應唔應該出聲? 請比意見.

kelvin_hmlau

上星期六帶個仔上興趣班, 有一位小孩3歲半, 只是跑來跑去, 半點也跟不上, 媽媽當然很不開心.

跟唔到當然沒有所謂, 但同他媽媽閒聊, 言談間發現他竟然係讀E位, 無排S位, 因為只評自傾. 在幼稚園不斷接投訴.

媽媽亦花了很多心機, 針灸, 音樂, 地板等, 都無進展.

當場我其實想同佢講, 他兒子適合讀S位, 但情況同幼稚園老師一樣, 勸家長退學讀S位, 點婉轉都會傷害媽媽脆弱心靈.

問過家中c9意見, 她說沒有女人鍾意人家講個仔要讀S位, 同人又唔係熟, 無謂咁多事.

比着係你, 會唔會同果位媽媽講?

[ 本帖最後由 kelvin_hmlau 於 11-10-24 11:35 編輯 ]

autunmbb

我唔會講佢個仔適合s位。不過就會講我個仔讀s位的訓練係點樣，有什麼弓3t小組等等。睇下佢有乜反應，好唔鐘意聽就唔再講，有興趣就再同佢講自己的朋友轉服務的經驗。佢要點就比佢自己諗。

Capricorn2521

告訴他e位其實幫助不大，有朋友上私人s位後改善了很多。如你或你朋友有親身經驗更好。當然講之前要同佢混熟d，了解多d先。如果吾係，人地未必會領情，或說你多事。

原帖由 kelvin_hmlau 於 11-10-24 10:34 發表
上星期六帶個仔上興趣班, 有一位小孩3歲半, 只是跑來跑去, 半點也跟不上, 媽媽當然很不開心.

跟唔到當然沒有所謂, 但同他媽媽閒聊, 言談間發現他竟然係讀E位, 無排S位, 因為只評自傾. 在幼稚園不斷接投訴.

媽媽亦 ...

kelvin_hmlau

多謝大家意見, 當時協康社工都有幫手"落藥"說S位密集d, 執正再才出來等.

不過媽媽沒有反應, 好似聽不到似的, 只是說她選果間E仔很好. 有點像心知不妙, 但不大接受的樣子.

sharon26788

可以叫駐校心理學家落幼稚園跟進俾意見。諗番幾年前9月入讀I位，I位老師就已經提我可以有呢個要求，11月就到校，心理學家一睇完即刻同我講不如轉入S位，用番舊NO.浪費左一年I位時間咪仲慘。

pocoyo123

唔好話一個街外人, 就算是專業人仕的意見都有好多家長唔接受!!!!!不要太刻意, 可以試下話比佢知再去評估中心, 重新評估一次, 因為小朋友這一兩年進度不多, 同佢媽咪講, 評估無壊, 或者有其他好的訓練比你小朋友, 咁佢媽咪聽落會好些, 唔係佢以為你低矮佢小朋友能力就煩, 二來咁又有機會幫到佢小朋友.

someoneelse

講我一定會講，因為係唔抵得既人....得罪了或什麼也好，反面就算吧 (年中我亦試唔少)...最緊要我地係用心想個小朋友好，至於佢父母我地控制唔到...情況等於見到有罪案一定要報警，至於告唔告得入或拉唔拉到人就唔係我地要傷神既範圍了！

BeBe媽媽

原來你地都有同類經驗....
唉...我都有個同學仔爸爸(仔之前I位既),
佢小朋友剛剛4月被老師叫轉S,又排左S隊,到7月通知有後備位時,父母都去過學校,但唔接受,呢位爸爸既原因係:學校DIRTY,似瘋人院&自己仔根本唔係咁差,唔需要...等等.
其實我有勸過佢....FINAL,都佢都係REJECT.
呢幾日兼收老師再問,先知原來佢reject左,咁問佢可否試下攞番個位,等等...學校迫佢要轉走.
我今日再同呢位爸爸講,s位點好,我仔都讀得好開心等等...又問佢仔仔其實跟唔跟到書本?佢只答寫字無問題....即係根唔到,5yrs喇! 數唔到2....(佢話醫生,個個都唔知佢仔乜問題,只係言語delay)
個爸爸同我講:佢仔唔係蠢,亦一定唔係最差果個...等等....
唔知係咪我講錯野?激嬲左佢呢?
我應該係好心做懷事! 其實我真係唔想佢浪費左個仔既時間囉.....佢仔仔唔會亂發皮氣架!都算幾乖.....其實我夜晚仲想sms佢要接受自己仔仔既問題,因為我好唔開心,但我無咁做到.

fatpam

請問心理學家係屬於CAC or I位學校，S/E位家長可以有這個要求嗎?

原帖由 sharon26788 於 11-10-24 15:12 發表
可以叫駐校心理學家落幼稚園跟進俾意見。諗番幾年前9月入讀I位，I位老師就已經提我可以有呢個要求，11月就到校，心理學家一睇完即刻同我講不如轉入S位，用番舊NO.浪費左一年I位時間咪仲慘。 ...

pocoyo123

真係鄧呢位小朋友可惜, 時間唔等人, 上到小學咪又係要讀特殊,根本跟唔到..................

原帖由 BeBe媽媽 於 11-10-25 00:05 發表
原來你地都有同類經驗....
唉...我都有個同學仔爸爸(仔之前I位既),
佢小朋友剛剛4月被老師叫轉S,又排左S隊,到7月通知有後備位時,父母都去過學校,但唔接受,呢位爸爸既原因係:學校DIRTY,似瘋人院&自己仔根本唔係咁差, ...

sharon26788

原帖由 fatpam 於 2011-10-25 00:21 發表
請問心理學家係屬於CAC or I位學校，S/E位家長可以有這個要求嗎?

每間S位都有心理學家,家長可要求心理學家落中心跟進.E位就唔係太清楚跟進情況.

anan3388

應該講，但抱著：唔聽就算的心態，咁雙方都舒服些。有時善意的提醒真係好幫到人！但另方面，個個仔都唔同，各人有各人難處，講得黎唔動氣又唔好拗下去，俾機會對方都舒發下。以上是我通常提醒自己的話，與你分享一下。

kelvin_hmlau

多謝大家意見. 其實見到呢類小孩 (跟唔上大隊), 好似見到小兒年幼時的情況, 所以有所共鳴.

亦見到媽媽很積極, 只是老鼠拉龜...媽媽亦透露已花了很多金錢.

為左小孩的未來着想 (佢似乎仲未留意週邊發生緊乜事), 決定黎緊星期六再講一次, 推介一下S位, 相信暫時密集式比較幫到佢.

anan3388

如果你想柔和些，可先傾下佢依家最煩仔係煩緊乜野，等佢傾訴下先，再輕輕講下話你識人都有咁情況喎，入左s位都有幫助，若佢有興趣聽就講，無就停住先，可能佢都要時間吸收下。以上分享一下我自己會點傾啦。你的善意相信會感受到，都係一種支持呀

Anpanmama

如果同佢講响S位一站式執靚哂出去上小學, 好過响E位食散餐唔集中, 我知幾個cases, 响S位出嚟嘅, 有啲仲入到名男校, 你估佢會唔會覺得好啲!
係真架! 所以大家唔好放棄!