10歲男童跳樓亡,疑不堪功課壓力

angelmumy

昨天我在外地上網看到這則消息, 真的感到格外震驚和心痛.我囡囡也是小五學生,上星期的作業就是關於上一單事件的評論,亞囡的感想是: 要珍惜生命, 要勇於面對困難和解決.(她自己寫的).

但昨天我看新聞的時候一額汗, 因為評論係: 現在難教的是家長, 而不是學生.
每天放學回來媽媽愛問的一句話: 今日學左咩 ? (  我係. )
每次考試測驗考試都高求 我也是)
甚至連課外活動如考琴的分數都要好 scary: 講緊我)
回到家我好擔心咁亞囡講, 死喇, 媽咪都係咁要求你啊, 點知, 我囡這樣回答:
1. 我唔覺係壓力, 媽媽問我係關心我 (
2. 媽媽對我有要求是緊張我, 我而家讀書當然要比心機讀啦, 只不過我有時候都比較懶散(好感動 )
3. 考琴梗係要高分啦, 唔係考來做咩野
亞囡仲講,怎可以下下都死, 佢媽咪一定好傷心.....
見佢這樣說, 我稍稍安心. 或者我要求高, 但都沒有比太大壓力吧.佢做到固然好, 做唔到又如何 ? 罵她只會破壞親子關係. 我知佢做唔到的時候也不開心, 所以我也只能提下佢, 要努力, 再這樣不行啊. 做得好, 當然要贊, 我希望我們臉上都有笑容.

stellalau

好同意!我大女都係呢間小學畢業，學校從來都冇谷TSA，仲同d學生講呢個試好簡單，只要盡力做就夠，所以真係唔會有壓力。
另外，好多人都話佢地功課、測考多，其實每年一測三考好正常，功課真係唔多，測驗(佢地叫即測，又即係唔計分嘅默書)次數就真係多，但每次範圍好少，目的係要學生每日溫習所教過嘅課文。
最攞命真係呈分試，但呢個壓力係全香港升中學生都要面對，所以應該取消或減少呈分試。

Charlotte_mom

一試定生死, 家長又嘈喇

Koala_Chu

看完該段新聞後真的很難過,希望唔會再有同樣事情發生

其實都唔知道係教育制度,學校定係父母問題  

當然我不太喜歡香港嘅教育制度,但身處香港,冇辦法  

學校是否只是盲目地要求學生有好成績,從而增加學校名聲,故此,如有學生成績不好,就將壓力加在父母身上,要求父母督促子女溫習!!!

父母要工作搵錢,已承受工作壓力,無形中會給予子女壓力,要求考到好成績,再加上安排大量補習,課外活動,間接令子女走上不歸路!!!

我也要好好檢討自己,不要給女兒太大壓力,多關心她們,此終希望她們過著健康又開心嘅生活!!!

MeiLingkey

現在小朋友讀書真是辛苦, 書包又重, 溫習, 默書, 考試。苦 苦 苦

cmchang0927

其實我朋友都曾經幫佢補過習, 不過係二年級時, 佢話佢好乖好聽話好純, 讀書冇咩大問題..........
但我FRIEND聽番呢個小朋友D同班同學講, 佢因為身形肥胖, 成日比人叫花名, 好唔開心......
所以有時未必單單因為學業既, 比人笑都會令人好唔開心, 我自己細個好肥, 比D同學叫霸王花, 我都想喊同唔番學..........

原帖由 sylcaca 於 11-11-16 08:56 發表
呢個係我大仔既幼稚園同學

真係估5到架, 佢平時成日笑架, 圓碌碌鬈毛頭好得意架, 性格就比較BB, 啱啱9月先夠10歲咋

尋日打俾另1個家長, 佢話上個禮拜先喺街度見到佢, 仲係好好咁, 佢睇到報紙都冇諗過係佢

...

[ 本帖最後由 cmchang0927 於 11-11-16 15:35 編輯 ]

sandysin999

看到這裏，我感覺好痛心。我也要好好檢討下自己才行啊。

cmchang0927

個時我D成績都係中上, 但係真係比人笑到想死, 同阿媽講又話你無聊, 駛咩理人講咩....... 又唔敢同老師投訴..... 簡直叫天不聽, 叫地不聞.......
如果小朋友遇到呢D事, 做大人真係唔知點幫佢先好...

TwoBabies

講得好啱,同學間的取笑,改花名,排擠等等,有時都會影響心智未成熟的小孩子的.

若果家長知道後,又應該如何處理呢?什樣令自己的小朋友渡過這個心理關口呢?

