女校vs男女校

fc1111

自己是比較希望女兒進女校，由幼稚園、小學、中學一路上去的，因為感覺上一般來說女校的校風、德育方面比較好一點（聲明：不是說男女校的不好！！）；但是她姑姐（男女校的中學老師）非常不以為然，認為一路讀女校對心理等都不好，會不懂得跟異性相處，認為到中學才進女校比較好（或者先讀女校，到中學讀男女校）。。。各位有什麼想法？

chongnicole

而家時代吳同，又多聯校、課外活動，其實女校、男女校分野無以前咁明顯。幾個考慮啦：
（1） 學校質素、校風 - 不少名校、教會學校都係女校，考到實讀啦。
（2）小朋友性格 
（3）父母意願 - 如果你好吳接受小朋友早拍拖，咁就選女校，男女校始終早d情荳初開。

evachan717

我都有呢个concern, 雖然MS收咗英普班、但好希望另一间女校会收! 如果我个係仔, 就無所謂, 但我个係女, 仲要係靚女, 所以好担心 xp

虎媽媽

我無讀過女校，但預科時同大學時，都有同讀過多年女校嘅同學相處過
sorry.. 溝通唔到！佢地有自己一種溝通方法..

仲有，要拍拖嘅，同讀女校定男女校無關！

janettsui

LUCUSMaMa 發表於 12-1-9 16:32
我就同你相反想法, 如我果個係女, 我一定唔會比佢讀女校, 因我自己讀過短時間, 真係幾頂唔住D同學既思想,  ...

我同你既想法一樣, 堅持唔讀女校. 幼稚園&小學一定唔會考慮

sllau

如有得選擇，幼、小學我揀男女校，中學先揀女校。

tsobaba

回復 evachan717 的帖子

靚女多男同學追是一件好正常的事情，但如讀女校...我現在在街上碰見一些TomBoy和正常女學生拍拖，我比較傳統，還未接受到這些事情發生在小女身上，想吐！但是，現時大部份名校都是男或女校，天意弄人！

LWTbb

我自己中學讀女校, 除非係一間好叻既學校, 否則我唔會比個囡讀女校, 雖然讀書時唔覺有同性戀, 只係會出出入入都拖住手(自覺係好friend果種), 同學間會玩得好粗魯, 好癲.. 但對比我老公既校園生活, 我又覺得佢精彩好多, 其實我地最好既朋友好多都係以前d同學, 所以我都唔想亞囡成長階段既朋友只得女仔

Freshment

我以前好抗拒讀女校，但而家反而俾囡囡讀女校。其實而家時代已經唔同左。以前我地除左同學外，根本冇太多機會接觸其它人。但而家D 家長會安排仔女去學野，又補習，根本小朋友可以從多方面接解不同層面的人同異性，唔需要局限喺學校學習同異性相處。另外，而家既小朋友太早熟，小學階段俾少D 機會佢地接觸異性，專注讀書都未嘗不可。

咁到中學，就真係要睇番小朋友性格同意願。我C6 有個表妹小學讀女校，但中學都轉番讀男女校，因為佢性格男仔頭，真係同D 女同學相處唔黎。就算而家讀中學，佢都係鍾意同男同學玩多D。

anteater

同意"其實我地最好既朋友好多都係以前d同學, 所以我都唔想亞囡成長階段既朋友只得女仔 ", 我中學是讀女校,現在完全無要好的男仔朋友,男同事就有好多,但同D中學同學比,只係萍水相逄的朋友,不算是要好,中學階段小了男仔,真係好似小左D野,中學是成長同學相處的地方,一日幾個鐘頭困住,但到了大學,大家上完堂就自己,已經無機會同異性慢慢相處了

lingan

我本人就係幼稚園小學中學都係女校的人版。
幼同小無乜大問題，只係呆d (都同天主校學校有d 關係) 。到中學時，由於我校校風好，有部份係無咁乖但我所認識的同學都係好正常及成績唔錯的。但係我真係好羨慕男女校有正常社交。我係從未經歷過10歲左右覺得男仔好煩的階段，感覺係有d 野無經歷過。而家回想，又好在中學時沒有男同學，因為真係會影響讀書。我好好彩，中學會考成績ok原校可升中六。
一直女校的影響係到大學時: 真係好易拍拖囉。俾我揀，我而家唔會特定一定入女校或者一定唔入。隨緣啦。

fc1111

現在香港的出名的中學，很大一部分是女校或男校，除去將來參加大抽獎，最好的辦法是現在從幼稚園開始就讀同一學校（附屬也好，聯繫也好），而自己心儀的中學都基本上全是女校，所以也自然會將相關幼稚園作為目標。。。現實就是如此！！。。。題外話： 自己是男女校出來的，對男女同學的問題反而沒有什麼特別的想法，因為跟男同學也好，女同學也好，都是自然而然的相處（對與女同學基本上跟對與男同學相處是沒有任何分別的。。也就是基本上都是將女同學當作男同學來相處。。哈哈）；而自己的最好朋友也都是中學和大學的同學。

Freshment

我由細到大都係讀男女校，但可能性格問題，同我最好既中學同大學朋友都係全女班 (咁當然而家Gathering 大家都會帶埋另一半同仔女出黎)。我覺得冇需要為左要學習同男仔相處而選擇讀男女校，但我同意讀男女校可以喺長大後有 "那些年" 的回味。

都係嗰句，睇番小朋友意願同性格最重要。

開心小花

我有朋友都叫我考慮清楚係唔係俾個囡入女校, 仲要係咁細個就入女校. 因為 佢都係傳統的名女校出來, 以前係學校D女仔玩得好癲的, 掀裙, 彈bar 帶, 都有. 因為, 無男仔, 更加肆無忌憚咁玩. 唔係好似我諗得咁斯文的. 我都係煩緊, 因為, 我心儀的個2間都係收女仔為主.
我有另一個朋友, 直情無幫個囡報女校, 話希望佢人際關係無咁單向. 唉… 真是令人煩惱..

chongnicole

有咁多媽媽話吳識同讀女校的人相處，以前真系無想過會有這個情況。

lingan

哈，我唔覺得我自己同我身邊讀女校的人咁難相處，而我亦唔會將我朋友分開為男校定女校。就算好似我，幼小中都係女校，到大學出黎做野咪又係有男有女。其實唔駛咁煩惱，我唔會因果間學校係女校就唔同個女報囉，為左呢樣野就抹煞小朋友入好學校的機會，唔值得。