創意如何培養？自信心如何增加？

j-mum

我囡囡係0907，現在快兩歲半，  自少非常好動，小時上Playgroup, 老師都說她好動但秩序感很強，她說教她要好小心，唔小心教錯佢，佢會跟住錯，之后要改佢比較其他小朋友難。

因為以上種種性格，我怕她長大太好動，唔座定睇書，所以自小就同佢睇書同講故事佢聽。現在佢會主動找書看，一天重復看好幾本書(過15本)唔會悶！

但久而久之，佢其他嘢就無咁叻，例如，玩Lego佢唔會自己諗點樣可以拼得立體啲，只係會一味曡高！數數目1-10又成日數錯。

又唔知係咪有時話得佢太多呢？例如，佢食食下飯會走開去左玩，我就會話佢唔啱，要佢坐定定！之后，去玩Slide, 如果佢滑落之后走返上個Slide度，我又會同佢講咁係唔應該嘅，應該响樓梯上！但久而久之，佢心中就好似有了好多對對錯錯同rules！唔知會唔會影響佢創意嘅發展！俾我話得多，又唔知會唔會影響佢自信心，最近發現佢怕醜左好多，唔知會唔會係無咩自信呢！

其實有時真係教囡教到自己好迷失！

應該點教佢先唔會埋沒佢嘅創意同可以增加佢自信呢？

j-mum

創意如何培養？自信心如何增加？

我囡囡係0907，現在快兩歲半， 自少非常好動，小時上Playgroup, 老師都說她好動但秩序感很強，她說教她要好小心，唔小心教錯佢，佢會跟住錯，之后要改佢比較其他小朋友難。

因為以上種種性格，我怕她長大太好動，唔座定睇書，所以自小就同佢睇書同講故事佢聽。現在佢會主動找書看，一天重復看好幾本書(過15本)唔會悶！

但久而久之，佢其他嘢就無咁叻，例如，玩Lego佢唔會自己諗點樣可以拼得立體啲，只係會一味曡高！數數目1-10又成日數錯。

又唔知係咪有時話得佢太多呢？例如，佢食食下飯會走開去左玩，我就會話佢唔啱，要佢坐定定！之后，去玩Slide, 如果佢滑落之后走返上個Slide度，我又會同佢講咁係唔應該嘅，應該响樓梯上！但久而久之，佢心中就好似有了好多對對錯錯同rules！唔知會唔會影響佢創意嘅發展！俾我話得多，又唔知會唔會影響佢自信心，最近發現佢怕醜左好多，唔知會唔會係無咩自信呢！

其實有時真係教囡教到自己好迷失！

應該點教佢先唔會埋沒佢嘅創意同可以增加佢自信呢？

cicheung

教小孩是身教多於說教, 想教小朋友創意, 首先先問自己是否富創意的人, 是問連你自己也不知創意何物如何教他?

落到如何教問題, 教小朋友最理想莫過於從玩戲中學習, 不是玩甚麼, 是怎樣玩. 富創意, 隨手拾一堆垃圾也可以很有創意地玩.

這是我寓見.

babyislove

我仔仔都係0907 BB。

守規矩唔等於無創意o既，你要阿女要守o既規矩，我都有叫阿仔守o架!

我覺得，要俾佢多D機會去表現自己，e.g., drawing, 玩奇樂膠。唔需要suggest佢畫/整d乜，由得佢自由發揮。有時我見到d家長，返playgroup，做手工就捉坐佢隻手，要佢唔好油出界etc，其實真係無需要。art最重要係creative，到佢大少少，細肌肉develop得好d，先教佢呢d skill都未遲。

