用戶登入
用戶名稱:
密      碼:
搜索
教育王國 討論區 特殊教育 小一第一次家長日
樓主: annaanna
go

小一第一次家長日

Rank: 5Rank: 5


4461
發表於 12-1-6 22:40 |顯示全部帖子
咁好呀,搵到學校, 其實呢個世界仲有好多對教育有真熱誠的人, 咁幾時可以走呀, 亦不要拖太耐, 費時學校係小朋友面前講三講四, 比小朋友自己留有負面情緒, .
想問下, 學校點樣欺負小朋友呢? 講比我聽下, 等我知第日如果遇到要點處理!!!

Rank: 5Rank: 5


2365
發表於 12-1-6 23:16 |顯示全部帖子
本帖最後由 ababymami 於 12-1-6 23:17 編輯


小朋友讀幼稚園,放學後同我講,因為不乖被老師罰企後樓梯,而且沒有人看管。你哋點睇? 我都不敢向老師提起,只希望是個別事件。




Rank: 5Rank: 5


2365
發表於 12-1-6 23:34 |顯示全部帖子
星級爸爸﹕名校媽媽

大控訴明報 – 2012年1月4日星期三上午5:44

明報專訊】幾星期前寫了《快樂紅利》和《快樂學習》兩篇文章,談快樂和成功的密切關係。一間百年老校的家長看了很感觸,來信反映事實的殘酷。她說宣傳時校長強調快樂學習,上學後卻要學習苦中作樂,把一名小朋友的上學熱情消磨殆盡,部分摘錄如下﹕「兒子入讀小一後,發覺完全是另一回事,骨子裏原來是傳統講求校內外成績的小學。規矩好嚴,許多老師經常好惡鬧學生,常罰午飯後冇得出班房自由行。老師要班與班鬥乖,每班4個班長專摘名,轉堂時個個要低頭伏在桌上,我兒想看看手冊的時間表下一堂是什麼科,都被摘名;小息從來不准落操場,在走廊走動又有風紀摘名,三年下來,小兒性格變得退縮,冇自信。
小三開學,中文科9月已經日日有堂課或家課,都是做TSA卷,TSA閱讀理解又限時又艱深,做到8歲孩子對中文冇咗興趣!學校規定一人一樂器,唔理你有冇興趣。小三仲要參加校隊,放長假日日返去操練,阿仔形容音樂老師和指揮常常鬧交又好惡,結果取得校際音樂節獎項,但賠上愉快的學校生活。同學間充滿競爭比較的心理,怕輸,同情和友愛心淡薄。阿仔小三下學期變得抑鬱,自覺冇用,仲要看心理學家。
現時全港小學都是全日制,孩子6時多起牀趕上學,下午3時多放課,還有十樣八樣功課等住做,手腳慢,加上冇精神,功課做到9點、11點。這個教育局搞出來的中英數TSA考試,除了小三,還在小五、六等着折磨孩子的心智和精神!想當年我讀小學時半日制,功課唔深又唔多,只有小六的『學能測驗』考推理能力,後來都被詬病而廢除。年代雖然不同,其實一日同樣得24小時, 小孩天性冇變,點解而家香港的教育制度會咁樣『進化』﹕加長上課時間,加多公開考試,小小年紀應付連年全港考試,令小學生要咁追趕時間、咁緊張?輕鬆愉快童年就這樣扼殺了!考試和操練沒有令孩子聰明啲,反而令真正聰明的孩子充滿挫折。考試制度只會培養功利和緊張氛圍。香港九成多的學生冇錢,上不了國際學校,逃不過這種教育制度,唯望各教育人員和當局局長『幼吾幼以及人之幼』。」
競爭到底 或完全放棄
這只是冰山一角,這個家長算有觀點且夠膽指出問題,大部分名校家長已患上「名校斯德哥爾摩症候群」,即被學校的名聲騎劫,不單不敢提異議,反而覺得學校不夠嚴格。
我從不同校區的家長得出一結論,學校要不就「谷」,谷成績、谷分數,總之98分和97分比較,98是勝利,97是失敗;要不就「縮」,把考試成績不好的撒手不管,當校方也認為不會考試就是人生失敗的開始時,誰會和失敗為伍呢!
新年新開始,我期望新特首要增加教育資源,但不要把資源放到官員手裏,你給他錢玩,他不能不玩;你給他權,他不能不行使。
我工作拍檔的室友是老師,她清晨在桌上哭泣,因為按教育局的進度,她肯定完成不了,因學生也完成不了,而最後只能忍心下功課的指令,先把責任卸給家長,愈名牌,家長愈不敢發難,只能往下壓,孩子受不了的跳樓,甚至會說「不明白父母為什麼生他下來受苦」的不堪話。
新年不許迎來舊痛。
和家長們互勉。
張堅庭

Rank: 3Rank: 3


429
發表於 12-1-8 03:55 |顯示全部帖子
本帖最後由 LPYdad1 於 12-1-8 03:56 編輯

回復 annaanna 的帖子

Dear annaanna,

May I know the name of the school, sound extremely horrible...

