沙田崇真中學揮手區

Hippomother

名囡話老師想提升佢地的體能, 但唔知要維持幾耐?  佢地唔係在校內跑, 好似要跑去沙田, 佢話跑得快就可以冲身, 否則要成身臭汗上堂!  如果當日有PE, 我要俾多件PE衫佢帶返去換, 其實可唔可以改放學先跑??

Hippomother

阿囡上星期五已背默中文, 今日又再默中文, 英文未開始默. 而家係佢自己溫默書, 我無幫佢默, 係時侯要佢自己負責, 除非佢成績唔得先出手!

阿囡真係好"動", 連田勁及手球的校隊也收佢, 不過唔可以參加, 佢超額啦!  唯有睇明年佢會唔會放棄籃球, 改參加另一樣活動!!!

Hippomother

小囡不是什麼運動健將, 只係佢喜歡玩多過讀書.

我發覺件運勳衫好容易起毛粒, 件衫只係著左三次就起粒粒, 重差過小學的運動衫 (小學至少可以穿兩年), 而家可能一年要買3-4件啦!!

我見有D中學的運動衫好似人地國家隊那些布料 (唔知係咪Cotton+Poly), 那些也透氣+吸汗, 唔知學校可唔可以改料呢?

Hippomother

阿囡派左紙要買樂器 ($3300), 我自己走去通利買, 比指定公司平$2XX, 而且用指定信用咭買書仲有九折, 可以慳返D.

Hippomother

我個囡本來想參加掃描, 但佢之前入選左辯論學會, 所以唔會再參加其他野啦!

我囡間班每個星期都要默中文, 數學又成日有quiz, 上星期先測完英文, 佢話佢間班只有一個fail, 點解咁快咁多quiz?

chaselam

原帖由 Hoining 於 11-9-21 19:12 發表
亞仔都有quiz同test, 不過佢無話我聽佢自己攪掂
我只係驚佢太大意成日吾記得帶漏野, 比人記缺點

我女話quiz同test都很簡單
不過IS上學時完全跟不上
現在必須預習
你嘅小朋友上課如何？

Hippomother

昨天阿囡要回校晨操 (5:00am就起身), 送左佢去火車站我就反屋企再訓. 下午佢又要留校排戲, 放學時已經5:30pm, 好在我事前已通知不用上英文堂, 否則佢8:00pm先返到屋企, 肯定累死!!  所以昨晚佢9:00pm自動自覺上床訓, 仲叫都唔理你, 而家返學仲辛苦過以前, 十足大人打工, 早出晚歸!!

你地有無買長袖冷衫?  我買唔到 (之前校服商在校時, 已經係無得買), 我已經去過2次, 電話都打過3次, 供應商話要10月中才有 (係上海做喎)!!  遲D天氣又涼返, 驚阿囡會凍親 (同時佢話班房冷氣好凍, 已經只係開2部冷氣機), 學校又唔准穿運動那件白色jacket, 一定只可以穿冷衫, 但有D學校都接受穿校裙可以襯件運動jacket, 點解一定只可以係冬天穿運動服才可以穿jacket??  如果冬天凍都改穿校褸, 仲同佢穿jacket咩!!  而家係校服商無得賣, 唔係我唔去買!!!

clmum

我去過乙明村維多利無得買要10月中先有貨,所以我去左豐昌順買, 我校裙系維多利買,因為我摸過佢既質料比較好,
但因佢暫時無冷衫,所以我唯有去豐昌順,不過都OK . 你可以去睇睇.


營業時間：上午十時半至下午六時半 ( 一月至六月期間逢星期日休息 )
地址：沙田禾輋村禾輋商場二樓202A號舖
查詢電話：2684 1387

chaselam

原帖由 Hippomother 於 11-9-28 12:42 發表
昨天阿囡要回校晨操 (5:00am就起身), 送左佢去火車站我就反屋企再訓. 下午佢又要留校排戲, 放學時已經5:30pm, 好在我事前已通知不用上英文堂, 否則佢8:00pm先返到屋企, 肯定累死!!  所以昨晚佢9:00pm自動自覺上床訓, ...

叻人特別辛苦

Hippomother

Hi clmum,

我有問過豐昌順, 有我要的碼已經無貨, 唯有等下啦!

Hippomother

Hi Hoining,

我都係想在校時買, 但因為阿囡好遲先落樓, 走埋去問已經無得買.

Hippomother

Hi chaselam,

小囡唔係叻過人, 只係參加左籃球校隊, 一定要操.