由於要撘校車，要早15 至20 分鐘放學，合理嗎

jjh

如題 ，小兒今年讀pn 上午班，平時撘校車，有曰放假去接放學，早到了half hr，都末抹汗，就聽到職員叫咪安排撘校車，過了一會小朋友就一隊隊行出來放學。嘩！曰曰小15、20 分鐘。係唔係間間幼稚園都係咁

mykate

我女之前間幼稚園(PN)都係咁~

我女唔係坐校車, 佢話每日最後嗰D時間係坐喺度聽/唱兒歌~~

萬樂豬

其實...如果返半日的, 已經得 3 個鐘時間, 其中又要去下洗手間, 食下茶點, 依家仲要早 15mins, 嘩....真正學野咪得 1 , 2 個鐘......得唔得架 ?? 好唔抵啫...

LL222

分三種接法1)校巴 2)媬姆車 3)家人接
一般安排係搭校巴D小朋友早15分鐘下課上車，因搭校巴小朋友係佔全校最大多數，而校巴好多泊係校內。當所有校巴駛走後已經係到正確下課時間，之後就輪到搭媬姆車姨姨接，因媬姆車停响路邊係趕住走，接下一間。

如果D搭校巴唔早15分鍾落堂，咁後邉個D就會遲哂。

大間幼稚園一定要用以上＂行政安排＂

[ 本帖最後由 LL222 於 11-9-1 01:51 編輯 ]

4001cc

校巴一般係遲到早退.

MYL0808

我仔仔的那間都係早左15分鐘左右開始放搭校車的學生,自己接的就早5分鐘左右開始叫名放學出來!
計落條數就係,減去排隊放學,洗手,食野等等,一日可以正式"聽書"的時間應該最多接近一小時,就咁睇好似真係少左D............但係,真係學野既話,唔係一陣間都夠咩?放學回家,只要我們做父母的會跟進一下,我覺得小朋友就已經可以記住每天的"新知識"了,大家一起努力吧!

sheffield

一間學校咁多人，又咁多架校車，總要早少少開始疏散…PN啫，唔好期望教好多野…上堂少了15分鐘唔算過份吖！我情願校車早點開始疏散，自接的就唔使等大耐！校車早d走，咁尾站的小朋友就唔使點幾鐘至返到屋企！(有d尾站嘅要搭成個鐘，12點放，唔早走就要成點至返到屋企，早15分鐘都好吖！)

萬樂豬

原來係咁架.....真係唔知.....

bearcat2003

不要執著少了十五分鐘,孩子只是讀幼稚園呀!
我認為去洗手間,茶點時等不是浪費的,是很重要的自理能力訓練。不要執著...

chanwendy

我女幼稚園上午班坐校車的, 就會早 15min 上車, 因為校車係接學生放學跟手接下午班返學, 所以要早少少. 唔坐校車的小朋友, 就留在課室可能玩玩具或唱歌仔, 家長都係準時先可以入校接放學的.

jjh

絕對同意！曰曰小15分鐘，因為校車要接下午班。這個根本不是理由，校車應該安排多架車接下午班的小朋友，他們都有付車資的。其實學校這様安排是影響全校小朋友，撘校車當然要早走，但留在課室的學生會受到老師同學不停出入的騷擾。     再者，學費好貴，曰曰小15-20 分鐘都好啱$:-|

fishingcat

有你道理，但校方照足你方法做，你有可能為15分鐘俾多一倍車費。

peachcreamy

原帖由 bearcat2003 於 11-9-1 23:06 發表
不要執著少了十五分鐘,孩子只是讀幼稚園呀!
我認為去洗手間,茶點時等不是浪費的,是很重要的自理能力訓練。不要執著...