另外，帶佢去見多d世面、親親大自然，e.g., 去吓動植物公園、米埔etc

最重要，俾多d機會佢盡情玩。e.g., 去大草地吹bubbles同佢一齊追追追、夏天去沙灘玩。

當去目的地之後，俾2選1佢揀想做咩，e.g., 睇monkey or bird。

買衫、買水果亦都可以由2選1開始。

當佢o係生活上能夠有做決定o既機會，佢o既自信心會提高，亦都會勇於嘗試。

到佢大個d，當然就唔駛限佢幾多選幾，因為佢已經自律etc，可以俾多少少自由佢。

bbminnie

我同意babyislove的comments。 比多D機會佢自由發揮（當然要係安全嘅環境下）。可嘗試比多D選擇權佢，但做得有技巧D，你可先挑選一些不同選擇比佢， 但其實這些選擇你全部都OK。 例如比佢揀衫，你可以先選2-3件top同褲/裙無論點mix都match嘅，再比佢揀。

當每次小朋友做錯了，我們都要記住解釋點解。 我通常會講 "we don't do that because.......". 我用"we"是要表達全部人都不應該做的。 比如你話:"去玩Slide, 如果佢滑落之后走返上個Slide度，我又會同佢講咁係唔應該嘅，應該响樓梯上!" 要解釋埋理由“因為咁樣好危險ga，又會阻住其他小朋友”etc。  我們亦記住要consistent同persistent， 唔好一時一樣。

最有效去增強自信心的方法就是要先令小朋友與到困難然後學識點樣去克服佢。 要比多D有難度嘅挑戰小朋友，鼓勵佢去嘗試， 失敗唔緊要，最緊要再試過， 一旦成功後，佢就可以建立到自信心。 你可以試下同佢上D baby gym program， 在這方面會幫到佢的。

j-mum

Nice to meet you Babyislove!

多謝你(及以上各位家長)嘅回復！

好多好好嘅方法同理念，我好認同，而且自己已經盡量去做！不過有D嘢可能真係無咩天份！

例如：

1) 玩Playdou泥膠，佢只係會將泥膠搣成好細粒，搣到碎晒，重未會自己諗去塑做D嘢出黎。

2) 玩LEGO, 佢只係將LEGO曡高，唔會曡其他型狀。

3) 玩拼圖，3至5片嘅如果同佢拼過好幾次，佢就會自己拼番。如果係新嘅拼圖，佢會叫我拼先，唔肯自己拼。

佢自理能力就幾好...不過Interview唔考！

唔知各位家長有冇咩方法去鼓勵小朋友有創造力Ｄ呢？係咪讚下就得呢？

原帖由 babyislove 於 11-12-10 10:21 發表
我仔仔都係0907 BB。

守規矩唔等於無創意o既，你要阿女要守o既規矩，我都有叫阿仔守o架!

我覺得，要俾佢多D機會去表現自己，e.g., drawing, 玩奇樂膠。唔需要suggest佢畫/整d乜，由得佢自由發揮。有時我見到d家長，返playgroup ...

j-mum

bbminnie, nice to meet you!

"當每次小朋友做錯了，我們都要記住解釋點解。 我通常會講 "we don't do that because.......". 我用"we"是要表達全部人都不應該做的。 比如你話:"去玩Slide, 如果佢滑落之后走返上個Slide度，我又會同佢講咁係唔應該嘅，應該响樓梯上!" 要解釋埋理由“因為咁樣好危險ga，又會阻住其他小朋友”etc。 我們亦記住要consistent同persistent， 唔好一時一樣。"

我都係咁同佢講架！所以佢玩Slide算好守規則！不過我更想佢明白嘅係有Ｄ遊戲，係有遊戲規則嘅！有Ｄ係可以俾佢自己發揮想像力嘅！希望佢ｆｅｅｌ到我嘅意思啦！

原帖由 bbminnie 於 11-12-16 14:42 發表
我同意babyislove的comments。 比多D機會佢自由發揮（當然要係安全嘅環境下）。可嘗試比多D選擇權佢，但做得有技巧D，你可先挑選一些不同選擇比佢， 但其實這些選擇你全部都OK。 例如比佢揀衫，你可以先選2-3件top同褲/裙無論點m ...

palmchristy

靠創作後父母給孩子的鼓勵和孩子成功的經驗.

babyislove

j-mum 發表於 11-12-16 15:16
Nice to meet you Babyislove!

