校際音樂節-離開

Lilo

因為要同小朋友請假，想請問各位有經驗嘅媽咪，小朋友係校際音樂節鋼琴比賽係咪一彈完就可以離場，一或係要個節咁多個參賽者都彈完中場休息先可以離開？

joey媽媽

可以等下一個參賽者未開始前就離開會場

Lilo

Thanks Joey媽媽

cpcog

do you mean going back home?? If you want to get the result at once, you must go back to the venue at the end of the competition.

^曾小姐^

請問如果分兩節,我果個係第一節,即1:45開始,而第二節3:00先開始,係咪完咗第二節先公佈成績?
如果係,可唔可以彈完就走?大約幾點返黎拎成績呢?
thanks

Charlotte_mom

問左協會, 可以彈完就走, 家長可以拎住張比賽紙最後拎分紙
(仲俾個職員話唔建議呀, 其實都係想交流呀, 我忍唔住話, 如果唔係佢地set到個規矩咁strict, 我無得改, 我邊駛由港島去新界又去九龍比賽再去新界然後再返港島呀! (因為我個女畢業營)個職員聽到我要咁行大運都"嘩"一聲)

clarawuwu

Charlotte_mom 發表於 12-2-22 20:46
問左協會, 可以彈完就走, 家長可以拎住張比賽紙最後拎分紙
(仲俾個職員話唔建議呀, 其實都係想交流呀, 我忍 ...

咪係羅...點解唔多考慮其他實際因素呢? 好似我地彈古箏,要自己拎古箏(又重又長),腳架,協會仲要安排晒D比賽時間係朝早9點去香港島報到.....大佬呀...朝早7點就要出發喇...唉...咁早都唔知CALL唔CALL到VAN仔...仲煩惱緊..因為,問左CALL台,職員都話咁早真係未必有車.......

Charlotte_mom

個職員仲講到話, 其實協會已經盡量FLEXIBLE, 話"課外活動而影響成績"就係留返俾學校決定, (頂! 言下之意即係話學校唔肯講大話佢地都無辦法), 仲話其實如果咩都唔參加就唔會咁多麻煩, 講黎講去就話委員會決定佢地都無辦法, 講完真係一肚氣呀

呢D真係50年不變喇 (我琴老師話好多制度由佢細個比賽到而家都係無變過, 包括獎金!)

CnLola

課外活動不影響成績,只要學校出信就可以改.

Charlotte_mom

官方指引:

接受更改原因只限於：
(a) 比賽項目與校內考試、測驗或評估於同一時段進行；
(b) 比賽項目與校內默書或其他校內活動於同一時段進行，而該活動將影響參賽者之學術成績；或
(c) 比賽項目與音樂節其他比賽項目編排於同一時段進行。

個職員話, 指引俾左學校, 學校(((當然都有佢既專業操守啦))), 咁出唔出信就由學校決定喇

如果課外活動唔影響成績, 而學校出信, 衰D講即係要學校講大話! (呢個就係所謂協會俾學校既自由度?)

CnLola

我初時都有擔心,因為活動真的對成績無影響,但小朋友又好想參予,結果老師都認為無問題,還幫我打電話去協會問,職員都話OK,結果我都改到.

Lilo

我好彩d，比賽前一日完成晒測驗，不過無乜時間練琴

paltiBB

咁我都幾好彩，學校考試在比賽後兩周，不過都係無乜時間練習.

lojo11

我個仔9:30到... 如果唔等成績, 當日無時間再去攞, 可以點?

w_y

我都想知如果唔等分紙就走, 要等幾時至會知分數? 如要等學校派咪要等好多個月囉?!

wongcc1976

..........

Lilo

最終我地都無早走到，一來計過聽晒都唔係好耐，二來見到頭個5、6個小朋友，彈緊時父母蹲在通道旁，小朋友一落台就走，感覺真係唔太好，不至於唔尊重其他參賽者，但真係幾disturbing，所以同我小朋友打眼色話佢知要留低。

Lilo

原帖由 w_y 於 12-02-26 發表
我都想知如果唔等分紙就走, 要等幾時至會知分數? 如要等學校派咪要等好多個月囉?! ...

根據大會通告，唔即場攞分紙要係4月16日後憑會員証返協會辦事處攞返

w_y

Lilo

謝謝! 即係點都要等學校處理. 我女係第一節, 佢一定會睇完, 但第二節就唔想等, 因為好似無得入會場, 我唔知第一節分紙是否要等到第二節完埋場至有, 所以就問下大家. 我都好唔贊成中途離場的.