太子明慧國際幼兒園

Sana2010

打算替BB報太子明慧國際幼兒園的 2012 年 2 歲班，有沒有家長知道這幼兒園好嗎?

milytse

我的小朋友會在11月插班，現在我正在上親子班，讓他習慣一下， 老師們都很好，很有愛心，我所接觸的都是英文及國語老師，聽得出都是毋語。而看來她們都很有經驗，（註：她們都是教N 及K 的老師）所以不會有一些好嚴可的感覺。整體感覺都是不錯，處事亦有彈性。惟課程設計，我有點奇怪感，我的孩子未能跟得很好，可能是我的小朋友未太十分習慣，不過昨日是第三天，又好像進步了，哈哈。其實我也有上過其他的playgroup. 開始時都有這個感覺，但有進步時，又覺得佢好。 明慧是合格的。有一點可能你要有準備（心理），就是很多人批評他們很商業，另外，好多人都講，而我也有同感，就是書費要4000多一年，未知是咩書。但將所有嘢拉均，都可以說是value for money。

milytse

我意思是他們沒有手工費呀，荼點之類的東東，所以拉均，就算埋在內，整體來說都可以說是value for money

Sana2010

Thanks milytse.

Is there any comments from parents who have their kids studying in the PN class currently?  Much appreciated!

creamy-mama

我個女女現就讀PN班, 已開學了半個月, 感覺非常好.

首先學校好有系統, 所有上班接放學坐校車, 執書包, 交通告, 幾時派書溫習, 幾時交功課都安排得好好. 另外, 老師好有愛心, 每班有一個外籍班主任, 一個香港人班主任, 一個助教, 一個看頭看尾姐姐, 一齊照顧20人, 比例算是1:5, 仲未計國語老師同日文老師, 禁多人手, 所以收費貴都可以理解. 除了學費, 無收其他茶點錢, 算係禁~~ 另外, 書部費已經包括了好多書, 每2星期有3-4本, 全部彩色, 有d係立體書, 其實家長唔駛再自己買....

另外, 就是我個女番得好開心. 佢每日番學放學都無哭, 放學後仲笑咪咪講住老師個名, 我問佢學d乜佢又唔識答, 但就好明顯係開心囉!!! (最緊要唔好怕番學...)仲有, 老師初時會日日打電話俾你講番女女進度, 有乜要注意, 所以我都好放心.....

最後, 唔好好似賣廣告, 太子明慧都有唔好的地方, 就是太子校舍新, 無乜名氣, 我覺得他地收生, 同家長的質素都一般, d家長似乎過度寵壞孩子禁, 我唔識點講, 希望我個女唔會俾佢地影響啦~~~~

peckychiu

佢地10月接受報名..我想問下interview難唔難....收唔收細仔架...同埋國際班d時間點分配...望要語言係英文家cantonese..請指教?

milytse

北角的就校舍一般... 至於家長. 我有以下的經驗. 上星期去整校服.好多都帶埋工人去.... 排我後面的都是... 小朋友就超興奮.不停地周團搞... 個阿媽就係咁推我陪佢玩...(當然是沒有意識的).這些也是無可口非的.另外,他們跟我平時在playgroup遇的有點不一樣. 因為18月個以下的playgroup, 家長們都會有很多西方教孩子的研究的知識(言談之間)... 不過也有惟數不少好的. 看得出媽媽好有心機敎, 小朋友上playgroup都好乖. 要再同佢地交留下先知（不過，像是不多）.由於位置關係好多福建人.也有小數外國人.亦有媽媽是英文母語的.整體不過不失．

wireplug2006

想問下你地, 報 N1 難唔難收呀
我都打算報 太子明慧呀

milytse

他們是會收小B的．我小朋友是執死雞的．在五月至八月期間，再打電話去問下有沒有機會．其實機會不小．好像其他一般的幼稚園都是會在收生後有餘位．而要小朋友足月才收．聽到一些小朋友話一月先插班．．我就照報，然後照去面試，但不要太大期望，及被打沉．（因為實在這只不過是因為學校為方便行政和容易管理）但過程中可觀察下自己和小朋友適合與否．如果十二月出世的話就考慮出年再試．．nothing to lose　我都摸索中，上一輩有經驗告訴到小朋友一，二年班他們的距離會減少．有ｋ３細ｂ小朋友的也跟我說，在K2及ｋ３已經發現距離近了．我都希望在適當的adjust下自已，可能會成為小朋友的一個寶貴學習經歷．(希望我把持得往）最後，大不了，在小學之前留ｋ３．．．希望幫到你啦

milytse

唔記得講,international的ｎ是英文老師＋廣東話．班主任是廣東話老師．毎星期再加國語（不太記得）及日語（好像是二十分鐘）．但ｋ１就是英語及國語老師．ｋ３就每天都有半小時廣東話以適應上本地小學．

creamy-mama

Yes, PN 班是英文＋廣東話, 再加國語 及日語．上K１就是英語+國語. 我番上午班有不少大仔(4月5月出世的), 但我介紹了幾個細仔朋友 (10月11月出世的), 明慧都收了做下午班, 遲點才開學 (因未足2歲). 我相信是方便安排開學及適應.  