Rank: 5Rank: 5


1824
發表於 12-1-10 09:41 |顯示全部帖子
pocoyo123 發表於 12-1-6 22:40
咁好呀,搵到學校, 其實呢個世界仲有好多對教育有真熱誠的人, 咁幾時可以走呀, 亦不要拖太耐, 費時學校係小 ...

學校成日打黎話人手唔夠,其實佢一班原本15人,XMAS後走左1個,即係連阿仔都係14人,已經有1個肋教入班幫手﹗又話阿仔上堂唔參與,怕佢學唔到野,其實即係暗示你走,但我話佢功課識做,只係上堂唔舉手就叫唔識?又話佢食午飯時攪同學餐具,叫我搵人黎學校陪食,麻麻拎飯去學校啦,一齊食飯時,班主任大大聲鬧D 小朋友,有次有位小朋友食飯時流鼻血,佢都開MIC大聲鬧果位小朋友要食埋飯先攪,麻麻睇唔過眼幫佢抹鼻血﹗之後麻麻將情況同剛剛行過O既副校長講,副校竟然答﹕如果你唔鐘意,我可以開個課室淨係比你個孫食飯O架﹗
今日又有新野,我仔睇緊私家醫生食緊CONCERTA,之前食RITALIN嘛,社工竟然夠膽叫我自己加藥O既份量,仲話依家帶左個仔去校務處,叫我盡快搵人拎藥黎比佢食﹗我話你係社工,唔係醫生,連醫生都話暫時食呢個份量,你要我加?佢即收線冇聲出﹗
學校O係我交左退學信之後仲做左好多野,我都唔明點解佢地用咁多心計去算個小一生,番多1星期都走啦,唔通咁都有難度咩?我除左話佢地變態之外,都唔知講咩好LU~

Rank: 4


929
發表於 12-1-10 12:21 |顯示全部帖子
真係好變態的學校, 老師副校社工都係打份工, 一d熱誠都冇, 教育界敗類, 樓主可唔可pm呢間學校名比我地. 等大家宣揚佢地d臭史.:;pppp:

Rank: 5Rank: 5


1824
發表於 12-1-10 12:37 |顯示全部帖子
頭先社工又打黎,我問佢其實學校係咪想我個仔唔番學?係就唔該學校出封信比我,我拎去教署投訴,還掂我仔都唔讀,我唔怕學校玩野囉﹗
佢即刻話唔係,只係人手唔夠O者﹗我話次次都話人手唔夠?上次如果唔係投訴班主任,班主任又點會知衰放學同麻麻SAY SORRY?明顯係學校錯啦﹗
個社工仲攪笑到,話校長係知道呢件事﹗我話校長?佢知又唔做野?唔出聲?由得D 副校+班主任亂黎?
結果我同佢講,如果呢個幾星期仲係玩野,我一定會投訴﹗:;pppp:
校名其實唔駛公開都知啦,黃埔有邊間學校之前係收生不足?大家有留意D POST都會知喇﹗:;pppp:

Rank: 5Rank: 5


1193
發表於 12-1-10 13:11 |顯示全部帖子
香港有好多教育人士係呃飯食,對教學亳無熱誠,anna 媽媽你仔讀呢間d 副校同班主任處事手法都好有問題,俾佢夠胆咁同我講話叫個老人家同小朋友去第二度食,小朋友流鼻血都唔理,我實同佢玩大佢

Rank: 5Rank: 5


4461
發表於 12-1-10 19:40 |顯示全部帖子
如果是黃埔區, 就係果一間, 因你不是第一個, 已有家長2010年入學, 讀左一年也是頂學校唔順轉走左.........

其實, 都唔係呢間學校係咁, 有好多學校也是如此, 連官校也是, 我在想, 是否在報學校時不報有特殊需要仲好呢? 起碼唔會比人歧視呀!!!!!

