中一生，你會放手給他溫習，還是在旁指導？

mokchingyin0910

見到個post真係嚇了一跳，小女二年班，我真係無諗中一仲要同佢溫習？我想係三四年班要佢自己溫！我係咪太天真？，

vincher

回復 mokchingyin0910 的帖子

那就要靠孩子性格，溫習時會否專心你能咁早訓練囡囡，係好事!始終教子女學會學習，才是良策!
如果你打算為女兒選英中，而現在讀緊英小，銜接初中問題不大!你大可繼續放手了!

ChiChiPaPa

http://www.am730.com.hk/article_print.php?article=104965

自主學習之下，學習能力較紮實和持久。

kilykilyk

mokchingyin0910 發表於 12-5-22 16:33
見到個post真係嚇了一跳，小女二年班，我真係無諗中一仲要同佢溫習？我想係三四年班要佢自己溫！我係咪太天 ...

我小朋友小學時期都係佢自己溫,然後我問問題考佢,但上到中學唔到你話幫佢溫,
因為小朋友可能會要求由自己溫,連問佢問題都無需要,總之....
臨近考試家長只可以"提點"佢加緊溫習

Jackieson

原帖由 samyho 於 12-05-17 發表
今天我把這個話題和讀中三的女兒分享，她話：＂點解中一仲要家長陪同溫書呢？溫書係好私人的事哦，我反而係 ...

所以好睇小朋友的性格，如果我做仔好似你個女咁生性識諗就好囉!白頭髮都少幾條呀!同埋女仔係早熟D，識諗D嘅，阿仔嗰級，全級頭十名，九個都係女仔！我有個朋友當年就係為左＂避＂D女仔強敵，揀左間男校中學，果然F1-F3比佢考全級第一。

vincher

回復 Jackieson 的帖子

嘜到中學唔係男仔弾出嚟咩?一般女仔係小學威晒!她們定性些!

洋蔥頭媽咪

升中後我亦全放手，呀仔學左乜我冇可能樣樣跟住，小學時功課都已經自己負責，只係測考要幫o下佢，中學就要自己負番責任啦，但放手意思唔係話完全唔理佢，呀仔功課有問題問當然要幫佢，但如果仲要好似小學生o甘督促先做，呢個就係小朋友讀書態度問題，呢d係應該從小陪養。

有時可能時代唔同左，又或者可能父母愛子深切，個人覺得現今父母有時會做得太多，令小朋友失去左自學動力，舉例有些父母怕小朋友用英語學習跟唔倒，會主動為子女翻譯好書本，以前我地讀書唔識英文乜唔係自己查字典先會印象深刻？？何解現時會變成父母工作／責任？子女如果有科目比較弱當然要諗辦法幫佢，但陪養佢學習態度先係最重要。

vincher

回復 洋蔥頭媽咪 的帖子

但以前冇咁多功課、冇咁多小測，冇咁多專題研習!我記得自己做完功課和備課,還有時間溫習!我卻見兒子做完功課，最多預習一科目嘅內容!試過默書加小測，一天四個!

洋蔥頭媽咪

回復 vincher 的帖子

係架 ,而家讀書做功課可能比上一代辛苦 , 要求又高 , 記得我仔 F.1 初期 , 佢學校係勁多功課 , 每晚做功課已去到 10-11 點 , 試過成點都未做完 , 測驗更是個個星期都有, 我作為媽媽真係看在眼 ,痛在心 . 問題係香港嘅教育制度系o甘 ,妳選擇在香港讀書只有學習適應,  真係好無奈 , 但我只會同呀仔講, 十隻手指有長短, 冇可能樣樣都得,  只要你盡左力 , 無論結果係點都唔係太重要, 但係你要問自己係咪盡左力付出先 .

