有perfect pitch對學音樂的好與壞

Christi

或者大家對呢個問題好奇怪,因為有perfect pitch梗係一件好事啦,仲駛問? 我上網查過,有很多好處,這幾乎是肯定的了.於是我反而想大膽問一問,有perfect pitch會否反而對學音樂/樂器有一些-ve的地方?

這只是open question, 知道這裡有很多懂音樂的人.期待分享.

[ 本帖最後由 Christi 於 11-10-16 23:11 編輯 ]

moumou

個人經驗而言，小女唔喜歡睇譜，習慣用聲音來背譜；因此sight reading 很慢，亦時常唔跟足指法！因為唔願睇譜。現在的琴老師正很有耐性地糾正她的問題。

fcbttkw

原帖由 moumou 於 11-10-16 23:45 發表
個人經驗而言，小女唔喜歡睇譜，習慣用聲音來背譜；因此sight reading 很慢，亦時常唔跟足指法！因為唔願睇譜。現在的琴老師正很有耐性地糾正她的問題。 ...

我仔都係用聲音記憶，佢每次學新歌都會睇譜彈，但好快就會背倒份譜，佢睇譜好快，考試Sight reading係攞滿分，同樣地，佢唔鍾意跟指法！

moumou

一樣，很似！只是不一樣的，女兒現在slight reading 很慢。希望她將來有所進步，都可以學妳仔仔咁叻啦！
請問妳仔仔一天可以有多少時間練琴？另他有沒有學別的樂器呢？

billyyanst

原帖由 fcbttkw 於 11-10-17 00:11 發表

我仔都係用聲音記憶，佢每次學新歌都會睇譜彈，但好快就會背倒份譜，佢睇譜好快，考試Sight reading係攞滿分，同樣地，佢唔鍾意跟指法！

我仔淨係學piano都一樣有呢個問題, 我覺主要係個老師教法問題, 佢學piano時老師好多時會彈一次佢聽(可能當時讀緊幼稚園年紀比較細關係), 因為perfect pitch, 佢好快就會背譜, 於是就唔睇譜唔跟手指唔理拍子...一直上左小學之後再學埋cello, 個老師一定要佢自己sight, 就係咁一年多後已經改善左好多, 每次考琴試呢Sight Reading分數都唔錯, 所以如果佢sight reading差, 就要同老師溝通一下, 寧可學得慢d都唔好錯過左改正機會

小伊

我反而觉得perfect pitch对sight reading有更大优势，当然唔系指初学阶段。

fcbttkw

原帖由 moumou 於 11-10-17 00:46 發表
一樣，很似！只是不一樣的，女兒現在slight reading 很慢。希望她將來有所進步，都可以學妳仔仔咁叻啦！
請問妳仔仔一天可以有多少時間練琴？另他有沒有學別的樂器呢？ ...

之前舊老師知阿仔睇譜快，好少先彈一次俾阿仔聽，通常教邊首就直接叫阿仔彈，而且落堂前會剔多幾首等佢返屋企自己彈，所以佢一堂要交十幾首歌仔（頭4、5級）。

阿仔近呢一年都好少練琴，一星期加埋彈唔夠兩個鐘，不是沒有時間練，係有時間都唔練！雖然唔多練，但係呢1年彈既野反而好聽左同埋穩定左。佢依家同時學緊揚琴和小提琴，小提琴進度係最差的，我叫過佢放棄或遲D先再學，但係佢要堅持繼續學！

marcuscyrus

原帖由 Christi 於 11-10-16 23:07 發表
或者大家對呢個問題好奇怪,因為有perfect pitch梗係一件好事啦,仲駛問? 我上網查過,有很多好處,這幾乎是肯定的了.於是我反而想大膽問一問,有perfect pitch會否反而對學音樂/樂器有一些-ve的地方?

這只是open questi ...

件事本身係好事，但我覺得要有相應的措施去配合，教過有perfect pitch的小朋友，因為耳朵好，傾向用耳學，本來都唔係壞事，但佢的耳/眼唔可以平衡發展，導致sight reading 唔好(唔肯睇)，不過如果家長明事理，肯鼓勵個小朋友多d 睇譜，都冇問題(有部份家長係會"接受"個小朋友唔睇譜，因為佢唔睇都彈到)，呢樣野，學o既初期未必有好大影響，但當d樂曲越來越長，佢地記唔到咁多時，就大件事，我兒都係有perfect pitch，佢學琴初期，我主力要佢練技巧同讀譜，依家佢o既聽力就發揮到成效

fcbttkw

原帖由 小伊 於 11-10-17 09:44 發表
我反而觉得perfect pitch对sight reading有更大优势，当然唔系指初学阶段。

是的，對sight reading很有利，因為一邊睇譜，一邊聽到自己有冇彈錯音。對aural都很有幫助，因為人地彈個chord，佢一聽就知用邊幾個音組成，major & minor都容易分得出。scales又唔駛死記，問咩major 或 minor，佢就會知道當中有幾多個sharp、flat。

marcuscyrus

原帖由 fcbttkw 於 11-10-17 11:04 發表

是的，對sight reading很有利，因為一邊睇譜，一邊聽到自己有冇彈錯音。對aural都很有幫助，因為人地彈個chord，佢一聽就知用邊幾個音組成，major & minor都容易分得出。scales又唔駛死記，問咩major 或 minor，佢就會知道當中有幾 ...

