A車的惡死司機!!

Whitepine

A車的惡死司機!!

今年校車A車的司機好鬼惡!!今日大大聲鬧我老婆!!!

今日放學，我老婆4:07分已經到落車地點接阿仔放學，(校車預定的時間是4:10分)，當時校車已經到左，開門時司機大大聲鬧老婆話全車等我老婆，我老婆話而家只是4:07分，無遲到!! 但個惡司機話唔係4:10分，是4:05分!! 然後大大聲命令我老婆明天要4:05分到!! D 態度差到，搭左校車禁多年都未見過!!

其實校車日日都遲到，約4:10分，但最早都4:15-20分先到!!我地都無所謂呀!! 而我地今日都無遲到，明明4:10分，我老婆4:07分到!! 點係會忽然話4:05分!!重要態度差到禁!!!

明天如果4:05分到唔到!!我係唔係都可以破口大鬧呀!!!

bchi

打比羅小姐投訴,  需然係冇用, 但佢都應該管束下佢請返黎d 人, 我地係消費者, 冇我地呢班家長, 佢邊可以出糧呀 !!!  正死佬 !!

mamafiona

今年比舊年嘅態度差。好似只係佢哋一間school bus.

bowienvivi

Hi Whitepine,

系吾系女司機? 我頭先接仔仔都被佢fe.
前兩日我到美孚去接, 畀仔仔可以早D返屋企休息. 今日時間就不到, 所以唯有系屋企落車站等. 我下午仲特登打過電話問今日幾點到, 費事時間有變. 校車姨姨覆5:10分. (但開學時覆我系5:00) 5:02分時, 我行緊落樓下準備接仔仔, 就收到姨姨電話話校車已經到左. 到我埋去校車, 司機就話我遲左,要我早D黎等.

上年到依家, 到達時間依然遲多過早. 同學校反映左, 都系

bowienvivi

Dear All,

知吾知PTA有無校車小組負責監察? 如果無, 我地是否要爭取成立來監察校車le?

Whitepine

係女司機!!

上星期已經發覺佢D態度差!

上星期四、五，學校放11:00am，校車約12:05pm落車時間。第一日(星期四)，架A車12:30pm先到，老婆都無出聲，心想第一日校車掌握唔到時間，所以無所謂啦!!

第二日(星期五)，架A車又係12:30pm先到。所以老婆就問司機:"要1小時30分鐘才到，下星期一放學(3:10pm)，校車約4:10分落車，會唔會到唔到呢?"  個司機(態度有大問題):"我11:40分先開車走，我無遲呀，係禁耐!!"

老婆又問"如果你11:40分先開車，12:05分都到唔到，你應該call我地D家長啦!!" 個司機發老脾"我再同你講我重遲D，有乜野你同我老板講!"
然後閂車門!!

老婆當然打去校車公司問清楚落車時間啦!!不過留幾個messages，校車公司都無口覆過!!

星期一約7:10分，我送阿仔上校車，在我屋苑樓下上車(同舊年一樣:校車公司話的。)7:15-20分左右，校車到，個惡司機話:"你明日行過去格黎屋苑上車，LEE到唔上車"，我同佢講"舊年都係在LEE到上車架??"，但佢好惡話"總之明日在黎屋苑上車!!"然後閂門走左。

我心想，算啦!!因為舊年黎屋苑個同學都走過來上車，今年我行番過去上車都無所謂啦!!大家方便!!"

所以校車同家長大家都"就"下，大家好來好去!!

但LEE果女司機!!太過份!!

原帖由 bchi 於 11-9-8 17:11 發表
打比羅小姐投訴,  需然係冇用, 但佢都應該管束下佢請返黎d 人, 我地係消費者, 冇我地呢班家長, 佢邊可以出糧呀 !!!  正死佬 !!

[ 本帖最後由 Whitepine 於 11-9-8 18:38 編輯 ]

Whitepine

老婆知道"She is not the only one"! 有其他家長都比佢fe，心都無禁唔開心，唔係只係針對佢!!

原帖由 bowienvivi 於 11-9-8 18:19 發表
Hi Whitepine,

系吾系女司機? 我頭先接仔仔都被佢fe.
前兩日我到美孚去接, 畀仔仔可以早D返屋企休息. 今日時間就不到, 所以唯有系屋企落車站等. 我下午仲特登打過電話問今日幾點到, 費事時間有變. 校車姨姨覆5:10分 ...

KimB

C車既跟車姨姨都麻麻地, 日日都黑口黑面, 好似欠佢錢咁

Whitepine

舊年果位"導遊阿珍"校車姨姨都惡惡地，不過都無乜野!但今年真係!!

我地而家反而有D掛著果位"導遊阿珍"校車姨姨!!!

原帖由 KimB 於 11-9-8 18:44 發表
C車既跟車姨姨都麻麻地, 日日都黑口黑面, 好似欠佢錢咁

bchi

學校有位李sir 係管校車的, 打比同李sir 講.  李sir 成日講住, 唔到佢地亂來架.

Whitepine

邊位李Sir? 2B 班主任 Mr. Lee?

原帖由 bchi 於 11-9-8 19:16 發表
學校有位李sir 係管校車的, 打比同李sir 講.  李sir 成日講住, 唔到佢地亂來架.

bchi

真係唔知邊位李sir, 但你打去學校, 問有關校車的那位李sir, 佢地就會pass 比佢架喇.

fiona, 你幾好嗎 ??????? 幾時得閒電聯姐 ???