現今呢一代小朋友好多時從小就被人安排好 , 小學有人睇功課 , 補習班 ,考試陪溫習 , 所以主動性較低 , 測考成績唔理想通常係家長緊佢唔緊 , 小朋友慣性倚賴 , 點可以放手 ?? 我覺得唔夠能力讀書小朋友其實佔小數 , 反而小朋友習慣有大人陪伴 , 倚賴 ,心散 同 學習態度問題佔得比較多 . -- 試想想初小太細唔可以放 , 高小要升中更不能放 , 初中大轉變又不能放 ,  o甘高中要考大學更加不能放 . 難怪見有家長陪子女見工 , 唉 ! 悲哀 !    ( 不喜勿插 )

Papa_wong

原帖由 vincher 於 11-12-24 發表
如題！
兒子爸常跟我爭議：給兒子自己溫習！不要做直昇機媽媽！
真氣人！動不動濫用潮語！在旁指導孩子溫習 ...

我學校老師是反對幫手溫書的

ChiChiPaPa

http://www.holtgws.com/whatisunschoolin.html

看一看有關unschooling的資料吧！或許大家會有新的體會。

ChiChiPaPa

http://www.holtgws.com/unschooling.html

lillymarie

vincher 發表於 12-5-27 07:47
回復 Jackieson 的帖子

嘜到中學唔係男仔弾出嚟咩?一般女仔係小學威晒!她們定性些! ...

我囝囝學校中學畢業生最好成績那幾個都是女生，女人的天下........
去考scholarships的同學 F : M ~ 10 : 1

nungma

分享下我個人的經歷，P3開始完全放手，亦無補習，成績中等，諗住直升無呈分壓力，升到班就算。小六，老師話呀仔英文好差，要讀補底班，當時嚇了一跳，親自出馬，補咗半年，攞進步獎，入埋精英班，我便再次放手，我向仔說，書是一定要自己讀的，無人能幫，自己的責任自己負，自己的未來自己决定，中一，二都hea，跌落普通班，又有啲反叛 ,我當睇唔到，當佢係人地個仔，朋友咁囉，從不過問學業情況，淨係灌輸正確嘅讀書同做人嘅態度比佢，叫佢自己諗，終於中二下學期知衰，叫我揾人補數，到中三自己去揾補chem ,又主動同我地商量選科事宜，仲成日喺房温習，唉，總之，兒孫自有兒孫福啦！

vincher

回復 nungma 的帖子

升上初中，我贊成保住孩子升班便可！可惜我兒英文不行，唔睇住佢，以英為教學!語言嘅科目將全軍覆沒，到時年年留班就弊傢伙了!暫時我只有一科唔理佢，就是中史

JustAParent

原帖由 vincher 於 12-05-29 發表
回復 nungma 的帖子

升上初中，我贊成保住孩子升班便可！可惜我兒英文不行，唔睇住佢，以英為教學!語言嘅 ...

其實亦無須為此事過分不安和自責，小朋友小學能自主學習最好，不可以的，也不急於中一完全放手。大部分孩子都是在依賴和自主兩者反反覆覆下成長的，只要看到他是向著自主的方向走，父母亦無須介意他要多一些時間。

nungma

嗯，個個小朋友不一樣，慢慢來，我支持你

Jackieson

nungma 發表於 12-5-29 00:29
分享下我個人的經歷，P3開始完全放手，亦無補習，成績中等，諗住直升無呈分壓力，升到班就算。小六，老師話 ...

同意呀! 阿仔小學時我的做法同你大同小異, 希望阿仔中學時會似你個仔咁識諗,咁生性啦!

hw1115

這個 話題講了咁耐,
有無媽咪認為小朋友升上 F.1 後, 真的放手的結果是什麼呢 ?
有無人有經驗, 請分享 !

杰杰媽媽

洋蔥頭媽咪 發表於 12-5-27 23:29
回復 vincher 的帖子

係架 ,而家讀書做功課可能比上一代辛苦 , 要求又高 , 記得我仔 F.1 初期 , 佢學校係 ...

我係一個唔多合作既家長,試過我仔真係多功課到,做到11點(已經冇停手,我仔做功課已經算快個D黎),我叫佢即刻咩都唔好理上床訓覺,老師要寫手冊由得佢寫,再有咩問題既叫老師直接打俾我.

大老呀讀書咋,唔洗博老命呀!而且我係唔信多功課做先叫做識,先讀到書。
我一路都相信只要教學方法用對了(CONTACT到學生), 就算得1-2樣功課都可以記得晒上堂教既野。