情況似我兒，但我d學生又唔係個個perfect pitch的係咁
佢地真係非常唔肯睇譜(最慘係父母鼓勵埋佢唔睇xdddddddddd)，彈scales，d 手指位反哂都照彈

fcbttkw

原帖由 ilovethiscow 於 11-10-16 23:47 發表
還有...

在 Aural Lesson 及其考試會俾professor 話你係
cheater

點解？

fcbttkw

原帖由 marcuscyrus 於 11-10-17 11:07 發表


情況似我兒，但我d學生又唔係個個perfect pitch的係咁
佢地真係非常唔肯睇譜(最慘係父母鼓勵埋佢唔睇xdddddddddd)，彈scales，d 手指位反哂都照彈

很多父母唔識，唔知會有咩後果，但教佢地既老師應察覺得到這問題！
我仔都唔跟指法，只係我同佢講過‘唔好俾我見到你D手指轉到打晒交叉’，跟住佢自己會度掂D指法。

homama

佢地學 不是 in C 的樂器會有困難的~~~

例如 Clarinet, saxophone trumpet horn~

hi, ilovethiscow,

Can you explain more please?

Thanks!

marcuscyrus

原帖由 fcbttkw 於 11-10-17 11:15 發表

很多父母唔識，唔知會有咩後果，但教佢地既老師應察覺得到這問題！
我仔都唔跟指法，只係我同佢講過‘唔好俾我見到你D手指轉到打晒交叉’，跟住佢自己會度掂D指法。 ...

我接過一個準備考6級的，佢已考5級，但成績一般
我同個學生同媽媽講：佢耳仔好好，但佢指法亂黎，佢可以彈彈下running 唔順，停左o係度，同一個音1轉2, 2轉3，轉左10次都彈唔到之後個音，彈scales 又係咁
個媽媽話：下..以前個老師從來冇講過佢呢個問題bor，老師話scales 錯手指都唔會扣分，咁不如由得佢啦
其實你仔仔好叻仔又肯做，遇著d 懶散，得過且過，再加上完全唔理的，真係空得一對好耳仔都冇乜作為的

marcuscyrus

講返正題，對我兒黎講，發揮功效最大係拉琴，小提琴係佢最遲學的一種樂器，但因為之前已經train 左佢睇譜，再加上佢冇音準的問題，所以老師可以集中處理佢弓法/音色的問題，而且佢唔太需要經過一段漫長拉空弦同單音的練習，感覺佢好似快上手一d，彈琴黎講，因為有pitch，好快就知道每個scale 係由咩音組成，略為提點指法就ok，percussion 就(暫時)直頭一面倒係好>壞

fcbttkw

原帖由 marcuscyrus 於 11-10-17 12:00 發表


我接過一個準備考6級的，佢已考5級，但成績一般
我同個學生同媽媽講：佢耳仔好好，但佢指法亂黎，佢可以彈彈下running 唔順，停左o係度，同一個音1轉2, 2轉3，轉左10次都彈唔到之後個音，彈scales 又係咁
個媽媽話：下..以前個老師從來 ...

其實真係要耐心分析俾佢聽，我唔要求佢跟足指法，只要做到樂曲要求，連時要連、斷時要斷，指法唔順好難彈好連音，聽落也很礙耳。scales要求也是如此，要求佢一定要流暢，指法唔可以太離譜，但係我幾乎冇聽過佢練scales，考試也有18分。

marcuscyrus

原帖由 fcbttkw 於 11-10-17 12:17 發表

其實真係要耐心分析俾佢聽，我唔要求佢跟足指法，只要做到樂曲要求，連時要連、斷時要斷，指法唔順好難彈好連音，聽落也很礙耳。scales要求也是如此，要求佢一定要流暢，指法唔可以太離譜，但係我幾乎冇聽過佢練scales，考試也有18分 ...

呢個就係家長肯唔肯同老師合作的分別
有d家長平時係唔理，覺得自己小朋友"都彈到丫"咁就算數
其實每星期上完一堂，然後可以記住哂老師要求，再而自己跟住練的小朋友10個都未必有一個，有時家長會覺得彈一首練習曲要2-3堂先pass 係side 時間

fcbttkw

原帖由 marcuscyrus 於 11-10-17 12:23 發表


呢個就係家長肯唔肯同老師合作的分別
有d家長平時係唔理，覺得自己小朋友"都彈到丫"咁就算數
其實每星期上完一堂，然後可以記住哂老師要求，再而自己跟住練的小朋友10個都未必有一個，有時家長會覺得彈一首練習曲要2-3堂先 ...

彈練習曲應比彈歌仔要求更高，因為它是樂曲的基礎練習！
有d家長唔係唔想合作，而係唔知點合作，因為佢地都唔知點先叫做o岩。
你講的家長也多的是，因為佢地會做的，只是推個小朋友去學琴！