做完功課，每天還會給練習做嗎?

garon

小四(留班)，沒有去補習社，每天放學做完功課，還給多少練習才正常呢? 平時晚上家長加班未回到家，小朋友不會自動溫默書既然浪費時間，不如給他一些練習題，這樣對嗎?
星期一至五不準看電視算過份嗎?

ms.aeroplane

我係全職媽咪,小朋友(小一)做完功課,我都唔會比佢做練習,亦冇補習,1至4冇任何興趣班..!因為睇見佢返完成日學,攰到隻野咁,仲比野佢做,都做唔到水準出嚟,處理唔好米搞到唔開心...!我只會記住佢做功課時唔多明嘅地方,星期六或者星期日同佢温下...!我有比佢睇電視..不過佢好乖,我唔叫佢睇電視,佢唔會開電視睇...!放學返嚟食少少野,睇一陣電視,就做功課!做完功課,沖涼食飯,飯後基本係自由時間!如果第二日黙書就同佢温下...!!
其實唔好覺得佢地冇野做會好無聊...佢地都要一D空間去舒緩下佢地返學壓力...!清洗疲累..!

如果佢係留班,全部都學過,你主要叫佢温D唔識果D,因為再温D佢識嘅都好悶下...邊有心機温呀?如果唔自動自覺,咁就要考慮去補習,幫佢温習下,同教佢技巧...!

[ 本帖最後由 ms.aeroplane 於 11-10-2 12:42 編輯 ]

黃巴士

原帖由 garon 於 11-10-1 14:25 發表
小四(留班)，沒有去補習社，每天放學做完功課，還給多少練習才正常呢? 平時晚上家長加班未回到家，小朋友不會自動溫默書既然浪費時間，不如給他一些練習題，這樣對嗎?
星期一至五不準看電視算過份嗎? ...

默書成績一向OK嗎?? 做完功課, 不如先REVIEW每天教的書. 待溫好默書才予EXTRA EXERCISE.  P.4默書, 好多小朋友已"手到拿來", 好快溫識, 唔洗點花時間溫!!
如果在家沒有教, 真的要考慮吓補習了!!

garon

默書還可以，因為電話控制佢每日溫一點點...... , 如她爸爸早回會幫她試默.
叫佢每日 review 書本係無可能既事, 因為佢無自制能力, 一定唔會溫 (工人 report 返比佢爸爸知)

就係因為佢唔自覺唔自律，所以想每日安排做幾頁練習，好過佢浪費時間.

其實電視線星期一至五都收起左，但都無用，當佢自己在家便玩玩具，走來走去、搵同學煲電話粥都唔溫書 (這也很正常、一般小朋友無"黃"管都會如是)

黃巴士

咁要考慮上門補習了!!

Umi

我是全職睇女... 佢放學回家洗澡, 便開始做功課, 如果有時間會同佢温下今日教過D咩野. 不過, 我不會每科都問, 因為佢mon補英文和wed&sat補數學, 所以唔好搞佢咁多, 温下默書, 有時間咪練吓琴, 有時真係無咩時間剩, 所以你比練習佢...佢都累啦~ 但今年我要佢盡量9:30要訓, 因為發覺佢第二日返學會精神D. 上堂會入腦D.

練習可以留係假期做. 因為佢地返左成日學回來做埋功課温埋默書真係會累的. 你可能每天都不會定時返, 所以你驚佢唔做野係屋企hea. 有人睇都會hea, 更何況無! 如果小朋友真係不能自制, 那揾補習上門或去補習社都不失為上策.

有時眼見e+d小朋友真係好似超人咁嫁啦~ 咩叫吊頸都要斗氣~ 我有時見我個女緊張, 我都叫佢今次唔好咪下次努力D, 最緊要你知自己錯係边, 係唔明白定係睇錯題!

有時眼見D新聞咁多小朋友大朋友因為讀書而自殺等等...真係...我寧願佢開開心心啦! 唔好搞到有咩情緒病就閉....到時真係比你入到大學...Pomp一聲jump落黎咪又係咩都無 , 所以我地大人要樂觀D. 現在D電視節目係麻麻地. 真係要過濾下. 但係比佢玩玩具我覺得係可接受囉! 我個女做晒野我都會同佢玩啤牌啦~

[ 本帖最後由 Umi 於 11-10-3 23:46 編輯 ]

Charlotte_mom

我朋友投訴個仔, 對住佢做功課我ME ME MORE MORE, 我問我朋友, 如果做得快, 你會繼續俾練習嗎, 佢話有時間梗係會
我答我朋友"俾我做細路都拖慢D啦, 做得快仲要做多D, 你當佢傻架咩!"

