接近 6歲，返 CAC 做評估後既少少分享....

ttlucky0303

fatpam,
講得岩, 去普通幼稚園對A仔有各方面的好處, 因為佢地可以從中學習社交技巧, 我小朋友都係從中學習同小朋友相處.
去正常既興趣班得到自信.

我個老師朋友都說, 如小朋友許可, 去普通既興趣班, 學校上堂絕對係好事..

而且佢話而家好多小朋友都話係自傾和自閉特徵個0的, 其實只係cac數據, 計分制, 只見一次等不公平, 家長冇須完全盡信...只要家長見到小朋友邊方面差去改善, 已經可以..

fatpam

有時見到朋友成功的case，都好想留番係正常幼稚園，S位係多支援，但真係無左正常同齡小朋友的言語同社交刺激。
但全世界都話你浪費個小朋友Ｄ黃金時間，唔接受現實。

原帖由 ttlucky0303 於 11-8-24 14:02 發表
fatpam,
講得岩, 去普通幼稚園對A仔有各方面的好處, 因為佢地可以從中學習社交技巧, 我小朋友都係從中學習同小朋友相處.
去正常既興趣班得到自信.

我個老師朋友都說, 如小朋友許可, 去普通既興趣班, 學校上堂絕對 ...

someoneelse

話分兩頭，其實我地都要多謝佢地當初既評估，令我地可以趁早加強訓練，就算真係做多左都好喇，始終受益既都係我地孩子....
但最唔明既就係，佢地永不接受改造後既孩子們，成日都用以前既野黎總結今日既一切...
如果佢地一早認定孩子係由始至終都係一樣既話，咁洗咩幾多歲後再評估呢？！
如果唔接受孩子係會好起來的話，咁仲同我地講咁多口水做咩呢？！
我又唔係叫你評我孩子資優，只係想你認同孩子進步左啫，都咁不可能？！
好似我成日放大我囝既唔專心同唔努力，但事實上佢每位課外活動既老師都話囝囝做得唔錯，仲話依家個個細路都係咁上下的，反而囝囝因為受氹，氹氹下又肯繼續做了，好過有些直頭走左去或唔理人既添呢！
我成日諗，其實係咪要叫班專家得閒出去睇下外面既世界呢？！佢地好固步自封啊！

ttlucky0303

個0的cac, feel到佢地做野只係流水作業, 只係識指指點點, 講到小朋友有乜有乜問題又講唔到可以點幫小朋友, 要由家長由零開始自己周圍搵..
因一些原因我評估個期要改期, 我朋友(係cac人)即刻搵我, 同我講可能要改半年, 我問我可以早評估完,個期會唔會排早? 佢答我唔會, 不過可以知佢係唔係a仔咯. ..我真係俾佢wawo...我話早又係咁, 遲又係咁, 我評估黎做乜, 我又知佢需要咩訓練, 佢地又唔做0的咩, 亦唔會講到0的咩...

不過正如你地所講好既就係可以係較早前知道佢有慢過人之處, 而周圍搵野學去幫助佢, 同埋可以等年半後既服務

[ 本帖最後由 ttlucky0303 於 11-8-25 08:48 編輯 ]

apple~y

原帖由 pipi331 於 11-8-25 02:45 發表

話分兩頭, 如小朋友年紀細 (四歲以下), 排到S位真系可以快快趣比佢去, 希望早入早出; 出番嚟又系一條好漢.  尤其系專注力弱, 易分心的小朋友, S位一對 6-8, 會比系主流一對十幾好好多.
如小朋友己經OVER 四歲, 而 ...

我都認同你說話
好似我仔仔番幼稚園,真係見到幫助不大
好似0的同學仔日日同仔仔玩
對0左一年都係唔多理同學仔,對大人就好些
其他各方面進步都好小,到學期尾只見到同同學仔
距離又再遠了一些,見0甘形勢唔對路
快手轉s位,醫生說話我都只作參考
當然不可能代表全部,
因為只有自己最清楚小朋友須要
就好似顏色,形狀,砌圖,之前係幼稚園評估係全部唔識,但係s位(呢排做評估),老師話呀仔識,做到
係要比時間仔仔諗諗先做,仔仔問題係慢熱
做0野慢條斯理,豬油糕0甘
主流學校真係無0甘多時間等你,咪當你全部唔識
節奏跟唔到,0甘環境之下真係學唔到0野
所以以仔仔須要番s位,希望push多些
就好似你所講"希望早入早出; 出番嚟又系一條好漢"

[ 本帖最後由 apple~y 於 11-8-25 15:35 編輯 ]

xixi1218

其實我很欣賞各位對孩子的信心和愛心，另外我也想說如果孩子還小，若被評估需要特別的訓練，一定不要錯過，我自己就是一個反面例子。。。。當時孩子只是差小小，需要跟進，家中老人家非常反感，說香港醫生無聊，大題小做，於是沒有正視，後來我們也因工作不在香港，沒有跟進，到現在回港，已經錯過了黃金時期，世上沒有後悔藥可吃，現在只能努力加努力。隨著孩子年紀大，我覺得改變一些習慣和行為是會更大難度的，無論如何，我都希望能像大家一樣，懷著愛心和信心，走下去。

xixi1218

哎，我最近也開始幫小朋友排政府醫院位，因為我心沒底，覺得這些孩子好像需要定期去看醫生。。。？聽你們這麼說好像沒有太大用？另外一直有覺得孩子同時有AHDH，不過這和A仔的現象是不是很相似？？都不知道怎麼分。。。又不知道醫生是否能幫我確定，不過有時自己也會想到確定了又如何，我不想孩子一直吃藥。。。。。天啊，我自己都不知道自己想怎樣了。。。。 。

xixi1218

原帖由 pipi331 於 11-8-27 23:59 發表

只一句, 努力睇荷包做人....