多謝你(及以上各位家長)嘅回復！

其實2歲幾，真係好細，lego、泥膠就係玩玩吓，好難成舊creative物件咁整出o黎。

你試吓玩時一開始問佢想砌d咩出o黎呀? 如果佢答:「我想整條橋」，你就話:「好呀! 我地一齊整」

跟住你一邊整，一邊搵d位俾佢參與一齊整，過幾次，佢就會想自己一手一腳整，仲會有興趣整其他佢鍾意o既野。

p.s. 呢招係我observe老公同個仔玩時學返o黎

porporchi

我小朋友31-32個月, 都係玩lego 同你小朋友一樣, 玩泥膠都係一樣, 原來小朋友既發育真係咁, 唔急得

我都有呢個問題, 就係教得多規則會唔會影響佢創意呢一環!

因為我見外國既小朋友好active, 家長真係咩都比佢試, 比佢錯, 所以個人好有自信, 行出來都好sharp!

但係身為中國人既我, 又好難咩都放心比佢去試, 一d 大家所講到既, 好似做artwork呀, 油顏色既都由佢, 去到話佢想o係屋企呢度跳去o個度, 我點可以真係好似外國人咁, 由小朋友自己做

所以我都law緊個平衡, 因為我小朋友下年會入一間比較嚴, 有紀錄既學校, 所以我都要學識o係佢放左學之後點樣去教佢!

j-mum

palmchristy 發表於 11-12-18 00:13
靠創作後父母給孩子的鼓勵和孩子成功的經驗.

好提示！多謝！

j-mum

babyislove 發表於 11-12-19 16:10
其實2歲幾，真係好細，lego、泥膠就係玩玩吓，好難成舊creative物件咁整出o黎。

你試吓玩時一開始問佢想 ...

你呢個方法好似幾好，等我都試下先！ :)

j-mum

porporchi 發表於 11-12-20 11:36
我小朋友31-32個月, 都係玩lego 同你小朋友一樣, 玩泥膠都係一樣, 原來小朋友既發育真係咁, 唔急得

我都有 ...

Porporchi, 你個係囝字囡？我見囝一般玩lego真係叻啲，當然個個唔同。
好認同你講唔急得！而且個個發展唔同，亦無人係完美嘅！

FZMM

介紹兩本書比你"買錯玩具,教錯仔" & "蒙特梭利",

Parisienne

小朋友好奇怪，當你啱啱適應佢，佢又開始變，令人無所適從。
個個發展都唔同，邊個話LEGO唔可以只向上疊？有時小朋友未必好似大人所諗咁簡單，可能佢想知道一直疊可以有幾高？幾時跌？點解跌？未必係單純唔識玩，或玩得差！又可能佢砌緊高樓大厦呢？問題係佢玩得開唔開心先。

創意係自由發揮，如果唔成日SAY NO，唔係原則性嘅嘢，可以容許佢〝唔〞太乖，應該OK。
中國人最鍾意問小朋友：你乖唔乖呀？聽唔聽話呀？
好似只有咁，先會令大人開心。應該話....放心。

lovebbb

分享下我既感受

我覺得規距是要教,正如樓主所請,唔可以行滑梯,要行樓梯上;食飯要坐定定,食完先玩...
另一方面,如果孩子玩樂時,也給他盡情的機會,除非危險或傷害到別人,否則我會放手給他發揮,例如填色,塗出界又何妨?

我兒2歲多時,也是將泥膠搣成粒狀,砌lego也是疊高,我沒有阻止他,我只是陪他玩,我在旁把泥膠搓揉,做不同形狀,lego砌成各式各樣的物件.漸漸他就會學懂的,所以不必擔心太多

WCYH

其實創意係要比空間發揮，我會用佢熟悉的歌譜去作啲攪笑的歌詞，會吹啲汽球掛响度再一齊畫眼耳口鼻，唔同表情，試過用泥膠搓長條互相叠起成疤痕貼响面上扮海盜，佢哋笑得好開心，你教佢哋嘅規矩我都會教，但其他無傷大雅的時侯我陪哋一齊癲，因我自己都係傻傻地。

babyislove

我自己最近就試緊同個仔一齊創作+講故事，好似role play咁，都幾好玩o架