用戶登入
用戶名稱:
密      碼:
搜索
教育王國 討論區 自閉寶寶 RDI課程
查看: 5852|回覆: 21
go

RDI課程

Rank: 5Rank: 5


2379
發表於 11-8-20 08:51 |顯示全部帖子
RDI課程,協康 / 遊戲輔導室較好?

Rank: 4


716
發表於 11-8-26 12:56 |顯示全部帖子
我都想知,呵呵

Rank: 5Rank: 5


4142
發表於 11-10-5 01:19 |顯示全部帖子
i want to know too

Rank: 3Rank: 3


499
發表於 11-10-6 18:26 |顯示全部帖子
對不起,我9唔搭八,不過可能你有興趣參加,我覺得父母是最好的治療師。

協康會將於2011年11月12日(星期六) 早上舉辦「樂在地板時間」研討會暨新書發佈會, 希望與業界同工及家長分享「DIR地板時間」的理念和治療經驗, 並介紹新出版書籍《樂在地板時間:社交互動訓練指南》( 連DVD光碟)。


我們希望讓更多家長、老師、 治療師和幼兒教育工作者認識「DIR 地板時間」,了解孩子的獨特性,更有效地幫助他們提升社交互動、 溝通及思維能力。

參加者更可以半價$60 購買最新出版《樂在地板時間﹕社交互動訓練指南》 連DVD光碟一套 (原價$120) 。

截止報名日期為2011年10月31日(星期一)。有關詳情及報名程序,請參閱附件。

如欲查詢,請致電協康會 3618 6331 或 電郵與服務協調部梁小姐聯絡。


以上資料是「香港兒童啟廸協會」電郵給我的,只要在他的網頁登記便可以有很多最新資訊了。

Rank: 4


669
發表於 11-10-7 08:03 |顯示全部帖子
hi pat,

地板時間和 RDI 都是側重在家長的角色, 但兩者在本質上是不同的, 我兩者都用過, DIR (地板時間)我是上協康的家長 training, RDI 是遊輔的。老實說當時協康的 trainer 俾我感覺不太認識 DIR, 我不知只是她的問題或是怎樣 (當時佢話 DIR 是要一直跟著小孩的帶領, 其實在之後的階段不是的, 可以用好玩的方法 challenge 或阻住小孩, 重點係加多溝通機會), 或許現在會好些也說不定(當時都2年前了), 不過我強烈建議家長自己去睇呢兩本書:

特殊兒教養寶典(上,下)
自閉兒教養寶典

而不要只靠 training 或協康出的書, 因為要成本書都睇過才明, 否則好易抽了一點就當了係 DIR.

其實耀能都有講 floortime, 也出了一套書, 不過沒有直接用 floortime 的名字。當初我也被此吸引, 但可惜我接觸的耀能機構/老師, 並未能活用 floortime 的核心, 得個表面, 有興趣的我才詳談吧, 在此不詳述。

而 RDI 我沒試過協康, 我不敢說好不好, 但當初我選遊輔因為它有兩位 RDI consultant, 而協康只得一位, 我想, 兩位做 case 都多好多啦! 結果上堂真係有不少錄影分享給我們, 我覺得不錯。

(開頭我不應這帖是因為正在幫遊輔組班以避嫌, 但我又覺得有點不吐不快, 因為兩者真的很不同的呀! 而我的心得是, 那一套方法得唔得, 唔只係那方法的問題, 可要夾家長和夾小孩的情況的呀! 另, 其實每一套方法都有佢不足之處, 睇下點運用啦)

RDI 我也很建議大家看:
解開人際關係之謎

和看以下影片 (當時上堂先有得睇, 依家公開有得睇, 真係多謝呢位好勇的家長! 俾我都未必會用錄影分享小朋友既情況俾大家看)

RDI 個案分享(一) 重建動力學習技能
http://www.youtube.com/watch?v=TdQllVNKjaE

RDI 個案分享(二) 重建社交參照(Social Referencing)  
http://www.youtube.com/watch?v=-DesY9w4OHE

有時覺得做家長真係慘, 咁多方法都唔知跟得邊樣, 未融會之前, 就只有人話得我又去跟咁. 但睇完思考完試完, 又覺得我們也是幸福的, 起碼有方法去試。

不過有感而發, 真的不要越學越亂, 覺得亂時, 掉低所有學說, 同仔仔玩一場, 有時會無拿拿發現學到的又自然駛到一些招式出黎 ^_^

Rank: 2


94
發表於 11-10-7 10:09 |顯示全部帖子
Thank you for Pat's & Anna's sharing!!


642
發表於 11-10-7 12:05 |顯示全部帖子
提示: 作者被禁止或刪除 內容自動屏蔽

Rank: 4


669
發表於 11-10-7 23:57 |顯示全部帖子
Rdi跟據一般孩子溝通社交發展的階段,設計訓練,讓自閉兒能重新建立這些技能。一歲的bb不會說話,但已能從人的表情聲線等非語言表達,與成人互相溝通。所以片中對那位孩子做了很多相關練習,以重建這些能力。當然有些自閉兒或許已能掌握這部份,就不必從這階段開始。但要留意是否真能掌握,不要因識聽識講就忽略了這些,因為人與人溝通,其實很大部份都是非語言的。

[ 本帖最後由 anan3388 於 11-10-8 08:53 編輯 ]


642
發表於 11-10-14 17:19 |顯示全部帖子
提示: 作者被禁止或刪除 內容自動屏蔽

Rank: 4


817
發表於 11-10-15 01:40 |顯示全部帖子
其實我都想去試下遊輔的,不過2個幾月前問過佢地要我一個星期返2日,呀仔又剛s位開學+我又住得遠,所以都未去試囉。

