仲係好似小學生咁!!! 點教?

小B媽咪

有朝一日，佢一定會o既! 我阿仔係最怕被老師罰，因為學校好嚴，試過一次欠交功課，罰留堂後，跟住就無再試過.... 不過，佢都係仍然好爛玩..... 希望大家啲仔會有一日會"叮"一聲開竅，學懂工私分明啦!

Ahling2004

睇左TETESA 的狀況真是好有同感.  我個仔都好似TERESA個仔咁, 間房亂到不的了, 水樽都係積到4-5個都唔掉, 書檯的WORKSHEET及書本堆到成座山咁, 座係佢間房有野咬.   我地做父母勸又勸過, 鬧也鬧過, 佢都係當耳邊風.  到依家已F3 都唔知讀書的緊要性, 只想自已快的變大人, 可以快的搬出去獨立. 成日記住父母對佢唔好的教育: 細個做錯事打過佢,等.... 從來唔會記住父母點樣錫佢. 所以我們都好傷心及無奈.   

Bluestar

回復 Teresa 的帖子

Teresa,

我個咪又差不多 !
還要加上聲大無準, 懶散, 多說話少做事
幸好仍然敬畏老師

You are not alone.
這裡有咁多昔日老朋友發言
你都明白這類問題已是很多同齡小朋友的通病
just a matter of degree not of kind
最重要唔學壞
其他問題惟有逐樣見招拆招

peaceandlove

標題可圈可點！
找社工或輔導幫助吧~
家長先要停止動怒，因只會讓情況變得更糟糕
關系一再破壞，就很艱難去復修！
愛跟接納，是親子關系中最重要的一條鑰匙！！

Bluestar

回復 Bluestar 的帖子

Teresa,

我個仔的大話都唔少
全部圍繞佢有無偷上網打機
學校有d乜野必須參予或無須理會
敬畏師長局限於校內
在外扮羔羊在家扮豺狼
無執什無手尾正牌港童
(但偏看不過眼別人的港童行為)
唔認錯賴d死物累佢犯錯
(我叫佢去該姓"賴")

我唔忍得
每晚變身瘋婦狂罵
罵完佢先會好dd
又會道歉
但好傷感情

試過俾門外亞8竊笑
我嬲到即開門兇人

有時間互相交流安慰下
否則遲早吐血身亡 !

502

原帖由 Bluestar 於 12-02-07 發表
回復 Bluestar 的帖子

Teresa,

Blue star

你在形容我個仔嗎？似到十足十！

正牌港童但看不起其他港童，每日要我化身獅子，這兩年白頭髮多了，血壓高了，可能要來個死諫才有救！:naughty

Bluestar

回復 502 的帖子

又有同黨 !
我都多好多白頭髮
但應該無血壓高
有無心臟病就無驗唔知

See, Teresa,
同期舊bk友 + 又同齡仔女
陸續show up !

502

原帖由 Bluestar 於 12-02-08 發表
本帖最後由 Bluestar 於 12-2-8 14:44 編輯

回復 502 的帖子

Bluestar

最慘我仲有個細的三年級，幾時可脫身？

Bluestar

回復 502 的帖子

502

No matter how old we are
No matter how old our kids are
The answer is -
Never !

天天譯

Bluestar 發表於 12-2-7 13:24
回復 Bluestar 的帖子

Teresa,

唔係笑你，而係你講得好好笑。
你咁幽默，應該和細路好傾得埋。

天天譯

”The answer is -Never !

答得好！

like_travel

在外扮羔羊在家扮豺狼
無執什無手尾正牌港童

i like these most, my daughter exactly the same u described

ALAL

Bluestar 發表於 12-2-8 14:37
回復 502 的帖子

又有同黨 !

Bluestar,

Your kids are in international school ?

Bluestar

回復 ALAL 的帖子

ALAL,

No ah, in a newish DSS (but not expensive), S1 now lu.
Very traditional curriculum.
(I only hv 1 kid, more than enough)

Teresa

Bluestar 發表於 12-2-7 13:24
回復 Bluestar 的帖子

Teresa,

Bluestar,

你都好啦, 起碼佢喺學校係羔羊怕老師. 我嗰個, 天不怕地不怕!!!!

我好frustrated架, 你都知啦, 由N年前我地喺BK交流, 你都知我好有心機(我自問有心機)教仔啦. 點知而家佢攪成咁??

我血壓高, 有部份原因都係因為佢. 我weekend冇私人時間, 又係因為佢(要睇實佢做返好D野, 拆佢大話, 閙佢執房, 洗佢太平地....), 其實好唔公平架. 我仲有個細仔, 4歲, 因為呀哥咁, 佢weekend從來冇去過meseum, 我亦唔多夠精力同佢坐喺library講故事. 當人地個個話: 你大仔上左中學, 可以放手, 可以集中教細仔喇. 我真係有苦自己知!

自理, 自律, 讀書, 冇樣得. 其實我真係要求唔高, 我唔使佢考頭10名, 亦唔使佢樣樣學校功課有9字頭. 但係佢真係好唔在乎咁. 可以狂食一大盒chocolate, 唔刷牙就瞓, 洗完個頭仲係一陣味, 校服臭襪周圍sip, worksheet爛哂/唔見哂/冇做, workbook冇對過answer. 唔舒服睇左E生但係唔叫唔食藥, 但係自己繼續唔舒服, 不過仍然照食junk food (偷屋企既, 去7仔用octopus買)......

