朋友電話/短訊通知結果, 我那位小頑皮卻一點音訊也沒有, 斯斯然地跟大隊到禮堂, 木口木面, 真的有點嚇人, 原來是故意作弄兩老.
中午畢業聚餐後, 不少6年級的老師返回學校, 做準備工作, 派通知書當天, 有同學即時已有校長/班主任的推薦信在手.  明顯早作準備
6E/6F班主任, 應該知道小朋友的派位情況, 但是否願意提前通知, 就不清楚.  有個別老師, 對個別學生的派位的 第6靈感特強, 準確度高

htts

alice44 發表於 12-5-9 11:40
上年都用了差不多半小時就知道結果, 8:30am開始入學校操場, 校長講了一大段說話又要祈禱, 以為派啦! 點知學 ...

那一刻, 還有用嗎?

校長的說話,唔知有幾多家長聽得入腦lu, 個個都諗緊仔女allocation result係點啦.

karen2323

睇黎間間學校做法都唔同，但都係一句：家長心血少d都驚自己會暈低，又驚自己情緒失控，影響小朋友。

alice44

htts 發表於 12-5-9 14:19
那一刻, 還有用嗎?

校長的說話,唔知有幾多家長聽得入腦lu, 個個都諗緊仔女allocation result係點啦.

祈禱...嗰一刻真係無咩用, 不過因為係天主教小學, 所以是例行工事.
無錯呀! 我當時真係一句都聽唔到佢講咩, 又有其他朋友打嚟問, 因為佢地已收到派位證, 我就只有等, 當時個心都喺度講"唔好講咁多廢話啦! 拿拿林派啦! 有咩事仲都去打仗o家".

黃巴士

想問放完榜10/7之後果幾日(12-13/7要註冊), 仍要返學的嗎??  因暑假16/5至放.

ohnono

alice44 發表於 12-5-9 16:28
祈禱...嗰一刻真係無咩用, 不過因為係天主教小學, 所以是例行工事.
無錯呀! 我當時真係一句都聽唔到佢講咩 ...

祈禱祈禱，唸經唸經，起碼有個時間冷靜一下，催眠一下自己，反正d小朋友都未有咁快派完下來。

之前諗定好多方法，又話叫囝囝靜靜地開著個電話，現場收音，等我即時知道內裡情形；又或者叫佢即刻send短訊比我。點知佢一樣都無做到，嬲到我死，重以為有大獲野發生添。後來佢講番話唔想犯校規，所以唔敢開電話！