小朋友在琴行學琴好，定找老師回家教好呢?

知心人

以我所知，現在市面學琴的基本情況係：

一：班制，通常係學校同琴師傾好點做，又或者係琴師租場一大班咁教，呢種最平，但只可學到基本野。

二：琴行：琴行食水好深，好多時去到55分賬。但好處係你唔中意可以換人，而質素最高的琴師一般唔會教琴行。琴行開的班都係呢一類。

三：老師上門：通常係新手琴師或者等錢洗的先做，但又必定收貴少少。

四：學生上門：最貴同最好的老師一般都係咁做。

音樂人長老

唔好意思各位多口補充下，唔單止琴行，社區中心都係五五分賬，琴行商業性質租金貴，相對嚟講學費會收貴，社區中心租金有減免，學費可以收平啲。

純粹我個人做法，唔同意請勿鬧，資歷深淺唔係我喺邊度教嘅考慮條件，自己都安排緊社區中心教少量學生 (我資歷包括FTCL加鋼琴碩士），早年讀書政府有補貼，而家有能力同時間想服務社區 。

學生上門可以係老師屋企或老師租嘅studio，有資歷老師同名校一樣喺邊區都大把學生肯去，視乎老師肯唔肯收。

[ 本帖最後由 音樂人長老 於 11-7-10 18:16 編輯 ]

miss321

如果係普通琴行仔, 知心人講既係正確，但如果係專業質素的教室當然會搵到高質素老師。
但講真句, 教得好就會多學生，就唔會再上門，至少我識的人都係教左好多年，音樂學院畢業都唔做上門，因為上門1小時, 計埋來回時間都可以教到多1-2個學生。

原帖由 ilovethiscow 於 11-7-11 12:32 發表
我唔知咩叫好...

不過我的音樂中心裡的老師全部最少都係 APA 畢業 或 大學音樂系 畢業的

有部份老師 仲係 APA Junior School 老師 甚至 兩個doctor of music 之類....

而且收費都俾佢地上門平...

伯樂 果類音樂 ...

靚靚C9

原帖由 marcuscyrus 於 11-7-10 10:39 發表


1. 如果工人信得過，2小女孩又乖乖，車程是點到點(不用過馬路)，應該都可以，我兒(5.5歲)學野，有時姐姐都帶埋細佬(快3歲)一齊去，叮囑2兒要拖實姐姐

2. 進度快慢，我覺得視乎一. 老師能否給予清楚及正確的練習指引，如有甚麼要求 ...

就係要過馬路兼無紅綠燈(係巴士交滙處)，如果仲落雨，你話唔擔心就假。

不過聽完你哋分享，我都打消找老師上門教的念頭，將來如有人介紹好老師，上老師到學好過。

龍舌蘭

唉, 跟咩老師都要睇個老師/琴行有冇責任心.
剛俾琴行/老師放飛機, 仲要已報名考試. 依家都唔知點算好.

音樂人長老

原帖由 龍舌蘭 於 11-7-14 16:43 發表
唉, 跟咩老師都要睇個老師/琴行有冇責任心.
剛俾琴行/老師放飛機, 仲要已報名考試. 依家都唔知點算好.

係咪報咗呢次考試？琴行應會盡快安排新老師，如果10/11月考仲有時間追。見過琴行有小提琴老師離考試唔夠3個月唔教，仲無話俾學生知要揾伴奏，新老師講俾家長知小朋友未ready同考試要有伴奏，家長當場呆咗。

我亦聽過有中心兼職老師由5月尾開始請假但無話唔教，佢幾個學生一直停課到而家 。

bebebe12345

每一個行業,總有一些例外的事情發生!
遇到這種事情始終是令人難受,
可幸的是還有手上的決定權..............

[ 本帖最後由 bebebe12345 於 11-7-14 21:08 編輯 ]

龍舌蘭

原帖由 音樂人長老 於 11-7-14 19:12 發表


係咪報咗呢次考試？琴行應會盡快安排新老師，如果10/11月考仲有時間追。見過琴行有小提琴老師離考試唔夠3個月唔教，仲無話俾學生知要揾伴奏，新老師講俾家長知小朋友未ready同考試要有伴奏，家長當場呆咗。

我亦聽過有中心 ...

長老,
多謝妳提示.
今次本來我地要求考8月(暑假麻),應琴行要求轉去考11月. (佢地要學生人數去要求升做考場. 我估) 依家琴行冇新老師提供 真係跌晒眼鏡嘍~~
發覺係九龍區管樂老師似乎甘難搵, 網上搵d中心多數在港島.

音樂人長老

原帖由 龍舌蘭 於 11-7-14 22:56 發表

長老,
多謝妳提示.
今次本來我地要求考8月(暑假麻),應琴行要求轉去考11月. (佢地要學生人數去要求升做考場. 我估) 依家琴行冇新老師提供 真係跌晒眼鏡嘍~~
發覺係九龍區管樂老師似乎甘難搵, 網上 ...

好奇想問琴行而家點處理妳個case呢？照計唔只妳個囡跟呢位老師學，琴行應會招聘新老師，會唔會俾多少少時間等琴行安排好過自己揾呢？

很佩服妳可以咁冷靜講番件事同積極諗方法解決問題，好抱歉教管樂就幫唔到手，當年我學時都半桶水考8級唔合格 ，伴奏可能幫得上忙，有需要講聲相信大家都願意幫忙的。

Mayle

請問老師從音樂系畢業是否較好呢?

bebebe12345

最重要呈是否主修要求之樂器!
其他.....
那一間學校
Diploma、Bachelor or Master
跟那一位老 師
.................FRSM.....FTCL.....

ling-e

當然係到中心好啦, 小朋友都專心D啦, 再講又平D呢

hk2012

唔好意思!請問$400/半小時貴唔貴?小女是初學的,問了一個到老師家中學的私人教琴收費是400,我也問了附近琴行,一般200-250/半小時,但我聽朋友講他兒子6歲在琴行初學一年才教一本書,好像很慢....請問有經驗的媽咪可以俾意見我嗎?
如有好老師介紹就更感激了!!我住在銅鑼灣區,謝謝!

bebebe12345

這一價格,相信己是Master、FTCL級數!

marcuscyrus

原帖由 bebebe12345 於 11-7-16 16:50 發表
這一價格,相信己是Master、FTCL級數!

但琴行也收200-250/半小時?

bebebe12345

正常只要幾個月後就應上一小時課了。
從不推薦琴行!