我讚成樓上講, 不如搵個老師, 認真留意下問題出左O係邊, 對症下藥啦, 小朋友底子唔夠SOLID你仲要迫佢上, 好慘架

Whitesnow

要睇果日功課多定少, 如果好少就會比D佢做下

qkhui

其實真係要好睇每日o既時間.
如果小朋友可以在6點前做晒功課,
噉我覺得到可以休息, 到食完飯, 8:30左右開始做一o的exe, 溫下書, 噉10:00上床瞓覺.
其實都不會太辛苦. 有時好多野都係習慣,
如果小朋友憤佐, 每日都做少少exe. 佢地其實唔需要用太多時間就可以完成. 每日都溫習, 其實相對到考試又唔會太辛苦.

噉當然如果當日好多功課, 又或者小朋友狀態唔好, 噉就真係比佢地抖下好o的.

如果樓主小朋友係留級小四, 噉我自己覺得唔可以再浪費時間. 因為下年一定要升班, 如果今年唔好好利用, 噉就真係會浪費佐今年o既機會. 如果仔仔唔太自覺, 我同意上門補習. 一定要打返好基礎, 唔係下年升小五, 我相信會更辛苦

瑩瑩老豆

原帖由 garon 於 11-10-1 14:25 發表
小四(留班)，沒有去補習社，每天放學做完功課，還給多少練習才正常呢? 平時晚上家長加班未回到家，小朋友不會自動溫默書既然浪費時間，不如給他一些練習題，這樣對嗎?
星期一至五不準看電視算過份嗎? ...

這已不是多少練習才正常的問題, 既然已經要留班即本身成績不會太好, 給他多少練習他又會懂得做嗎? 何況個問題係不會自動溫習, 那給他練習又肯做嗎?

如果平時父母都冇乜時間管, 還是考慮去補習社吧.

我囡也是小四, 平日如果早做完功課, 通常比多半小時做練習.

wister

有時間未做下囉,不過我都係prefer同佢溝通下玩下,畢竟讀書只係人生ge其中一部分,有好多野響果個時間miss左就無架啦!

TwoBabies

好似乎本身學校的功課量,同埋小朋友是否合作做.若做完功課後亦有時間,可以額外比少少,等佢習慣唔同的題目,因為有時學校都會出街外的題目,做多一種練習都幫到個小朋友思考一下.

BBTWIN

我的小朋友今日功課唔多, 我就同佢地睇返今日英文教過什麼. 跟住比d就黎要默既詞語佢地寫寫. 然後即默書. 雖然好多字錯, 但係我都唔迫於要佢地再寫. 比佢地休息一陣,食完飯就開始做英文補充練習. 我覺得可以的話真係每日都做一個練習. 好多字因為寫得多唔駛點記都識串識寫, 真係幾好架. 最緊要係學校唔多功課果日先做到. 多功課真係咩都唔駛做, 小朋友完成都累到死啦. 仲點做練習呢?

BBTWIN

原帖由 ZASUKI 於 11-11-1 12:55 發表
平衡最重要，功課、温習、自選遊戲只是分配比例的問題。

多功課果日, 放學返黎沖涼休息下5點先開始. 我都唔知仲點可以分配時間. 今日少功課真係好正. 日日係甘真係大家happy.

高比簡

我們平日做完學校功課，會做網上練習 (中文、數學，....英文就比較少做)

lojo11

我個小朋友係小一, 原本放學後要去補習班, 不過佢想唔去, 而佢又可以自動自覺做功課, 所以最近無去補習班了... 佢開心時, 我又慳錢.. 更加可以陪養佢自己的事自己做... 做得快就可以睇TV..

我放工返到屋企食埋飯就同佢練琴, 溫習, 再加D補充比佢做... 九點收工上床瞓...

To_Ma

我成八點幾先放工返到屋企，試過同佢做功課做到成十一點幾~唔係經常，但都係想自己跟下佢啲進度~唯有盡量快點趕放工