誠心請教：如小朋友受谷，是否應該揀傳統學校？

idy926

係屋企先至係真身喎，我覺得如果學校比到安全感佢，遇上好老師鼓勵，應該可以現返個真身吧！
我個女而家p2，其實由p1起，一路見到有改變，最近係週記上，英文老師寫嘅回應:好開心見到你而家己經無以前咁怕醜啦！----->雖然好少事，但我覺得無選錯校，因為而家女女小息仲會成日主動去搵果個英文老師，有時傾計，有時幫手做野(雖然都要同學陪)，相對以前見到老師吾聲吾聲什至走人，真係好大進步，我估呢間學校巳經開始比到安全感佢啦，我都期待佢快d現真身。
我諗傳統老師太多野做，都無咁得閒理你啦！

不過講真，吾出聲嘅習慣，放係邊都sit底㗎啦，所以我地真係要諗辦法改善佢

原帖由 七點半 於 11-10-31 11:39 發表
你都講得咁, 返傳統學校可能會助長佢唔出聲的習慣...不過, 我又想佢到底是不喜歡返學講野, 定係其實佢都可以將係屋企活潑一面帶回校呢?? 如果佢返學是不喜歡答問題, 我放佢係活動教學學校, 佢又會唔會輸了一點點呢?? ...

Christi

well...我諗唔知我係唔係太極端,其實我覺得所有小朋友都應該活動教學的.只有雙向,富啓發性,容納大多數的參與及容忍錯誤的,才堪稱為教育...小朋友的質地如何,視乎老師如何handle,但總的來說,活動教學是適合所有小朋友.

babybear

其實依家傳統教學既私校/ 直資都唔會好似我地以前讀書年代果陣咁傳統。佢地傳統得黎都好互動架！

原帖由 Christi 於 11-10-31 15:13 發表
well...我諗唔知我係唔係太極端,其實我覺得所有小朋友都應該活動教學的.只有雙向,富啓發性,容納大多數的參與及容忍錯誤的,才堪稱為教育...小朋友的質地如何,視乎老師如何handle,但總的來說,活動教學是適合所有小朋友 ...

kennyklt

你所講係所有教育嘅崇高理想，但係社會競爭激烈，就算你唔爭，唔介意從錯誤中慢慢學習，但係其他家長都會介意。如果傳統教育做唔到，活動教育就可以嗎？活動教育絕對唔係教育中嘅烏托邦，只不過係另一種教育模式俾有不同需要嘅學生同家長吧。