Whitepine

校車羅小姐6:00話未聯絡到果位司機，要了解情況同老板講先覆我，但我8點call佢，有個男人接電話，話羅小姐唔得閒，會再覆我。

但到現在9點幾都唔覆!! 我已經不停call佢，但都唔聽電話，跌入voice mail，但voicemail話滿左，唔可以留言!!!

羅小姐!!!!

Whitepine

不停CALL左大半個鐘，個老板終於頂唔順!!終於接電話(佢話叫陳先生)話會話個司機，重話個舊司機去左星加波，半個月後番，會換個司機喎!!

原帖由 Whitepine 於 11-9-8 21:14 發表
校車羅小姐6:00話未聯絡到果位司機，要了解情況同老板講先覆我，但我8點call佢，有個男人接電話，話羅小姐唔得閒，會再覆我。

但到現在9點幾都唔覆!! 我已經不停call佢，但都唔聽電話，跌入voice mail，但voicemail話滿左，唔可以留言 ...

mamafiona

返學前8月尾，我打比羅太問點解校車咁安排，我哋d小孩友會好辛苦，佢話冇辦法，後期我都接受佢哋安排，街因要接上鄉道同學仔，點知羅太打黎同我講公司扣我$200還返其他錢我叫我唔好搭校巴，好多人等住我個位，我就話，我冇講過唔搭。唉！真激氣！真過分！

mamafiona

Bchi, I will call u later.

Manman1010

講真其實校車遲得多定係家長遲得多呢,咁點解校車遲咗家長唔會鬧個司機,係因為家長懂得包容,知道一定其他因素所以遲咗,點解佢地唔會掉返轉頭諗吓呢!!
更甚而家佢連早咗都要入家長數,真係好過份!

knt20022002

你們一定要跟學校反影, 跟校長講或寫信比佢.
我真的未見過今惡架人, 為何學校仍要用校巴. 係咪個負責人的家人或親戚所以死都要用這公司.

bchi

原帖由 knt20022002 於 11-9-9 10:17 AM 發表
你們一定要跟學校反影, 跟校長講或寫信比佢.
我真的未見過今惡架人, 為何學校仍要用校巴. 係咪個負責人的家人或親戚所以死都要用這公司.

佢地係公開投標的, 呢一間係唯一間平.  前年果間直情冇投添.
原因又係果句, 冇得再發保姆車牌, demend 高過supply !!

至於態度,  我覺得d 惡人, 係要以黑食黑, 我夠 識惡囉  !!!! d 小巴司機都係咁架, 你惡返佢, 佢就收聲, 你唔出聲, 佢又加多兩句. 哼

Whitepine

今朝又有事發生!!!

今朝我帶仔上A車，(當然個惡死司機係到)，我立刻話:"你遲到，7:15分...校車應該7:10分到架!)。個司機無野講!!

然後，我話"你昨日為甚麼鬧我老婆，話佢遲到，佢根本無遲到，你重用D命令式語氣叫佢明日4:05分等!"

司機:"我無鬧佢呀!!" 同跟車姨姨打眼色!!

我:"無?你一開門大大聲鬧我老婆: "要全車等你!!，你D語氣洗唔洗禁差!!"

司機:"你唔滿意，叫老板炒我囉!!" 我無答佢。


我:"我只係問你為為甚麼鬧我老婆，佢根本無遲到"

司機大大聲又鬧:"我今日番去辭職，為你這件事，我今日番去同老板辭職!"

我回答:"禁，明日我見唔到你啦，係唔係? (我忘記明日是星期六，唔洗番學)"

司機閂車門，開車走左。


9:00: 我call羅小姐，想同佢講個司機話辭職，如果係，下星期的校車會否有新司機呢?

但係，羅小姐無聽電話，有一位女仕接電話，叫我留低姓名，電話，羅小姐會覆我。


10:30分: 羅小姐無覆。我再打電話比佢。打左一次，無人聽。第二次，很久羅小姐才接電話，一開聲唔多好:

羅小姐:件事會交比學校處理啦!!

我:我想問你司機件事你地會點做?

羅小姐: 林小姐話你同司機講”你明日唔想見到個司機，叫佢唔洗番工!”

我:我無講過?(老屈我!!)係佢自己話”你唔滿意，叫老板炒我囉!” "我今日番去辭職，為你這件事，我今日番去同老板辭職!"，我只係答佢”
明日我見唔到你啦，係唔係?”林小姐係邊個? 司機?

羅小姐: 林小姐係留message果個，佢話你講的!!

我: 我幾時有講過?今朝只係留低姓名、電話叫你call我，我無講過其他野!!”

羅小姐: 林小姐係禁同我講喎!!

我: 你叫林小姐同我講，我幾時同佢講過LEE D 野?

羅小姐: 唔好啦，我唔想involve太多人，佢可能唔清楚都未定? 我信你無講過就得啦!!

我:我最怕比人屈，如果係司機講，我要當面同佢對質。係佢自己話要辭職，我都無話過乜野!!我只係要求佢解釋昨日為甚麼鬧我老婆，我要求佢同我老婆道歉!!

羅小姐: 佢話會今日放學時，會同你太太道歉喎!!

我: OK，如果佢同我老婆道歉，佢知道自己鬧錯人，我地會接受!!

心想:你老屈我!!你真係會道歉嗎?? 如果佢好聲好氣，我都會算啦!!!