放榜日

minijelly

我諗間間學校唔同,上年我校齊集禮堂,先到先排隊攞結果,派得差的同學,老師之前一晚打電話比家長,通知準備好叩門文件,第二朝7:30即攞派位紙即出動叩門,學校真抵讚

minijelly

紅馬

curryson

大仔時學生返課室攞,家長在禮堂等.
然後學生班排隊上來禮堂見家長.
不用好耐,最多半小時.

Nanny01

我都係小六生家長, 但我完全吾欣賞這學校做法
作為一間學校 都吾遵守教署既規定, 預先通報部份同學, 咁對其他學生家長吾公平, 如何建立一個公平公正公開既社會

BK2002

回復 Nanny01 的帖子

如果你既子女吾好彩派吾到心儀學校, 甚至跌banding派位, 你會吾會埋怨學校吾預早一晚通知你等你有所準備? 無論係小朋友同家長都要有心理準備, 派位吾理想就明日一早去叩門.

想像下, 如果比我見到有家長因為子女派位吾理想而係禮堂失控, 我只想到"見者心酸"..

htts

都係個政策玩c人.

ohnono

唔好理公唔公平啦，根本每一個同學都應該有心理準備去預備叩門才好。叩門的材料和路線亦應該在放榜前準備好，唔好等到放榜前一晚才去搜羅。

curryson

大仔果年,當D學生見到家長時,禮堂里一時轟動;
印像最深係有兩個同學的媽咪在攞到派位表時,失控尖叫:"我地得咗啦."
之後好開心咁問你派到邊間,你派到邊間,完全不理其他人的感受,也有好多家長黯然神傷,抱住個小朋友哭的也有,果場面真係唔想再次見,可惜二個月後又要再經歷一次.

k_wong7

回復 Nanny01 的帖子

我諗間學校都係想真係派得好差既同學, 有心理準備姐.  同埋都係夜晚先通知, 都係早幾個鐘姐.


其實, 身為小六生家長, 個個心情都緊張, 我可以好坦白同你講, 如果依家已經可以知, 我真係好想依家知, 呢個等候時間太難捱啦!!!

咁當然, 你會話, 唔公平, 唔守規, 不過, 對於一d成績唔太理想, 又派得差既同學, 佢地真係幾傍惶. 老師都可能係體諒佢地既情況先咁做!!!

ohnono

講開又講，若果派得唔好，我寧願老師唔好咁早講，費時擔心多一晚。晚又訓唔著，第朝又要四圍去撲，都唔知頂唔頂得住！

Lovely媽咪

諗番上年放榜日,之前一晚真係瞓唔著,唯有check清楚要去叫門既資料,有多冇少.我仔學校係家長去哂視藝室等,學生返課室等老師派結果,到差唔多時間家長就去課室搵佢地,當佢到已見好多學生走出嚟,有啲好開心同家長講,有啲就唔開心,但亦不算派得太差,只是不是第一志願,跟住家長就會即刻同老師傾去邊間學校叫門機會大.
當日唔駛去叩門既學生係會留係學校,表面繼續上堂,實際就同老師傾吓計.因有些班別可能得番3份1學生.
我最深刻係有個小朋友不停咁喊,因佢派得唔係咁好,我問佢家長呢,佢話已經打咗俾佢,佢地嚟緊,但等咗差唔多成個鐘都未見,見到個小朋友好憺心,因其他人已經出哂去叩門....
唉!我想講就算當日幾忙都好,都要陪佢地返學校攞結果,好既就可以即時同佢一齊分享開心,真係派得唔好,佢地係好需要有人係旁邊安慰架

wloi

我學校的校長，在之前的家長會時已經講了...10/7 那天，全部人都帶齊叩門的文件、相片回校。派到的，就收了通知單後去慶祝；派唔到的，就可以立即出發去叩門。校長話預備了的文件和相片係唔會浪費的，因為中學註冊時都會要求帶同樣的文件。

spw

咁我想知道,學校可以預先看左派位成績架?

禮媽媽

原帖由 ohnono 於 12-05-08 發表
本帖最後由 ohnono 於 12-5-8 14:09 編輯

唔好理公唔公平啦，根本每一個同學都應該有心理準備去預備叩門 ...

完全同意！