如果今日系二十一日而自行得左

Ving

如果今日系二十一日而自行得左，會吾會停吾繼續玩考小學，因覺有點累，不計之前上乜班物班，參加乜賽物賽，由七月到依家什麼簡介會，做portfolio，攞表報名，面試，都好幾個月。加埋聽到小朋友in時答得吾好，對佢黑面，覺得對佢有d吾公平，所以都希望成件事早d完，細怒同大人都過番d正常生活。

MW9919

但願如此啦！但自行階段收咗都仲要準備小一適應，小朋友讀小學真係大人加小朋友都好忙架。

wing

如果自行收咗, 我唔再搵架LA, 自行呢間係超級心水學校, 我自行交表只係搏最後叩門咋  

但發夢確實太早, 亞女得10分咋

Peter2880

發夢無甘早, 我已打定輸數, 自行跟面試一樣, 無消息居多, 積極做定預備吧!

Ving

因同班同學有d報讀國際學校已一早收左，有d就家姐讀Maryknoll，成績點差都必收(註：K3到今時今日番學都仲咸吾大願入班房上堂）相反我地冇分死考爛考都好似冇著落，仲搞到精神緊張，真糸吾知點解咁吾公平？

joecrystal

我都好希望自行收生ok.就唔駛再咁辛苦!!

Ving

如最後入吾到心儀的學校，到最後都死而無慽，因自己與小朋友已作了長久的準備去參加lee場比賽，相對二十五分，二十分入梗名校，只可說時不與我。

per

唉, HK地, 做父母好辛苦!!

Ving

最慘啲親朋戚友知用錦多時間，金錢準備，而又未如理想，壓力仲大。祈實吾單止大人辛苦，細佬都辛苦，學校外籍老師話五歳幾人仔參加a樣朗誦比賽，哥樣校際比賽，在外國系unbelivable

Ving

有幾次in完後問佢答成點，知道與之前教佢的有出入，除了黑面外，仲駡到佢狗血淋頭，跟住咸住話已盡左力，可吾可以原諒佢，我話我吾原諒你吾重要，老師吾原諒你分分鐘冇書讀。真系希望快d過左，過番d正常生活，吾使食飯，瞓緊都掛住。

lovegirlslove

我之前連收4封REJECT, 都發了小朋友脾氣, 後來極度後悔, 佢只是5YR, 無論結果點, 要INTERVIEW, 仲要比D唔識人不停問, 答問題, 佢已經好叻, 以前我地細個小學都未識晒26個字母啦

作為佢呀媽, 結果係點, 我都會同佢面對, 已準備下年抓爛塊面周圍同佢去扣門, 為佢盡最後努力...就起呢個時候, 佢連收兩個OFFERS.

wing

只FOR分享

有一次同亞女去IN某小學, 該小學係英文小學, 事前我已有心理準備, 因為知道亞女英文唔好, 報佢都只係俾佢拎個經驗; 在此之前, 已IN咗兩間學校, 一間係英文, 一間係中文;

係上去課室IN之前, 亞女仲好有信心, 好開心笑住咁同我做"OK"手勢.

點知...IN完落黎, 我離遠已見到佢面色怪怪, 落到黎我問佢 " 點呀, 頭先考咗你D咩呀 "  佢一開口就喊, 佢話我唔知老師講咩, 所以我無答佢問題, 一路講一路喊...果下我真係好心痛, 一個5歲既小朋友點解要承受呢D壓力??

而家HK地既小朋友讀書真係好辛苦

Cookietk

原帖由 Ving 於 11-11-5 08:08 發表
最慘啲親朋戚友知用錦多時間，金錢準備，而又未如理想，壓力仲大。祈實吾單止大人辛苦，細佬都辛苦，學校外籍老師話五歳幾人仔參加a樣朗誦比賽，哥樣校際比賽，在外國系unbelivable ...

我自己都係外國搬番黎無耐,好驚訝同震撼見到而家五歲人仔要應付各樣比賽,咁細個要獨自上台表演,我諗的外國人聽到實會嚇暈. 外國既小朋友成長過程真係簡單好多,因為人口密度少,而外國人大多數無中國人咁緊張入邊間學校,所以通常都係入番本區既公立學校,唔使同人競爭. 因此佢地的小朋友可以甚為輕鬆咁過童年.  同香港真係有天淵之別.  所以我覺得香港千經百煉既小朋友比外國的早熟好多.

chelsealam

Ving, 你既小朋友已經好生性, dun give your kid too much hard time.

原帖由 Ving 於 11-11-5 16:23 發表
有幾次in完後問佢答成點，知道與之前教佢的有出入，除了黑面外，仲駡到佢狗血淋頭，跟住咸住話已盡左力，可吾可以原諒佢，我話我吾原諒你吾重要，老師吾原諒你分分鐘冇書讀。真系希望快d過左，過番d正常生活，吾使食飯，瞓緊都掛住。 ...