英基總裁：家長式指令扼殺創意 香港教育與世界脫節

elbar

杜茵妮計劃為英基內的非教學人員改革升遷制度，提升員工士氣。


於英國從事教育管理逾 30年、曾被貝理雅政府羅致擔任國家學校領袖學院（ NCSL）總監的英基學校協會行政總裁杜茵妮，批評本港幼兒教育太過家長式，扼殺了學生創意；中小學老師普遍壓力大，教學、學校管理方式與世界轉變脫節，建議安排定期到世界各地交流，拓闊視野。

杜茵妮（ Heather Du Quesnay）當年在 Herdfordshire（赫里福郡）郡議會，管理約 530所學校，學生約 100萬人。 00至 05年，她獲當時首相貝理雅邀請，出任英國政府出資的國家學校領袖學院（ National College for School Leadership， NCSL）總監，專門培訓現職教師及校長。 05年英基透過國際獵頭公司，聘請她越洋來港出任總裁，重整內部架構，合約至 2013年暑假完結。

來港已 6年的她接受本報訪問，點評本港教育制度。杜茵妮讚賞香港校長表現出色，指中小學名校多，教育「精英化」，但過於本地化，「香港地小，老師要知道個世界點轉，才跟得上時代，可多去世界各地觀摩」。她舉例：「 NCSL培訓的教育人員來自全球各地，定期交流，了解世界教育發展」。

老師壓力大地位低

                                                      
杜茵妮(中)由於 90年代任職 Lambeth的教育總監，常和英國前首相貝理雅(左)討論教育政策。
                        

她感覺到香港中小學教師壓力大，專業地位低，「以我的大女兒為例，她在英國教書，對教育有承擔，是因為英國對老師很重視，不會令教師感到教育是負擔；但香港的老師，給我的感覺是入課室很大壓力，也不享受課堂」。她建議政府設立官方的專業培訓，提升專業地位。

杜茵妮指香港與歐洲教學法大有不同，包括幼師以「家長式」教育幼童。她說：「老師不應該用指令方式教育，幼童一旦習慣聽指令就不再有創意，加上香港小學重視考試，故香港幼童很早已厭學」。

至於 2012年 9月全面施行的三三四新學制，中學只需 6年，大學由 3年改 4年，杜茵妮擔心中學生提早一年入大學，或不適應大學教育，建議及早培養學生獨立思考應付大學課程。

杜茵妮批評香港政府不太重視外國人子女於本港的教育，「本地人和外國人的教育待遇很不同，除了高昂學費，外國人學位少，而政府又不願意擴大英基的學額，以致英基輪候人數多，惹家長不滿，持續下去，只會減少外國人來港工作的意欲」，她認為欠缺子女教育配套，難吸引專才。

PCMW

Totally agree!
日日放學只係抄寫抄寫,dictation,做功課......童年幾枯燥!

oooray

今時今日傳統學校做老師做校長同做Sales冇分別：一樣要交數(公開考試成績)卒數(卒d學生)，交唔到數要食無情雞(殺校)。
所以唔好怪學校，一切都係玫府攪出黎。
如果俾你做校長，創意同飯碗，你揀邊樣?

jjd

LS小朋友就係習慣了指令方式教育,所以LS家長見到我們IS的小朋友就會話他們"太free/唔聽話".....起初我都有點介意別人的目光,但現在已經麻木了.

poohpoohmouse

正所謂別人笑我太瘋癲，我笑別人看不穿......

冇錯，我都覺得LS家長太習慣指令方式教育，佢地覺得咁先系正路，就好似問人羅信羅獎黎儲 profile 都系理所當然一樣......

[ 本帖最後由 poohpoohmouse 於 11-9-14 17:35 編輯 ]

baby8

I did not order any computer study platform for my child this year as long as they are not compulsory.  Taking the risk that no TAS training at all.

gundomwing

原帖由 awah112 於 11-9-14 11:53 發表
「老師http://adex.baby-kingdom.com/www/delivery/avw.php?bannerid=591&cb=2115不應該用指令方式教育，幼童一旦習慣聽指令就不再有創意，加上香港小學http://adex.baby-kingdom.com/www/delivery/avw.php?bannerid=565 ...