原帖由 cmchang0927 於 16/11/2011 15:34 發表
其實我朋友都曾經幫佢補過習, 不過係二年級時, 佢話佢好乖好聽話好純, 讀書冇咩大問題..........
但我FRIEND聽番呢個小朋友D同班同學講, 佢因為身形肥胖, 成日比人叫花名, 好唔開心......
所以有時未必單單因為學業 ...

motherotk

I will stand up for my kids..using power to bully others is not right!!

原帖由 TwoBabies 於 11-11-16 15:58 發表
講得好啱,同學間的取笑,改花名,排擠等等,有時都會影響心智未成熟的小孩子的.

若果家長知道後,又應該如何處理呢?什樣令自己的小朋友渡過這個心理關口呢?




...

JOJA

我以前中學
成績中中

好肥, 近200 lbs
成日被人取笑
花名叫, elephant

但我一樣有朋友
我很多朋友在學校有男仔追有拍拖
而我中學從未拍過拖

但我一樣係開心
因為由細細個
亞媽好少理我
我自己好獨立
做錯事被人罵
或者就係現在的AQ訓練
可以接受打擊

現在一切都幾好
已減至標準身形
有份幾好的工作

工作上, 還看到很多青少年
入職後, 小小辛苦就喊
又話唔想做
有一個仲話亞媽同我講
若做得辛苦就唔好做啦
屋企唔係等佢養
她resign 的理由
係因為在工作上
只能接一份工作, 如同時handle多於一份工作會有壓力

又有一位青年
剛剛大學畢業
沒有工作經驗
有人介紹入公司做會計文員

對自己好有抱負
做會計文員
先做入帳
但他堅持大學畢業生唔應該做咁低級的工作
應該係做決策性的工作
跟住resign
家長fully support
幾年後
有同事撞到他
他仍失業
問有冇好工介紹

有時想
家長太過support
會不會就讓孩子唔識大
唔能夠獨立起來

若我孩子有校內被人取笑
我真係會同佢分折下
原因, 分享下人生的經驗
但我不會插手
始終小朋友之間的事
是要他們解決
真的是千絲萬柳的關係

[ 本帖最後由 JOJA 於 11-11-16 16:51 編輯 ]

TwoBabies

多謝你哋的意見,因為有時小朋友話係學校發生咗D嘢,通常都係小小推撞,郁吓手腳的問題,不是太嚴重的事.

但我好矛盾要否出手,我怕小朋友太依賴家長,亦怕小朋友受別同學的欺負,更怕自己做了怪獸都唔知,所以都唔知點做.

motherotk

at least teach him/her once to demonstrate how to protect themselves.

kids need to learn from parents how to say no to unreasonable treatments.

If this is bullying, should be very careful to handle, I read a threat from Funkiz:https://www.facebook.com/notes/f ... %8C/258494934200782

"當校園欺凌事件出現時，大眾的焦點多放在被欺凌的學生身上，覺得他們都是弱勢的一群，而且大多是身體瘦弱、個子矮小、個性懦弱怕事等，需要多加保護和協助。但其實欺凌者亦需要社會、學校和父母多加關注。他們會成為欺凌者，很大原因與他們的成長和家庭環境有關，例如自小被父母不合情理地虐打、辱罵、呼喝，或者身邊常出現因欺凌便可獲得優勢的人和事，又或者自小被父母灌輸汰弱留強、以大欺小的訊息，自小耳濡目染，甚至有欺凌者是由被欺凌者轉變過來的。這些欺凌者的情緒十分激動反覆，覺得很多人都是與自己為敵，多以暴力欺凌別人，因為他們相信以暴力先發制人，才可以保護自己。"

[ 本帖最後由 motherotk 於 11-11-18 09:15 編輯 ]

TwoBabies

Thank you for your sharing.  It is a good article.

cccolin

larissayu6

我睇到呢單新聞是我女放學時給我睇的報紙，即時想喊出黎,我就和她講：考試低分不是代表你無用，而是要你把你的弱點再加鍛鍊！所以不用太過介意分數！另外好彩的是我女兒的學校每星期都有親子德育課，這課程教佢地好多心理發展、德育等等的問題點去解決！我有時迷失了，看到這課程也幫我不小，我女也是五年級，也是9月先十歲，這年齡其實也處於進入青春期，話大唔大，話細唔細，所以真係要好有耐性同佢地分析。好彩我女不用呈分試，真的好大壓力！我令願佢開開心心咁讀書和學做人！