請問看一次政府的精神科醫生幾耐，幾多錢一次？

xixi1218

原帖由 pipi331 於 11-8-28 23:48 發表

我仔未排到睇正苦精神科WOR

是不是要等很久的？我準備排，政平日的訓練都是自己苦苦地掏錢，政府沒什麽資源能用到，我想在政府醫院看醫生起碼能便宜一點吧。

someoneelse

正苦既精神科好似唔知係 $60 定 $100...情況穩定既小朋友大約半年至一年先覆診一次！
不要太有期望...只是為寫報告而已....

原帖由 xixi1218 於 11-8-29 09:18 發表

是不是要等很久的？我準備排，政平日的訓練都是自己苦苦地掏錢，政府沒什麽資源能用到，我想在政府醫院看醫生起碼能便宜一點吧。

2121kingking

看了妳們的分享, 我心情反而好左,曾經為評估的結果同老公炒過好幾次, 佢話我要清楚、同清醒"d", 唔好比人洗腦 (由其專家話), 要看看自己孩子的問題是否真的有問題, 班專家須是專業, 但其要交的過案、數據是否因應其他要求而為交數而填寫(佢地都要有這些問題兒童先有工返), 有問題唔好用放大鏡去對待! 我當時比佢話完, 只覺佢好唔接受自己孩子有自閉傾向這事情(當時孩子3歲), 仲有老公堅持孩子一定要返主流幼稚園, 我孩子今年升K2了, 我想同大家講, 我孩子都有自閉証的幾點特徵, 我都給孩子上過特殊小組, 是有用的, 但他還是喜歡上普通的興趣班開心同有進步, 我是應同妳們的看法!

pocoyo123

呢個世界係有不同的人, 不同的個性, 如果每個人也一式一樣, 咁生存係無意義.
由亞仔兩歲評估話佢自傾, 到4歲再評估佢自閉,我 好記得當日個心理學家的表情&語氣, 就好以一個法官將亞仔判左死刑咁, 我足足哭左3 日, 跟住有個小組的故娘同我講佢不是很差, 一定追得番, 不是盡信評估中心的話, 我用左兩年時間同佢不停訓練, 終於佢也回流主流, 現在佢只係一些抽象的說話比較理解差小小, 其他同一般小朋友沒有分別, 如果比我再見到評估中心的心理學家, 我會同佢講, 希望佢地評估時不要先入為主, 一見個小朋友就覺得佢一定有問題............

apple~y

原帖由 pipi331 於 11-8-28 00:13 發表

我仔己四歲多, C谷爛谷盡追, 仲系争小小....
己經系S位入面能力不算差的組別, 同班同學包括自己個仔, 自言自語有, HIGH HIGH地有, 成日扭計又喊... 之類都有. 去到四歲, 就算系不多留意四週人物GE A仔, 小朋友之間 ...

頭兩日我接仔仔放學時
都見到兩個約5age小朋友,媽媽接放學
好乖,講0野有紋有路,仲好有禮貌
又唔係0甘差,我都好希望仔仔第日會係0甘
大家比心機

apple~y

原帖由 pocoyo123 於 11-8-29 20:49 發表
呢個世界係有不同的人, 不同的個性, 如果每個人也一式一樣, 咁生存係無意義.
由亞仔兩歲評估話佢自傾, 到4歲再評估佢自閉,我 好記得當日個心理學家的表情&語氣, 就好以一個法官將亞仔判左死刑咁, 我足足哭左3 日, 跟 ...

我仔他當年兩歲番n1
又比老師勁直接話我個仔肯定係自閉症
"我肯定佢係,全部徵狀中晒"
0甘直接說話試問有幾多個人接受到
當時係老師面前扮冷靜,忍住喊
我有同老師講仔仔行為又真係唔太似
人0地咪以為我唔接受,個事實
自己最清楚仔仔情況,一開始我就知仔仔比較慢
係發展遲緩
有時人0地就覺得自己係專業,話係就一定無錯
你講3講4咪話你唔接受事實
有時做我0地呢0的家長真係好辛苦
就係比呢0的人攪到死幾多神經細胞

[ 本帖最後由 apple~y 於 11-8-30 12:18 編輯 ]

xixi1218

原帖由 someoneelse 於 11-8-29 11:30 發表
正苦既精神科好似唔知係 $60 定 $100...情況穩定既小朋友大約半年至一年先覆診一次！
不要太有期望...只是為寫報告而已....

寫報告？請問是寫什麽報告？給誰人的？

xixi1218

原帖由 pocoyo123 於 11-8-29 20:49 發表
呢個世界係有不同的人, 不同的個性, 如果每個人也一式一樣, 咁生存係無意義.
由亞仔兩歲評估話佢自傾, 到4歲再評估佢自閉,我 好記得當日個心理學家的表情&語氣, 就好以一個法官將亞仔判左死刑咁, 我足足哭左3 日, 跟 ...

我之前是看私人醫生確診的，他好NICE，而且還不停鼓勵我，給我希望。不過費用就很貴。。。。你個心理學家是政府的？是不是政府的態度不太好？如果是，我會好猶豫是否看政府。。。。因為，我們需要的是正能量，雖然要正視問題，但希望也很重要。

[ 本帖最後由 xixi1218 於 11-8-30 13:08 編輯 ]