Rank: 5Rank: 5


2365
發表於 12-1-10 22:17 |顯示全部帖子
本帖最後由 ababymami 於 12-1-10 22:34 編輯

其實小朋友的情況輕微,個人認為不填特殊需要好啲。老師只是估估吓,但是一講特殊需要,學校就有借口,可以officially 開口叫你走。主要是班主任的問題,班主任向校長投訴說workload 重,校長是行政人員,日日對住下屬的埋怨,便會向家長開口。可憐我們的小朋友,小小年紀就要經歷這些歧視及不公平對待,特別是我們的A仔A女抗逆力較弱,真是會留下陰影。唉,哪裡去找有職業道德的老師 ?現時很多老師,連做老師的本份都沒有做好,更不用說教學熱誠。家長只是有個卑微的要求,老師只是要做番做老師應做的本分。否則不配為人師。職業操守有問題的不配為人師。樓主,希望你仔能找到好學校,遇到好的老師。

Rank: 5Rank: 5


1824
發表於 12-1-11 09:46 |顯示全部帖子
pocoyo123 發表於 12-1-10 19:40
如果是黃埔區, 就係果一間, 因你不是第一個, 已有家長2010年入學, 讀左一年也是頂學校唔順轉走左.........
...
唔止一個走啦,舊年走果個我都識識地﹗今年XMAS後走果個係咩原因,我都唔知喇﹗

不過唔報有特殊需要,其實都係冇用,小朋友番學時間咁長,老師又點會唔知呢?到時比人發現迫去評估,結果咪又一樣﹗


2787
發表於 12-1-12 00:10 |顯示全部帖子
提示: 作者被禁止或刪除 內容自動屏蔽


2787
發表於 12-1-12 00:28 |顯示全部帖子
提示: 作者被禁止或刪除 內容自動屏蔽


2787
發表於 12-1-12 00:31 |顯示全部帖子
提示: 作者被禁止或刪除 內容自動屏蔽


2787
發表於 12-1-12 00:40 |顯示全部帖子
提示: 作者被禁止或刪除 內容自動屏蔽

Rank: 5Rank: 5


4461
發表於 12-1-12 00:53 |顯示全部帖子
呢些咁嘅校長, 老師, 如果比華叔同孔子泉下有知, 都激到番生呀....返來教佢地乜野先係真正~有教無類~呀

Rank: 5Rank: 5


1824
發表於 12-1-12 09:38 |顯示全部帖子
她堅信,只要沿用華叔生前強調「有教無類」、「老師要有愛心」、「學生快樂學習」三大教學理念,繼續用心教學,自然會有學生報讀:;pppp::;pppp:

Rank: 5Rank: 5


1824
發表於 12-1-17 16:50 |顯示全部帖子
唔好意思,又要大家聽我呻下....
今日老師放學又捉住麻麻講,阿仔今日上堂出位,之後帶左佢去教員室,唔睇住佢一分鐘,佢走去玩切紙機,仲同麻麻講,咁樣好危險,萬一切到佢手點算?
呢間學校都痴根O架﹗第一,課室走出位,班主任+助教都叫唔到佢?第二,下下帶佢去教員室做咩?第三,入到教員室玩野,有咩事點解要我負責?邊個叫你帶佢去先?
仲有幾日就走,都仲要捉住個老人家發洩,麻麻仲話佢地好冇禮貌,LUNCH帶飯去都當見佢唔到,副校長態度惡劣,我同學校講,有咩打比我,但佢地根本唔敢,又蝦個6歲,又蝦個老人家,激C 人喇﹗咩學校黎O架?連做人O既基本態度都冇呀﹗

點評

autunmbb  因為個網cc地,post錯左,我係話個社工叫你加藥,你叫佢出封信比你就加,無問題,佢一定唔敢寫,敢寫就佢就知~~~  發表於 12-1-18 05:09
autunmbb  下次如果有社工咁講,你同佢講:『好,無問題,不過我要白紙黑字通知我,唔係唔知點同醫生講佢比多d藥,因為呢d全部都係要醫生寫紙先買到。』  發表於 12-1-18 05:06

Rank: 5Rank: 5


4461
發表於 12-1-17 23:13 |顯示全部帖子
我諗你亞仔學校的教學助理不是每堂也入課室的, 所以好多時只是得一個老師, 老師發現有學生出位, 但佢又唔想理, 就將佢放教員室, 佢知你兒子已退學, 更加不想去理啦, 相信你可以諗一係不要再返學, 一係寫信去教育局投訴

Rank: 5Rank: 5


2408
發表於 12-2-6 00:36 |顯示全部帖子

回覆:annaanna 的帖子

好彩你個仔都走!
我想問下你幾時開始發學你仔有adhd ,佢幼稚園時有沒有問題?我都覺得我小朋友專注力不足,我小朋友三歲,好多人話咁細係坐唔定,我想知你小朋友讀幼稚園時係點?係唔係都成日騷擾同學唔專心上課?
我有問個仔嘅班主任,佢又話佢ok專心,但我係屋企真係唔覺,所以想知道下adhd細時係點?