請教: 不是普教中....

ysnmama

如果不是普教中. 若出外上的中文堂是用普通話教, 是否不可行? 因想學作文. 聽說普通話學作文, 文筆會較通順. 而且也可學普通話. 但又怕學校不是普教中, 請指教.

Charlotte_mom

我小朋友間學校係普教中, 即係話, 每日有中文堂=不停聽/講PTH, O係學校, PTH老師係唔會講廣東話的
咁要睇下你出去學既中文堂有幾INTENSIVE喇
"聽說普通話學作文, 文筆會較通順"
呢方面我係要CLARIFY的, 作文有好多個範疇, 6要素(時間地點人物唔知咩), 修辭手法(對偶排比比喻), 人物, 物件描寫, 動態描寫靜態描寫, 以對白顯示人物性格, 用語豐唔豐富(會唔會永遠都係開心,快樂), 識唔識用成語, 仲有成篇文舖排, 感覺(抒情), 論點著筆(議論文)........好多學問架, 同用咩語言教, 可以話根本無關(咁普教會少左D廣東字, 句法會順D, 又的確真既)

Chowying

我地以前都唔係普教中嫁,  如果一星期先學一兩粒鍾普通話, 會唔會睇多D書重好呢.

janicech

我大囡之前起小學係普教中,  佢中文好好, 不過同普教中無關, 只係佢睇好多書, 到佢升中時, 我發現大部分英中都唔係普中, 於是我要囡囡每課課文都讀廣東話俾我聽, 至少面試時, 萬一要朗讀都好D, 所以到我細囡今年升小一, 我都搵間唔係普中嘅小學

qwe2132007

回復 Charlotte_mom 的帖子

是呀, 普教中對中文寫作沒有特別大的好處, 只是可以避免錯別字而已.

我的小學是普教中,老師都是不懂廣東話的外省人,可是不見得當時的每一位同學也中文好.

要中文好,還是要多讀文筆優美的好書,多念/模仿古文(唐詩吸收修辭技巧;三字經等學習何謂言簡意賅);
分析學習作文的起乘轉合結構.

當代的參考方法, 本來以前閱報業也可以獲益良多,可是現在香港的報紙文筆比以前差太多, 好容易'學壞師';
還是台灣的中文書普遍文筆比較優美,通順.; big 6的中文有時都好嚇人,不加選擇的話, 都好容易"學壞師"