分享叩門成功經驗

vincher

叩門前，其實還有最重要的事要做,而不少家長忽略的：
***為孩子心理輔導****
我兒的情況：
他就讀的小學有一間同名的中學(因屬band 2中文中學，band 1生不選)
(雖當時並非一條龍，但每年收三十多個學生，所以只要我選它，幾乎必入)
而兒子亦很喜歡入讀，因已認識很多同學！
但作為母親，為他將來著想(因準備送他到外地升學)，始終想他能在英中入讀！起初，他反應很大，不肯去面試！所以叩門直資之前，必須作心理輔導！否則，他在面試時搗蛋，便叩不成了！

jimami

其實係因為vincher你寫得好有系統,所以唔想亂咁加入,攪亂你寫嘅流程。
叩門成功經驗的小小分享:
(1)放榜前參考各大媒体公佈百分比,大概知道自己小孩的機會率。即刻決定係咪要做好準備。
(2)叩門Form、文件、相片、要C0PY嘅準備好晒佢。
(3)自己有車嘅加好晒油,嗰D防晒防熱用具一件都咪漏。(去年叩門嗰陣,天氣已經熱到冒煙),準備好路線圖。
(4)之前嗰晚同小朋友對選擇叩門的學校要有共識。亦要明白叩門時要面對嘅面試及筆試係一關一關咁過。
(5)凖備好筆、水、香口膠、麵包(注意以清淡為主,千祈唔好有芝士、蒜茸等配料)、抹汗毛巾
(6)放榜出嚟
   (a)派到啱心水嘅,帶同(5)用品到郊外野餐。
   (b)派到唔啱心水嘅,唔好浪費時間喊同埋抱怨。首先去自己最覺得有機會而又係即刻面試嗰D學校,如果只係交Form嘅就遲一步再去。
(7)到達叩門嘅學校,陪住小朋友作戰吧!
     以去年經驗,一間學校叩門的整個流程大約2.5~3小時(當然部份中途已出局就較快),
     (a)中途出局:唔好太介懷,其實有時都唔知去到邊part先係final。去年犬兒在其中一間學校叩門時,已經完成面試(老師)+中、英、數筆試+面試(普通話)+面試(英文)+面試(副校長)。佢做晒後出嚟都唔知結果係點?見走廊D人話咁樣即係可能去到副校長嗰關表現未夠好。咁咪以為冇喇!我兒仲同我講“真唔抵,都過咗咁多關,臨尾先至失手!”點知第二日收倒好消息。
    (b)筆試+面試:毎次完成筆試or面試,可能即刻又轉其它課室,我會儘量同佢有眼神接觸,輕輕點頭鼓勵佢。可以嘅話俾水佢飲,但絕對唔問佢識唔識,雖然我好想問。
    (c)考完:我同佢講:「你真係好叻!可以一關一關咁過。無論結果係點?我以你為榮。」我唔想佢沉淪係放榜時嘅低氣壓,倒不如提起佢嘅挑戰心。
    (d)等結果:手機隨時通嘅!咪以為朝九晚五才會有電話,我嘅好消息係喺傍晚收倒架!
暫時寫到E度,祝大家嘅心肝寶貝都入到心儀嘅學校。

motherotk

Very generous and open sharing, very helpful and concrete..

Benefitial to future planning....Wonderful, thank you!

vincher

回復 jimami 的帖子

謝謝你的分享！你很細心！~~

vincher

叩門之前一晚：
1.我上網download 申請表及填表！(因太忙，大家可以早些)
2.與兒子一起看校網，讓他認識該校，與他分析學校的強項！
  最好叫孩子認住校長和副校長的樣貌(因很大機會要見他們)，
  怎樣向他們打招呼！
3.早點睡覺，輕鬆面對！
叩門當天的部署：
1.準備好成績表、所有證書的正本(用file 一張張入好，先放4-6年級成績表， 再放證書)(最好由孩子自己入，因帶進去面試的是他本人)
   及副本 x 份 (視乎你叩多少間)
2.準備好已填好的申請表、派位證、文具(記住有萬字夾，以便附在申請表)、
  回郵信封、水
3.選定路線：叩門的次序
4.鼓勵孩子，提醒他們說話要清楚和有禮貌(尤其是眼神)

motherotk

Thank you very much, very nice and supportive advices!!

jimami

有一條題目通常係會問家長。
“學生返放學的交通安排?”E條題目好易睇得出大家是否有事先做資料凖備,尤其叩嘅學校同屋企距離較遠嘅學生。因為叩門嗰日梗係自己揸車或飛的士。咁大家有冇先諗好學生平日返放學的交通安排嚟作答?
標準答案: (A)搭校車 (如果肯定間中學有校車而且又有嗰條路線。)
                (B)搭公共交通工具 (要事先查清楚最簡單快捷的路線。)
                (C)自己揸車接送 (要俾老師覺得只係返放工順便接送,千祈咪講到好似唔捨得佢迫巴士、地鐵, 以免有被父母驕竉的感覺)
                (D)步行 (如果咁啱間學校咁近,又或者咁啱準備搬去學校附近。)
反正如果真係遇到要回答E題時,記得要講得出點樣返放學,千祈咪俾學校覺得你哋係諗住考到至算。

vincher

回復 jimami 的帖子

果然是一條熱門的題目！但去年叩門時，是副校長問家長！
「你們住得遠，怎樣來學校？」
但如果最後問家長此問題，會否是取錄的hint？
那天，本來打定輸數的我，當天5時20分收到好消息！

jimami

就係因為被問到E條題目時,真係有D可能被取錄嘅感覺,更加不容有失。所以準備叩幾多間就要攪清楚幾多間嘅路線,ED臨場係老作唔出架!