我都唔知, 我究竟仲要等多幾多年佢先會似返個有自理自律能力既中學生?????

Teresa

peaceandlove 發表於 12-2-5 03:03
標題可圈可點！
找社工或輔導幫助吧~
家長先要停止動怒，因只會讓情況變得更糟糕

唔係唔搵, 由小學開始, 不斷都有社工跟, 上到中學, 係我主動搵學校社工, 小學老師差唔多個個都知我仔D野, 上到中學, 亦係我同班主任"報案"話我個仔係好有問題. 社工幫唔到手, 佢話要慢慢同佢傾, 唔知仲要傾幾耐? 傾, 我做左好多年呢樣野, 好聲好氣同佢傾, 同佢約法三章, 獎勵, 坦白從寬, 嚴懲, 仲有佢同學家長同佢傾, 比佢參加scout, 成長的天空.... 你講既我都試過哂, 係爭在未搵精神科醫生評估佢有問題定係我有問題咋.......

其實我都唔想破壞親子關係, 但係唔通叫我"接納"佢D咁hea咁唔自律既行為咩? (esp. 講大話)

502

原帖由 Teresa 於 12-02-14 發表
唔係唔搵, 由小學開始, 不斷都有社工跟, 上到中學, 係我主動搵學校社工, 小學老師差唔多個個都知我仔D野,  ...

Teresa

完全明白你的感受！

自問是一個勤力的媽媽，有時候真的很灰心，一番心機換來的是孩子的不在乎，到底甚麼時候他可以變得懂事一點，俾我透一啖氣，好嗎？

cellon

Teresa 發表於 11-12-1 23:49
RE: 仲係好似小學生咁白痴幼稚!!! 點教?

不斷講道理, 唔好好似小學咁成日呃人. 但係佢話知你, 功課求其過唔求其 (大小楷, 標點, 簡單既tense都錯,  ...

明白你的難處，但強烈希望你修改題目：小學生是社會將來的棟樑，請不要侮辱小學生是白痴。

csy_ma

回復 Teresa 的帖子

諗返細個時，有邊個唔係貪玩？我中學都成日漏溫書（老師惡，唔敢漏做功課），不過通常會響小息匿響某樓梯口惡補。

但間房體亂就幾難忍，因為細菌同昆蟲會周圍走驚！俾著我，唔執房既話，就冇私人空間可言，要鐵腕干涉。不過可設一髒亂區，一個箱或之類，唔想執既就放入去，唔會掂。

不過，原來執拾既能力都要教既。老公有次就特登抽半日教阿囡點執佢抽屜，分格等……後來阿囡都有投訴過我冇教過佢（但佢d野其實有好多格分門別類放好，佢只要放回原處就得)。房間係是非題：執好或者容許外力掃盪，最多俾幾個易分類既箱佢放。不過據我觀察，執拾呢d野同性格有關，教都只係勉為其難應酬吓，所以我都係成日要恐嚇阿囡（亂放既野會送俾人）。

至於學業，就趁初中衰得起，由佢衰……但之前都要講數。另外，我諗到既方法有少少駛橫手：搵個啱妳個囝既口味、溫柔可愛既大學生姐姐做佢補習老師，叫姐姐發明獎勵計劃同佢儲印仔／積分，夠分妳津貼姐姐買禮物俾佢（只津貼金額，禮物由姐姐決定，但遊戲機係禁品）。初中係對異性發生興趣既年齡，囝囝應該唔會願意將佢間房既醜陋真實暴露於有好感既異性面前，咁起碼每個禮拜有一至兩次會執吓野。至於仲會唔會有其他改善，就要睇故事發展。

我囡由細就好有主見，但又好大諗頭，以為自己有四十八小時，樣樣都想做，當然，佢都想玩行先。講數就係我地日常既"交流"：佢想點都得（通常都係去鄰居度或搵朋友仔黎玩），唔該完成功課先，仲話要檢查完先得（唔係就總係有"唔記得"既功課。通常佢做做吓就發現目標之宏大同不可能（佢好心散，有目標較有效率），不斷調低自己既希望。

我都同意家長所講，如果有自己鍾意做既野，咁做果樣野時會有條理d，不過，男囝好多時會沉迷響電子遊戲裡面，咁要盡量培養一樣體育興趣，如羽毛球之類，做完功課就可以好方便咁去玩（肯練武就更好）。

唔好意思！我幾迷信，未對紫微有興趣時，都唔係好明點解佢響屋企既表現，同佢響屋企外既老師評價分別咁大，後來發現佢既父母宮係破軍，仲自化祿，對父母要求多多，覺得點都唔夠，又成日要試底線破舊立新，暈！唯有調校吓自己：最緊要既，係你自己打從心裡有幾樣欣賞你囝既優點，當佢做出黎既時候，記住要讚佢。我同阿囡成日都炒蝦拆蟹，但佢知道我最終都係欣賞佢既，所以到佢過分，忍唔住叫佢自己諗吓之前既行為時，佢至會坦然有自信去面對。

小朋友其實好多時候都唔知自己想點，要d乜，響呢個時候，提返佢，要佢自己諗清楚才講，可能仲好？不過，我囡都真係算好教（佢都坦然話好多時只會對我地咁，響出面唔會），男孩子係需要付出更多耐心（太多愛心佢地又唔受），我覺得你其實都係呻吓，已調校自己調校得好好，換著我，可能唔得（有時我嬲到想攞鎖匙離開屋企），加油

peaceandlove

Teresa ，孩子以前有做過評估嗎？