求助、關於注意力缺乏的女兒

leili

小女現在就讀小學四年班、剛确診有注意力缺乏、現服藥中
但英數兩科只得六十幾、中文常識有八十幾
想揾口碑好的西環區補習社
或者上門都可以、補英數
但我本身與先生學歷唔高、幫唔到
個女女、又唔識尼一方面、所以唯有在這里求助
希望各位幫幫忙、介紹一下

[ 本帖最後由 leili 於 11-12-6 15:24 編輯 ]

ah-ho

如果缺乏專注力，我自己既睇法係請私人補習會比較好，因為補習社一班人上堂，人一多，專注力較弱既小朋友好容易分心。
你個區近港大，不妨留意下有無大學生找補習。

leili

多謝你啊
但是我唔知要去邊度留意有冇香港大學學生肯補習

ah-ho

我唔係住你個邊，所以都唔係太熟。
我當年讀書時會貼係超市D告示板到，唔知而家仲有無呢D告示版了。
如果唔係，其實大學入面應該有學生就業組，你可以打電話問下可唔可以透過佢地幫手搵part-time補習老師。

Charlotte_mom

我仔都有專注力問題, 其實專注力既學生, 唔係蠢啊, 不過以我經驗, 真係1:1會好好多, 因為老師可以睇住佢進度, 而且互動多, 對專注力弱既小朋友最適合
其實幫小朋友溫習, 唔駛學歷高, 最緊要有心機, 我女而家學果D常識, 我都唔識架啦, 都係自己邊學邊教

leili

多謝你們啊、我頭先係网度周圍蕩、見到一間叫公文式、幾喜歡佢Ｄ教學理念、所以匆匆忙忙同女女上去睇下、做左一次程度測試、過兩天同老公上去做家長說明會、
唔知尼度有無人參加過尼間學校呢？

Charlotte_mom

公文式, 好機械操練, 做到佢上晒腦, 我唔鐘意wor
如果小朋友專注力差, 有可能唔願郁, 踢一下郁一下, 公文式係死做爛做果種, 我覺得大家都辛苦

nicoletsui1212

請問什麼地方可确診有注意力缺乏?

maydog

小朋友細就可以去健康院叫佢轉介去兒童智能中心

已上小學既小朋友就睇下學校本身有冇呢D服務
冇既就求其搵個西醫寫介紹信俾你去政府兒童智能中心排期(大約半年)

都可以去小童群益會, 協康等等機構評

經濟能力再好, 可以搵私家專科醫生