HappyEE

Thanks for your information

mo-ma

各位，多謝分享寶貴經驗，真的獲益良多！

chumamma

vincher 發表於 12-3-19 00:37
「sportACT獎勵計劃」 金獎                 XXXX年

如果將 「sportACT獎勵計劃」 金獎  填上去, 是否侮辱校長智慧呢 ????  

我以前幫人打 profolio 時, 位家長叫我打好多嘢上去, 當時我覺得好勁, 現在才知有很多是 【必有】金奬。 校長會 count 嗎  ?

Sorry ~~~~

vincher

回復 chumamma 的帖子

若你獎項夠多可選擇不填，我填了，放差不多最底位置，我認為始終係學生有參與恆常運動的成果!

vincher

今天談談我認為小兒有何優點，以致叩門成功!
註：自行階段沒申請過，只在放榜日當天去叩門
1.操行好十成績表上老師評語好（所以趁仲有三個多月，還有一次畢業試會落操行，平日關注子女上課表現和行為）
2.家長支援，讓人感到父母經常在學業上協助子女（我的憑證：多次獲校內親子xx比賽獎項or面試時老師可能問你子女：你有功課唔識，如何解決？或假日你做什麼？)(叩門那天最好父母一起出現，我兒in2間，2間都有叫家長見老師）
3.體育、視藝、朗誦、閱讀有獎項+積極參與課外活動及交流活動
4.面試表現好
5.派位結果不俗（我兒派獲首名志願）
6.放榜第一天上午便叩門,證明誠意十足
7.就讀的小學名聲不俗+普教中(若叩門的中學也是普教中may be better）
##最好打探下該直資是否有聯繫小學!有些雖然有，但仍有較多位！有些冇嘜位剩!
##有時要膽粗粗才有收穫：記得叩第二間直資，常聽很多人爭，見我仔的成績只係剛達基本要求，本想想放棄，但唸下點都要嘗試，最後成功!所以凡事不要輕易放棄，大家努力吧!

jimami

即場筆試係非常重要。去年叩門筆試後,部份學校係即刻改卷,分數唔達標即out。

DBS_spdm

回復 vincher 的帖子

thanks vincher
可以分享令郎係讀緊邊間中學嗎？

vincher

回復 DBS_spdm 的帖子

(為保障私隱，還是用代號 )
我叩門的第一間直資（有網友說它會收band3,但我找區內某小學負責升中的老師查過，據其學校派位統計，band3學生選它作首名志願的，沒有人試過成功!另一方面，因有親友正升讀F5,表示校風純樸）
放榜日8時，到兒子小學取了派位證，便辦理早退手續，踏上叩門之旅!
9時到了第一間中學，把預先寫好的申請表，連同portfolio副本交職員查看，等了45分鐘便到兒子面試（家長也要進去陪坐，2位老師只向兒子發問)全程用英文：有自我介紹、個人喜好、怎樣可學好英文，最後用中文問：＂你對我們的學校有何認識？從甚麼途徑認識我校？"(問題不難，看見兒子也能發揮水準）
回到等待面試的課室等了15分鐘，便有職員叫我們出走廊，告訴我們已取錄了，並囑咐翌日上午交留位費！我們喜出望外，但因要上班再難請假，回覆下午四時多才辦理留位手續!（賽後檢討：我認為因兒子skipping &art有獎項，正是此校有突出表現之處）

約10：15我們驅車到第2間直資!
（此直資口碑一向很好，朋友兒子是用家，都係有讚冇彈!所以我抱住姑且試下嘅心態，覺得兒子機會微）
10：40到等待面試室向職員索取申請表，職員要先看成績表，合乎資格才給予申請表！我看到她很詳細地閱讀兒子成績表上的操行、老師評語!
填表後交了50元手續費及申請表（當然我趁機夾了portfolio副本),便等待面試!約一個多小時，終於叫了兒子去面試!（他自己一人）（事後問兒子，副校長用英文問他愛看什麼書？為何常識成績不太好?only 2questions）約20分鐘兒子進來叫我們一起再見副校長！用中文問父母如何到此校?（我見只問2條問題，今次又睇唔到兒子面試表現，而他的成績又並不是突出，已打定輸數）誰知5：20接到好消息!（翌日我才知道朋友兒子全A但不收)

DBS_spdm

thanks for sharing, vincher
"翌日我才知道朋友兒子全A但不收"

知唔知點解呢？

vincher

聽說面試表現不太好，而且冇嘢比賽獎項、少參與課外活動

vincher

Chun媽，謝謝你的欣賞，把它加入你的最愛!
也要謝謝jimami 幫我hyper link   這帖子
希望幫到更多人，當然衷心盼望你們的子女在大抽獎已入了心儀的學校