唔知點樣令到小朋友有興趣學英文.....

bblove123

點解佢會咁驚?
係咪你迫得佢太緊要呀?

lauerica

好明顯樓主dayone開始，任由小朋友睇無線的卡通或劇集，久而久之，重點會睇英文台，中毒太深，好難救。

Mighty

講真、要看明一套西片、没有字幕、談何容易。　発信楼主的意思不清楚、可否講清楚一点、相信会有多点意見的。　

moonychan

小朋友幾大?

我仔仔都唔係太鍾意睇英文書, 但係冇計, 佢讀英小, 一定要慢慢陪養, 佢好受我陪佢一起睇, 我唯有講到喉沙都要講, 希望佢可以有一天愛上追住個故事來睇.



努力.

lauerica

原帖由 Mighty 於 11-9-9 21:27 發表
講真、要看明一套西片、没有字幕、談何容易。　発信楼主的意思不清楚、可否講清楚一点、相信会有多点意見的。　

如果從小都係睇英文台，又有可難。

vincher

對！從小培養！可恨的是：有時知而難行！像我，和奶奶同住，老人家要看中文台，你可以點！！！

lauerica

原帖由 vincher 於 11-9-9 22:38 發表
對！從小培養！可恨的是：有時知而難行！像我，和奶奶同住，老人家要看中文台，你可以點！！！

呢個你講得岩，都係難題之一，如果可以盡量叫個女兒入房，咁當然要有房先，要知道老人家睇中文台，即係追無記電視劇，大人睇還可以，但絕對不適合小朋友睇，有學壞冇學好，有時為左小朋友，父母都可能會唔睇，不過老人家又無乜好做，唔比佢睇又難的。

BillyM

你自己會唔會睇英文書同明珠台?

albb

有些英文字圖書連CD, 有些CD是以講故事形式, 有些是以唱歌形式, 2款先後我都有買, 我大仔就跟書聽CD, 細仔就只聽音樂, 起初買返黎晚晚臨訓前播. 我都由得佢聽, 聽得多, 而家連細仔有時會唱下最尾果句, 即係話佢唔睇咪比佢聽住先囉,

我都同奶奶住, 家中都無得選擇,  大仔細個都可以唔睇, 大仔都會扭計要睇電視, 咪同奶奶傾囉, 晚上中文台新聞, 佢追劇集前咪有空檔既, 如果佢錫孫仔, 咪比小朋友睇半小時或1小時英文卡通囉, 跟住都要沖涼講故仔書訓覺啦, 我睇NOW442, 有得揀廣東話, 英文, 普通話, 講明只可聽英文, 否則不準看, 睇下小朋友有咪興趣既卡通片, 佢有興趣又無得揀之下自然會睇架啦

lauerica

原帖由 albb 於 11-9-10 02:56 發表
有些英文字圖書連CD, 有些CD是以講故事形式, 有些是以唱歌形式, 2款先後我都有買, 我大仔就跟書聽CD, 細仔就只聽音樂, 起初買返黎晚晚臨訓前播. 我都由得佢聽, 聽得多, 而家連細仔有時會唱下最尾果句, 即係話佢唔睇 ...

睇NOW441,442好，聽、講能力都會增進，適合小朋友睇。