賽馬會體藝中學 交流區

^^.

佢地住宿舍，我地真係幾好，不經不覺考試就過咗一半了

creativy45c

今日開始對卷，亞女話比我聽重緊張過考試，下午打電話比我報平安話好好彩3科都冇“炒”到．．．，知唔知宿舍邊日請佢地去睇戲吖？

^^.

回復 creativy45c 的帖子

我記得佢地20/12睇戲，不過就唔記得佢地對卷，要找個機會關心吓先，多得你提醒

bluediamond

好耐無上BK喇! Update 下先, 我個女都無肥佬, 不過佢覺得成績不及測驗好所以有少少失望, 後來佢又自我安慰, 話攞D經驗喎, 不過今日係佢強項科目派卷, 希望佢開心D啦!

^^.

同意，希望佢開心D啦!

對於今次考試成績，我個女話「OK啦！」表示佢沒有失望，但對自己有更高要求，我相信她會奮發向上的。

學習有如長跑，興趣、技巧和耐力缺一不可，否則怎可以好好享受過程、繼續精彩地跑下去呢？

creativy45c

極同意，長跑耐力賽，同佢揀呢間學校都係想佢喺適當的壓力下發揮自發動力，自動自覺，冇惡性競爭，同學互助互愛，係我最開心見到的。
上咗中學，唔可以再用留以前小學嘅評分標準，我同亞女講，我地今次的考試的目標係合格，等佢唔駛比自己咁大壓力，暫時只係普通話未達標，但係我都收貨啦！

^^.

回復 creativy45c 的帖子

對呀！  學習態度十分重要！

bluediamond

講起普通話阿女話好深喎, 連個監考老師都做埋一份, 個老師都話佢有D都唔識

Carmen2004121

請問各位體藝家長 , 您們認為學校對學生在學業方面支援足夠嗎 ?
如成績跟不上 , 有特別額外支援嗎 ? 如有請問有那些支援 ?

^^.

回復 Carmen2004121 的帖子

我認為學校很重視學業成績，會為考試成績未如理想或有志改善成績的同學推行學業改進計劃，以改善學生中、英、數三科的基礎能力。此計劃的活動包括：工作坊、課後補習班及評估活動。 (資料來源：體藝中學家長通訊)

^^.

還有「期末 學 業 改 進 計 劃」，讓成績未能達標的同學透過本計劃而正式獲得升級資格。不過，如果未能通過考試，就會留級 (我見中一至中四各級都有)。所以，我相信學校是有落實支援學生的學業。

學校亦有舉辦「中一及中二級學習技巧課程」，不過，位很少，要抽簽。我囡自發話很想參加，可惜抽不到。我希望學校能為成績較平穩或成績優異的學生，提供多些學習機會。我更期望學校的資優計劃能惠及更多低年級學生，讓他們的才能得到發展，栽培更多高質素的學生。

creativy45c

回復 bluediamond 的帖子

琴日亞女帶晒D卷返來比我睇，我都覺得幾深，普通話要識聽識睇仲要識寫拼音至得，真係幾難。

^^.

今天是體藝的開放日，囡囡請纓幫手，佢話學到不少。很高興她能全情投入做一個體藝人呢！

mrs.so

各位,

今日我都參加體藝中一簡介會, 聽完校長主任介紹課程及學習支援, 我對體藝更加了解, 我亦參觀時與兩三位初FORM及高FORM既同學對話, 對答都唔錯, 唔似一般所謂英中學校既學生模樣, 體藝學生比我感覺係活動精靈.

我想問一問大家, 你地當初選體藝既原因?我想從家長角度去研究, 希望大家可以比同更多既意見, 希望我都可以同大家做體藝家長.

^^.