Interview不難, 用廣東話, In的老師好nice, 叫小朋友砌積木砌高, 做少少matching, 然後問家長問題, 好輕鬆gar.....

應該開始報名啦, 可以一試, PN班不錯!!

cdleep

原帖由 creamy-mama 於 11-9-21 04:21 發表
我個女女現就讀PN班, 已開學了半個月, 感覺非常好.

首先學校好有系統, 所有上班接放學坐校車, 執書包, 交通告, 幾時派書溫習, 幾時交功課都安排得好好. 另外, 老師好有愛心, 每班有一個外籍班主任, 一個香港人班主 ...

其實我都有興趣報太子明慧，不過之前太多負面新聞話佢地太商業和老師冇愛心。聽完你咁講又有少少改觀，其實學費貴唔貴都係其次，最重要係物有所值，小朋友學到野之於又樂於上學，老師有耐性和愛心。我想問下太子分校係家長和學校上有冇溝通又或者用咩野來作溝通(e.g. email、circular etc)因為自己係在職媽媽希望可以暸解多些小朋友上學情形?希望有人可以答到我!!! many thanks

yukai

Milytse 多謝你的資料，請問你小朋友讀太子明慧定北角明慧？你講既書簿費 4 千是一年定係一個學期呀？ 是否未計算學費？ 學費係幾錢呢？ 唔好意思，因為我是新手媽媽好緊張。

原帖由 milytse 於 11-9-21 16:36 發表
北角的就校舍一般... 至於家長. 我有以下的經驗. 上星期去整校服.好多都帶埋工人去.... 排我後面的都是... 小朋友就超興奮.不停地周團搞... 個阿媽就係咁推我陪佢玩...(當然是沒有意識的).這些也是無可口非的.另外, ...

CCDUDU

小女兒0係太子校讀PN 班, 開學半個月到依家暫時都覺得好OK, 番學第二日老師,嬸嬸都叫得出0的小朋友既名, 算係有愛心.

同埋一班有20幾個小朋友,不過就分開左2個課室上堂,大約11個小朋友一個班房,有1個外籍老師,一個本地老師,食茶點時有一位嬸嬸幫手,人手上0係好好.

至於校舍係好新好乾淨,不過就無Outdoor, 但係地面0個層夠曬空間比小朋友玩,算好過無.

佢地教學都唔錯,雖然書費係貴0的,不過見0的書都唔係差,交學費之後無茶點費,唔係出面講得禁"商業化"(本來都有0的擔心好多雜費).

番學一星期已經教左a 同b ,有功課做,教左一個中文字,雖然唔係真係識寫,不過至少讀得出個字.

但係最唔好就無佢地比較新,唔知對考小學有無優勢,都唔知k1 留唔留,但學校話pn 可以直上k1.

希望幫到大家啦.

Sana2010

多謝分享。請問你知唔知學校會否舉行 Open Day? 我想參觀一下

jonasmami

學費幾錢 ?

cdleep

原帖由 CCDUDU 於 11-9-22 08:07 發表
小女兒0係太子校讀PN 班, 開學半個月到依家暫時都覺得好OK, 番學第二日老師,嬸嬸都叫得出0的小朋友既名, 算係有愛心.

同埋一班有20幾個小朋友,不過就分開左2個課室上堂,大約11個小朋友一個班房,有1個外籍老師,一個 ...

好多謝你既意見和資訊，令我對此校多份瞭解!!!!

iyct

$4,000多書簿費一年??? 真的那麼昂貴啊!! 剛剛去完太子問報名詳情, 佢話1:14, pn有4班, 咁k1-k3仲有咁多課室安置小朋友? 地方有多大?? $3880/月學費(今年度). 如果計埋雜費(校服/ 校車/ 書包...等) 起碼$50,000一年 x 4年. 一個幼稚園已經要成$200,000. . 好得人驚呀!!

[ 本帖最後由 iyct 於 11-9-22 17:19 編輯 ]

CCDUDU

原帖由 jonasmami 於 11-9-22 16:23 發表
學費幾錢 ?

每月HKD3880 for PN 2011

CCDUDU

原帖由 Sana2010 於 11-9-22 16:15 發表
多謝分享。請問你知唔知學校會否舉行 Open Day? 我想參觀一下

無見有open day, 可以打電話去問0下.
不過知10月中有第一個interview.