我排左協康,不過就唔知佢地幾時會開班~~

Rank: 4


669
發表於 11-10-17 11:34 |顯示全部帖子
其實可以考慮去上父母學堂, 學左教住仔仔先。呢套方法雖然宣傳不多, 但係非常值得參考! 好重要係靠父母重建孩子的能力, 而不是只是強調花一大筆錢俾人地教~

近來組班的 thread 給版主移除了, 我只想說我只是一介家長, 並沒有收益, 近來發現這方法有效才把多些資料告訴大家。希望家長自己分辨什麼是宣傳, 什麼是分享啦~

[ 本帖最後由 anan3388 於 11-10-17 11:41 編輯 ]

Rank: 3Rank: 3


488
發表於 11-10-26 13:27 |顯示全部帖子
學多様嘢一定無壞嘅!但係真係要嚴選導師呀,我上左三堂RDI家長課程,果位所謂資深女導師真係令人吃不消,究竟你有無heart架?人地咁叻教仔女就唔使坐係度啦!大人嚟架?你問我train個仔有無困難,我係咁意話"ok啦".........大wok.......比人狂插,佢話"咩嘢OK呀?你個仔有D eye contact 叫做ok呀??............"一輪咀,我都呆左一呆!你唔知我個仔上緊乜嘢training,唔知佢幾多歲,只係睇左佢兩分幾鍾嘅vedio,你唔好攪錯,我唔介意你批評我地D細路,但係要合情合理,我地坐得係度,孩子都係有問題嘅。唔通咁無聊比$1000你,浪費時間咩!

唔好意思,借個位表達"個人"意見!

Rank: 5Rank: 5


1263
發表於 11-10-26 15:01 |顯示全部帖子
Anan, 我同你係跟同一個師傅, 知道RDI 威力. 過程對自己係一種挑戰, 但不是人人能夠接受...

crisma, 不要 hard feeling 吧! RDI 方法同其他傳統訓練有d 分別, 比較着重經驗分享過程, 多於結果. 所以有時自己以為做得好的訓練, 都會被評為不及格, 相信導師不是有心留難. 我自己都試過被批評多次, 不用介意. 上完家長課覺得不合用, 乾脆 forget it 吧!

Rank: 3Rank: 3


488
發表於 11-10-26 17:23 |顯示全部帖子
我一D都唔介意比人話,要學習就係要比人批評,我只係奇怪有D咁自我嘅consultant啫,太過激烈了!我只係一心出於好奇,用唔用RDI都未決定,硬要人家buy佢果套,真係莫名其妙!

Rank: 5Rank: 5


2379
發表於 11-10-26 18:21 |顯示全部帖子
我認同當中的精粹理念,好有啟發,但唔同意佢只信自己的一套,否定所有其他訓練的效用,我相信各有所長。

Rank: 4


669
發表於 11-10-26 18:29 |顯示全部帖子
不如你直接打去或在堂上直接講返出黎,因佢個人都真係直同一針見血,咁你俾得1000都係想了解同幫到仔,何不問到底,同佢返映到底?為左仔,可能你發覺到多一些有用的東西幫到佢,甚至你都真正覺得呢套完全唔岩你個仔,咁都無咁浪費錢呀。其實若你唔介意,都可講多少少發生咩事

Rank: 3Rank: 3


488
發表於 11-10-26 20:31 |顯示全部帖子
其實真係好小事,就係為左我答左"ok啦"........我個仔做ABA時都做過哂佢教緊嘅嘢!使唔使咬住人唔放呀!!!!我第一個感覺係呢個人無乜修為......作為一個學者應有嘅包容和忍耐佢完全無......佢自已D用詞都咁偏激,我點敢再學呀!!!!唔好再掛住乜乜第一嚟自我陶醉啦!!!!

可能係佢太沉溺係"非語言講通"而唔明咩叫"ok啦"..........我無話我仔"好勁呀""好掂呀".......$1000我就睇到RDI有幾勁, 值呀!!!!

Rank: 3Rank: 3


289
發表於 11-10-27 00:38 |顯示全部帖子
我都聽過人話, 覺得佢寸, 講嘢HURT 到人, 但RDI套理念及方法其實很好, 我會著重能幫到小朋友的方法。那些枝節嘢我唔會理會。 小朋友能否進步, 比我的面子重要, 我的面子不會比我的小朋友值錢。 我會包容這是她本身的性格。

[ 本帖最後由 overcomer 於 11-10-27 00:41 編輯 ]

Rank: 5Rank: 5


1263
發表於 11-10-27 09:51 |顯示全部帖子
記得當初唔知乜頭乜路去參加RDI 家長進階班 (太太上初階).

果位女consultant 確係有佢講無你講. 但佢講既野好新鮮, 甚麼動態智能...我從未聽過, 所以就做聽眾了.

其實我覺得多一個訓練選擇也不錯, 尤其適合想自己教育兒子的家長.

我自己就覺得自己好有運了.

Rank: 3Rank: 3


289
發表於 11-10-27 10:55 |顯示全部帖子
從前自己讀書時,有同學因不喜歡某老師,就放棄那一科,導致那科當然成績很差。結果是誰受害呢?是那老師,還是那同學?人性是脆弱的,我希望自己不要那麼容易受傷。

我不是要人接受RDI,而係想講不論那門學說,如果都不受個別老師的技巧影
響,而將有用的部份應用的話,那就是小孩子的福氣了。