沙田培基和培橋

Mandy2002

請問此兩校在地點、教學特色、課程及學費有何分別?

my1215sui

培基吾係私校呀,佢係一間資助學校
所以冇得自己考入去,佢係跟政府派位呀....

xxsasaxx

培基小學係資助

培基書院(中學)係直資，約$1000/1個月

wyl

xxsasaxx,

我記得你小朋友派到入培基, 讀咗幾個月, 請問你對培基有咩comments?

swwm

培僑書院中一學費為每月$1900元，另外每月$100雜費。每學年須繳交十期學費。

xxsasaxx

其實我真係都幾鍾意間學校，尤其係校長，我囡都話鍾意個校長......

不過最唔滿意默書模式；原本校綱話默書一星期默一次，不過可能係一年級的關係，囡囡中英文默書都係約兩星期先默一次，但係量就好多，就算提早一星期通知，我都覺得同佢溫係有啲吃力，可能因為我自己細個讀書唔叻，唔識教佢啦﹗

我頭先問個囡:「有人問你間學校好唔好喎!? 」佢答我:「你話比佢聽好好ga，上堂時老師會問問題，咁我哋會答。又有好多課外活動，有xx班、xx班......」

wyl 寫道:
xxsasaxx,

我記得你小朋友派到入培基, 讀咗幾個月, 請問你對培基有咩comments?

nicnic小主

請問仲有無更多關於培基的資料, 例如佔有幾band 1學生, 中學派位情況等.

thanks

HPChingchingma

以前那位黃校長好保密。而現在朱校長好 open .
(我尚有朋友仔仔是 P.2 生 )

我仔仔幼稚園同學 ( 住穗禾苑 )的母親告知我，名氣她倒不覺得是。但換了校長就好好多，透明度大左。況且是否名氣，現在是由家長決定。以前多數由校方制造 ---  大多沒有公布。

她大仔是培基i的 P.2 ,細佬 P.1 的必收生。校方公布 9月05 年小一自行比率比去年超出 20 % ( 好似今年是 180 份 ) 。這些 infos 以前不公布，去年有 40 多位入了培基中學，期望今年 7 月會有更多對外公布 infos 就好啦。

nicnic小主

請問有無人知15分有機會在自行收生階段入培基嗎?

122510

好似得1個15分入到(據說是註冊時,校長告知)

但我囝15分就入唔到培基

nicnic小主

咁即係15分都可以第一輪抽籤, 因為好多要20分有得抽.
咁你囝囝而家讀邊間小學呀?

LittlePang

培基今年只收到一個15分, 就係我表姐, 佢真好彩, 因收哂20分後得一個位比15分的小朋友咁都抽中.

122510

我囝現讀k3,要等明天6年大抽獎才知

nicnic小主

其實只係心儀呂小&培基, 但係15分又無咩機會抽, 係咪都要o係第一輪自行分配學位時, 照交申請表比學校博一博, 否則咪浪費o左個機會?

122510,
你有無幫個囝報校其他私校/直資?

122510

有報4間,暫時全軍覆沒(聖方濟各及九龍塘學校小學部)

宣道已in,等結果!

培正出年in!

akinawong

是否有很多 "樂基幼"的學生入咗 "培基"呀! 其實有冇關係呢？ 如果讀 "保良局吳多泰" 機會入讀 "培基" 會一樣嗎？  

nicnic小主

無論讀邊間幼稚園報培基都一樣係計分制.

nicnic小主

122510,
如果宣道or培正o.k.左你會註冊嗎?會唔會等統一派位抽多一次?其實可唔可以交左留位費, 再等統一派位, 抽到心儀學校, 然後再選擇註冊那一間, 可唔可以呢? 請指教!

heiB

如成功考了培橋,小朋友要放棄大抽獎.遲些宣道同培正都放榜,如果小朋友OK,可唔可以同培橋取回放棄大抽獎的信呀?

122510

其實入到宣道及培正的機會很渺茫,因這兩都有幼稚園,會唔多唔少會留些位給他們(自已猜想!)並我小朋友又唔係特別精靈,保守估計成二仟人爭唔夠100的位,故不存厚望!

報私小只希望有一個'墊底'機會,如入到培基或朱上,我不會給囝讀私小,留番些錢學其他或將來出國之用(好似講得太遠了!)

如考到,我會交留位費,應該可以繼續參加'大抽獎!

另外我以前曾考慮過培僑,但經過看此學校網頁,我發覺好似'民建聯'有參予此校,個人極不喜民建聯,故不報此校!

nicnic小主 寫道:
122510,
如果宣道or培正o.k.左你會註冊嗎?會唔會等統一派位抽多一次?其實可唔可以交左留位費, 再等統一派位, 抽到心儀學校, 然後再選擇註冊那一間, 可唔可以呢? 請指教!