培道定聖羅撒? 各有優劣邊間無咁辛苦?

lous03

小女而家考到呢兩間, 各有各好唔知點選
培道好在 :
1. 一條龍唔使煩
2. 比較上, 好似無咁谷學生功課
3. 比較上, 校方好似無咁惡

劣在 :
1. 幼稚園小學中學都係中文教學, 怕佢出來會無咁好(因我都係中文小學轉英文中學, 真係天堂與地獄架)
2. 小學開始要交學費, 好似2000一個月

而聖羅撒好在:
1. 傳統英文名校, 學生成績好, 有咩事出來都好多學校收
2. 比較上好似出名D
3. 幼稚園開始, 一直都唔使比錢 (其實幼稚園好似要比$660/月, 不過唔算多)

劣在:
1. 到小學要大抽獎, 雖然話可以第三輪扣門, 但第一二志願一定要選佢, 即係如果讀唔到佢, 就要周圍搵小學做第三輪扣門. (其實詳細係點我唔太清楚, 以上都係睇post得知)
2. 比較上, 好似好谷咁, 有人話小學已經日日有5,6樣功課
3. 聽人話校方好惡, 家長反映D問題, 校方唔理
4. 校車成日遲到, 又改時間, 車程又長 (又係睇人post講, 因我住荃灣, 其實2間車程都長)

以上都係聽返來, 其實我最大問題係怕太谷, 怕個小朋友會對返學反感. 但又有人話小朋友白紙一張, 谷開左佢唔覺得谷. 反而而家唔谷開, 第二時一谷佢仲反感. 我都唔知邊個岩. 救命!!!

jocelynma0504

Depends on your child character! If she is smart and follow instruction, then I will choose st rose! It is more famous! Also, you need to think whether you like Pui Tao primary school or not!

dchui

當然係ST ROSE

Sumin

我同你個情況都一樣，我住大窩口，而家諗到頭爆，間間都有支持者，但我自己成日都好似覺得有間小學穩陣d

alowe

聖羅撤偏英, 培道偏中, 雖說聖羅撤小學是派位的, 但向自己系的小學叩門機會當然會較其他學校大.

Sumin

就係有好多人話而家聖羅薩小學都有要求，另收出面更好d學生，讀佢幼稚園都沒有優勢，都唔知有幾成真

dchui

如果真係只選培道及ST ROSE, 應該選ST. ROSE, 如果住九龍塘區, 讀ST.ROSE 可以多一個抽獎機會, 如果不是住九龍塘區, ST. ROSE 叩門唔收, 你可以用ST. ROSE 幼稚園來叩其他小學都好D, 起碼多人認識. 再唔係去讀其他直資或私小, 如九真, 聖方濟, 德雅等, 雖然要比錢, 但你可以用三年幼稚園時間SAVE MONEY. 英文水平都會好D.

lous03

多謝大家意見，呢幾日都問左好多人，初步都應該聖羅撒，因為學樓上咁講，就算抽小學，st rose 應該都唔怕無人要。但培道就真係有d 怕中文教學。因我自己試過中文轉英文，可以話影響一生架。

DANIELNG258

請問大家如家住不在34區,又不是教徒,您會揀培道定聖羅撒

eggmama

St Rose 唔清楚，但認識培女子中學生，亦接過放學，女學生好乖純，學校環境好

Sumin

我正是同你一樣，冇信仰，冇校網，我初部偏向培道，我擔心三年後既竟爭聖羅撒叩門都冇用

MARCHYAN

聽聞聖羅撤幼無優先機會入小學,一樣係大抽獎, 睇你博唔博

Macylau

回復 lous03 的帖子

我覺得選龍校目的係為左小朋友小學中學有保障，吾冼考黎考去就順利可以接受優質中小學教育！除非你好鐘意培道中小學，如果吾係又何必只為龍校兩個字選培道呢？培道小學我吾太清楚，但我就係十年前係培道中學畢業的！我小朋友係仔，但就算佢係女仔，我都吾會考慮培道，想知更多pm我

caramum

As I know that 4 out of 5 classes are English classes at Pooi To Secondary Schoo nowl. Also, it is good that Pooi To primary school is in Net 34. If you don't like the secondary school, you can choose other schools at Kowloon City and Homantin District. Also, most of us studied at Chinese primary school. There is no need to worry about the Chinese primary school.

lingan

其實我係聖羅撒幼稚園小學，之後入培道中學的。不過係好多年前的事了。
聖羅撒: 應該而家都係中文幼稚園及小學，最近我問過的。校風是嚴謹的，咁多年都無變。聖羅撒小學唔一定入到中學，而且中學部而家搬左去沙田，這一點係要留意的。
培道: 係唔係真係有咁多班英文在中學部我唔知，但係培道一直都係一間中中。校風係純樸的，比聖羅撒無咁嚴謹，但係我的同學們大部份都是乖的。(而家唔知點)
呢排睇左好多有關聖羅撒幼稚園的POST，佢校舍新校長好，比培道優勝(其實我未入過培道幼稚園校舍)，但係讀完聖羅撒幼稚園唔一定入返小學，所以我覺得中意聖羅撒又唔一定要讀埋佢幼稚園。個人意見啫。

lingan

P.S 聖羅撒應該係多功課及深過培道的。

Macylau

回復 lingan 的帖子

你邊年畢業呀？我都係培道畢業，pm我啦

Janetlam263

回復 Macylau 的帖子

請可否PM我講多一點有關培道資料給我，因EK好少人講，謝謝．

Sumin

Macylau 我已pm你，想知更多培道資料，有時候請回覆thanks

winnietingting

原帖由 Macylau 於 12-03-01 發表
回復 lous03 的帖子

我覺得選龍校目的係為左小朋友小學中學有保障，吾冼考黎考去就順利可以接受優質中小學 ...

Macylau 我已pm你，有時候請回覆thanks