回復 mrs.so 的帖子

我鼓勵囡囡選擇體藝主要是因為體藝有宿舍生活，很適合我女兒追求獨立的個性，所提供的學習經歷、自我管理訓練和社交機會，都對成長和日後出國留學很有幫助。將來，當她想起「那些年」，會是十分寶貴的回憶。

體藝既是一間B1文法中學，很重視學生的學業，同時也十分重視體藝發展，擁有非一般中學所能及的視藝課程和設施，相信能讓我女兒發展潛能(或多或少，我都相信她總有一些吧！)

再者，體藝有不錯的學習環境，寬敞的校園和泳池都是我和女兒所喜歡的。

校風方面，早於女兒入學以前，我所認識的幾位師姐都是很乖和自律的。現在，我見大部分學生都有活力和自信。可能由於學校比較自由，有部分學生間中會有些放肆，但都不壞。

整體而言，我喜歡體藝很有生氣，學習生活活潑而不會沈悶，功課量適中，不死谷，讓囡囡可以繼續投入她一向多彩多姿的課外活動中。與此同時，由於在學習方面有適當的壓力，她較前更加認真，會自動自覺讀書。

^^.

回復 ^^. 的帖子

祝一切順利！

creativy45c

我個女都好主動參加，我好開心見到D小朋友好自豪自己係體藝人，而且好明顯見唔到佢地有任何樣板式操練。
我果日都有去，仲同埋我個妹一齊返去，我個妹係第二屆畢業生，佢今次返去仲見到以前教佢嘅老師，估唔到有好幾個老師都教咗咁多年，亞妹都話而家嘅體藝學生叻過佢以前果D，但係有一樣嘢冇變嘅係體藝人嘅熱誠，一呼百應，由期係宿生。

sallysaddy

我個仔參觀完體藝之後, 極為喜歡該校, 但從不同小道消息聽到一些負面資訊.
由於我沒有朋友仔現讀體藝可否告知之以下是否屬實.
1) 體藝跟開校時的理念有所不同, 讀書不好會剝奪體育或視藝課???
2) 男女孩子較別的學校早拍拖???
3) 選視藝為主的會很忙很忙, 是嗎?
4) 由於主收體育+視藝, 同學們較頑皮, 貪玩和貪靚, 真的嗎??

creativy45c

回復 sallysaddy 的帖子

1) 體藝跟開校時的理念有所不同, 讀書不好會剝奪體育或視藝課???理念基本上沒有改變，但近年確比以前注重學業成績，但我覺得是好事，你都唔想個小朋友讀間BANDING差嘅中學吖？成績唔好的學校會安排補課，PE同學成績要好才可以多修2個以上的體育項目，但係就冇聽過剝奪體育或視藝課，只是考試前一星期會暫停所有體育鍊習。
2) 男女孩子較別的學校早拍拖???
其實每間學校都有小朋友拍拖，我鄰居讀林護咪一樣拍拖，在乎每個家庭的教育，但我每次返學校都唔覺見到拍拖的學生喎！
3) 選視藝為主的會很忙很忙, 是嗎?
小女主修ART，但未見佢特別忙，反宜以前見佢小學D視藝功課重複雜，可能佢仲係中一生仲未忙啦！
4) 由於主收體育+視藝, 同學們較頑皮, 貪玩和貪靚, 真的嗎??

其實我個人覺得體藝的學生因為每人都清楚知道自已的目標，所以反而唔會好似其他小朋友咁冇目標而慢無目的咁hea,眼見佢地係活潑而唔係頑皮。
希望幫到你啦！

^^.

體藝中學的創校理念源自已故港督尤德爵士，他主張在香港成立一所不僅強調學術表現，而是更為提供學生發揮體育及視覺藝術潛能的中學。

體藝要求學生用功讀書，有措施幫助成績未能達標的同學改進學業表現，是負責任的表現。她絕對不會讓學生祇顧玩樂或者攞獎而荒廢學業。作為一所學校，重視學生的學業發展本來就是理所當然的。倘若體藝重體、藝而輕學業，那不是本末倒置嗎？作為家長，你會放心子女在這裏讀書嗎？

外人傳言體藝變質，其實體或藝的重要性從沒有改變過。對於主修該科目的同學，體育或視藝科的成績比率跟中、英、數等核心科目的總分是相同的。或者是有些人立心不良，以為入體藝就可以祇管玩而不用認真讀書，那就大錯特錯了。

體藝的校訓：體、仁、藝、智，正是其精神所在。