ADHD食葯問題...

小倩

阿仔今年P.2
升小一暑假經CAC轉介兒童精神科 (cfm亞氏保加)
上年12月第一次見姑娘
今年1月見醫生再cfm ADHD
啱啱覆診就已經話要食葯...

係咪快咗啲?
聽人講要幾次評估先會決定食葯
定係因為已經小學, 等唔切做行為治療
想及早抑壓避免影响學業

patpat234

小倩 發表於 12-4-23 11:39
阿仔今年P.2
升小一暑假經CAC轉介兒童精神科 (cfm亞氏保加)
上年12月第一次見姑娘

有冇話份量幾多?

我仔明顯食左藥後 功課做得快左, o岩多左,冇咁易分心,大家都好舒服
佢上午半粒, 中午半粒

sharon1018

當初我個仔係政府醫院睇,就冇食藥,因為太細個..
之後大個D,轉去睇私家..貴就貴D,不過勝在有新藥可以食..藥效好過政府既..

Jac_chue

原帖由 sharon1018 於 12-04-24 發表
當初我個仔係政府醫院睇,就冇食藥,因為太細個..
之後大個D,轉去睇私家..貴就貴D,不過勝在有新藥可以食..藥 ...

請問有冇藥名，用藥真的不同？副作用少d？

小肥豬

我都係開始食了幾日, 開頭想放假幫佢停藥. 但後來聽人講原來唔可以, 所以而家放假只係停食下午有需要時食的藥架. 而上午和中午就食半粒.

funnycat

請問是看那位私家醫生, 可以pm資料嗎? Thx!

sharon1018 發表於 12-4-24 15:45
當初我個仔係政府醫院睇,就冇食藥,因為太細個..
之後大個D,轉去睇私家..貴就貴D,不過勝在有新藥可以食..藥 ...

funnycat

請問各位食藥要食多久? 有甚麼副作用? Thx!

sharon1018

回復 Jac_chue 的帖子

政府同私家的用藥不同..
不過也要看小朋友的嚴重性..
一般的藥就和政府沒有大分別..
需要控制小朋友的脾氣的就不同了..
有需要的話.再告訴你哪位醫生..
在尖沙嘴的..

sharon1018

回復 funnycat 的帖子

我兒子剛開始吃藥的副作用是....食慾不振...睡不好..
不過每個人對藥的副作用不一樣..
現在換了醫生三年..換了藥,就沒有這個問題的出現..

semipanda

回復 sharon1018 的帖子

私家醫生那種藥12小時服一次，但政府那隻要4小時服一次，有時仲要返學午飯時再吃，老師又知，同學又知，自我形象會唔好囉！

masterunion

政府都有12小時架...
我地係醫生寫紙出去買藥

sharon1018

回復 semipanda 的帖子

同意..而且小朋友自己會覺得.點解佢同其他人唔同?
而且老師都想教好佢...對佢會嚴小小
所以小朋友會覺得老師全部都針對佢..
...加油啊..呢D問題要好好處理...