香港保護兒童會譚雅士伉儷幼兒學校 (麗港城)

waisummama

原帖由 Lovely_Babybaby 於 11-12-1 20:01 發表
唔會啦,我上星期六見佢張LIST 都有幾個家長無去.
同埋佢無校車,我諗都唔會好多人爭住讀佢.
我都放棄左啦.

Thanks Lovely Babybaby, 我bb上星期六in了, 收咗了, 原來呢間係一邊in一邊收生的, 好在早in, 佢哋方係細d, 但我覺得老師&校長好nice, 講解學校又詳盡, 我都打算比bb讀呢間

Lovely_Babybaby

恭喜你呀!
其實好多學校陸陸續續都CALL WAITING 喇,
我之前講1st priority 果間,
都收左我囝囝喇,所以我都放棄左德福.

我見好多媽咪話,其實4-5月交大訂先係高峰期,
到時仲多位RELEASE 番出黎呀.

waisummama

恭喜你呀, 1st priority都得咗,

我應該會讀呢間了, 我唔係同bb報了好多間, 呢間bb去到好開心, 表現最好, 係就係細咗d, 不過口碑都唔錯, 唔攪咁多野了... 只係唔知呢間有冇net & 普通話姐.

Lovely_Babybaby

呢間每星期都有NET 同普通話老師架,
我都覺得SURPRISE!

佢個PLAYGROUD 都唔錯,
我個囝都玩到唔肯走.
我諗係度讀既小朋友都會好開心

heiheima88

仔仔讀得好開心, 校長, 主任, 老師同姨姨都好有愛心, 照顧得好好.  當然我自己係接送者會知道多少少學校的情況, 而仔仔之前在第二間學校讀過, 有比較之下, 更加覺得無揀錯.

校長幾乎每一日返學放學時間都見到佢, 佢會成日主動同家長溝通, 講下小朋友在學校的事情, 每一位小朋友佢都知道及上心, 很難得.

而班主任老師亦都常常跟家長傾談, 無論日常在校發生的鎖碎事或有興的事都會同家長講.

另外, 可能係保護兒童會有好多間幼兒學校, 安排的活動好多, 例如有社工來做親子工作坊, 或者幾個月有一次專題研習都會請家長去觀看, 知道幼兒在學校做左乜野, 仔仔會好熱烈咁介紹邊樣野係佢自己整, 好開心.

不過大肌肉室旁邊有好多植物, 係勁多蚊, 夏天一定要記得用蚊怕水或蚊貼, 如果唔係一定會被針到腫晒.

ohmymoonmoon

回復 heiheima88 的帖子

我囝囝9月開學,期待 ! 不過怕佢返全日難以適應, 日日都喊 ! 又怕佢返學成日病, 咁就慘啦 !

heiheima88

ohmymoonmoon 發表於 12-6-6 17:38
回復 heiheima88 的帖子

我囝囝9月開學,期待 ! 不過怕佢返全日難以適應, 日日都喊 ! 又怕佢返學成日病, 咁 ...

唔好意思, 我少過黎呢邊, 而家至睇到你post.  9月開學, 係N1定N2?初初返學會成日喊架, 無辦法, 有時就算去到學期尾都見到有d小朋友返學喊, 特別係長假期之後.  不過通常一入左學校就會收聲冇事架啦, 放心, 老師們有經驗, 會處理得好好.
我最初都驚返全日會時間好長, 好可憐咁細個要離開家人咁耐, 但係三年後, 我可以話比你知, 我絕對慶幸我比亞仔讀左全日班, 因為對自理呢方面好好, 同埋有好多活動, 唔使留屋止太長時間.

不過以上都只係我的個人意見, 要睇下你小朋友適應成點, 可以試下返學前呢段期間同小朋友講定多d學校野, 例如示範上堂, 一齊講故事, 話佢知有小朋友一齊玩, 大肌肉活動室有好多野玩等等, 引起佢興趣.