兒子剛上小一, 我都不太習慣, 每日記著幾時測驗評估默書....., 兒子尚未厭學, 但擔心中.

PCMW

totally AGREE!
係D唔識教育的政府官員同家長搞出來的.

原帖由 oooray 於 11-9-14 12:19 發表
今時今日傳統學校做老師做校長同做Sales冇分別：一樣要交數(公開考試成績)卒數(卒d學生)，交唔到數要食無情雞(殺校)。
所以唔好怪學校，一切都係玫府攪出黎。
如果俾你做校長，創意同飯碗，你揀邊樣? ...

Christi

在我看來,不是小朋友能否適應學校,倒是看老師/校方能否適應小朋友了.多多意見係好事,只希望老師們能放開懷抱便好了.
想請問: 你的小朋友跟學校磨合到嗎?( 想知來自蒙特梭利學校的能否match傳統小學).

原帖由 awah112 於 11-9-16 12:54 發表


阿仔今年入小一,佢習慣左蒙特梭利幼稚園既自由自在方式,入傳統小學後,嚇死小學老師,佢只會寫自已個中文名,成日發表意見(即係好多嘢講),以為佢有adhd,add...... ...

小冬

我小朋友剛轉去這機構旗下的其中一間小學，讀開傳統小學的我，真的很不習慣，一星期得一份功課，聽囡囡說一天只需上一堂，其他時間玩玩玩，她是插小三的，也覺得很悶(她說玩到很悶)學校無野教唯有屋企人教或者出去學，老師又好似唔多理學生咁，有時覺得好傻，好似貼錢買難受(不要插我!)佢地學校已經用APPLE電腦啦!

oooray

原帖由 小冬 於 11-9-21 14:24 發表
我小朋友剛轉去這機構旗下的其中一間小學，讀開傳統小學的我，真的很不習慣，一星期得一份功課，聽囡囡說一天只需上一堂，其他時間玩玩玩，她是插小三的，也覺得很悶(她說玩到很悶)學校無野教唯有屋企人教或者出去學，老師又好似唔多 ...

唔係插你:你不習慣，你囡囡慣不慣?
仲有，你決定轉校時你唔知新學校係點，你照衝過去?
學費高低還是其次；小朋友讀書唔同出街食飯，呢間唔好食就過隔離試下...
從呢個角度看真係有點貼錢買難受。
咁你有冇主動同學校聯系過，究竟有咩問題?
有問題唔係出街補吓習就解決到。

mattsmum

這就是奇怪不合情理的環節--看來很hea、貼錢買難受、很不忙、學不到東西，卻不知為何上大學的比例是95%,IB 35以上的是48%。算是愉快學習模式吧。不排名不比較、也有這种好成績、恨死我也。

Pilotkid

點解要轉入國際學校？國際學校或本地學校各有各好處和壞處，應該選一間適合俾小朋友。

原帖由 小冬 於 11-9-21 14:24 發表
我小朋友剛轉去這機構旗下的其中一間小學，讀開傳統小學的我，真的很不習慣，一星期得一份功課，聽囡囡說一天只需上一堂，其他時間玩玩玩，她是插小三的，也覺得很悶(她說玩到很悶)學校無野教唯有屋企人教或者出去學，老師又好似唔多 ...

小冬

十分認同mattsmum的說法。

小冬

看了BK很多年，我十分清楚傳統學校同國際學校的優劣點，但是如果另一半堅持要個小朋友轉校那又如何呢?無想過本來諗住上來呻，會被人這樣不禮貌地話。

原帖由 oooray 於 11-9-21 14:52 發表

唔係插你:你不習慣，你囡囡慣不慣?
仲有，你決定轉校時你唔知新學校係點，你照衝過去?
學費高低還是其次；小朋友讀書唔同出街食飯，呢間唔好食就過隔離試下...
從呢個角度看真係有點貼錢買難受。
咁你有冇主動同學校聯系過，究 ...