泳天及YMCA游泳班

Hawaii

想請教一下: 我心大心小不知應選擇那一個泳會學游水, 小兒已4歲, 我見到都有很多人報名這兩間泳會, 請問那一間會好些?
先多謝大家的提點!!!  

rebecca0113

我之前小朋友係YMCA 學游水,都ok但就太多人啦.1條link 成9-10個小朋友學,好似好迫咁,我見我個小朋友游2步就撞到前面個小朋友,好似唔係咁好咁...所以我而家都搵緊有無其他好的既泳會.......

^曾小姐^

我都想知,呢兩個泳會我都有留意
有冇人有好介紹呢?

pauline_c

我地兩個都參加過，在泳天進步好多。

哈比

不論任何泳會, 最緊要個"夾"字....
夾時間.....夾地點....夾老師....

jollyma

我兩個都參加過，阿女唔喜歡泳天老師，嫌佢惡，同埋行政都幾亂，YMCA就學得慢啲，如果選平日，多數都得四五個一班，我只在乎強身健體，所以選YMCA。

monkeysmama

我個仔都係兩個泳會都參加過, 泳天無疑係會學得快D, 但好似樓上媽咪講, 佢行政幾亂, 唔知我唔好彩定咩事,當時試過幾堂轉一個教練, 我仔就唔係咁鍾意. 同埋佢借人地學校泳池教水, D 設備唔足夠, 仲試過無熱水沖涼

YMCA 個水池同沖身地方比較適合幼兒, 夠哂暖笠笠.  我地一心想個仔KEEP 住游水, 咪由得佢玩得開開心心, 慢慢進步, 係咪學得快反而唔係咁重要...

間間泳會都有好有唔好...樓主, 睇下你想要D咩囉!  

yon0810

泳天會時常轉教練嗎?

YoYoWan

我自己都覺得泳天的行政好混亂，報名時要先比晒錢，以抽籤方式來決定上課時間，又要經常打去office 追查，幾時考核試評估無通知，咁我仔病左，就無得考，無左張Cert.，可能係我唔好彩，種種的原因，最後一肚氣收場，就以上的經驗，以後都唔會到泳天學游水

rebecca0113

YoYoWan 發表於 12-2-1 17:57
我自己都覺得泳天的行政好混亂，報名時要先比晒錢，以抽籤方式來決定上課時間，又要經常打去office 追查， ...

咁即是no good for 泳天wor.......how about 大力?
不過見佢個web 就唔多centre 可以choice lor....

karen55407

又唔係娶老婆要一生一世，試吓無妨，揾間啱時間又啱地點的，唔妥咪學一期再轉囉！有啲入咗泳隊都轉會啦！

TaTa83

我可以分享一下我個經驗~ 我仔仔就YMCA同私人教練都學過~ (本身仔仔極之怕水，洗頭都驚果隻)

三歲半暑假學左一期ymca，1:6-8(唔係好記得)，最後因為怕水，同學生太多教練兼顧唔到，所以最後level 1要repeat....仍然改善唔到怕水.....

到了四歲半個暑假(舊年)，揾私人教練學，1:1針對怕水個情況，教練好好，令仔仔不怕水之餘仲愛上了游水，可惜暑假後同教練夾唔到時間，加上仔仔覺得1:1
上堂好悶，所以暑假後報返YMCA~

到依家YMCA上左兩期，由於係平日下午上堂，師生比例最多1:4，有時收唔足生(可能冬天少人學)，所以呢兩期上堂有時1:3 or 1:2 only，不過仔仔話學ymca
開心d，因為有小朋友陪佢一齊學(仔仔性格相比較外向，喜歡識朋友)，希望幫到大家~

Y_Ken

回復 yon0810 的帖子

樓上講泳天行政幾混亂 都幾感同身受泳天又唔係成日轉教練但係低班既經常冇教練
一期都有兩三堂 一個教練教兩班
由D教練自由發揮  想點教就點教
咁睇一年學到兩式都已經俾多你
不過都係睇返自已報果區 相信唔係到到都係咁
自己果區唔好彩見到幾誇張下 所以個囡轉左其他會lu

karen55407

我呀女四歳開始跟泳天學，而家學咗三年半，我覺得唔錯，教練好穩定，無乜點轉教練。行政亂唔亂，我少理，我志在學游水啫！呀女已經入咗泳隊半年，我哋家長同教練已經好熟，啲教練仲好錫啲隊員

Radiomama

原帖由 20072010 於 12-02-06 發表
聽講英基都有課外活動游泳班，知唔知係咪外籍老師教？

英基的游水班是用英文教，不過收費貴些。

Haz-mama

囡囡依家係YMCA學緊游水, 佢學得好開心!  我鍾意果度D設備好齊, 有室內暖水泳池及暖爐設備, 冬天游水都唔怕凍親, 我唔係想呀女一定學識游水, 祇係想佢身體強壯D, 所以, 繼續比佢游..

KimB

小兒在泳天學了差唔多2年, 我覺得幾好
上述媽咪講既情況, 如換教練, 我地都試過, 但情況不算嚴重。至於沖涼冇熱水, 我相信係個別泳池。因為泳天在好多唔同既地方都有泳班, 有些室內, 有些室外, 我估每個地方既設施都唔同, so far我地在培正小學就冇呢倨問題, 而且冬天仲有暖氣, 小朋友由上水到更衣室, 都唔會覺得好凍