- 在線時間
- 1 小時
- 最後登錄
- 11-11-20
- 國民生產力
- 0
- 附加生產力
- 0
- 貢獻生產力
- 0
- 註冊時間
- 11-9-3
- 閱讀權限
- 10
- 帖子
- 12
- 主題
- 0
- 精華
- 0
- 積分
- 12
- UID
- 797807
|
我個女今年入讀聖猶達K1,早兩個月知道下年會轉高主教之後都有唔開心,感覺好似比人滾左咁,因為咁大件事冇理由臨時先知,所以我都有去話佢地點解面試時唔講,等比晒留位費之後先講,果時以經放棄晒其他收我個女既學校.
本來諗住一路讀一路搵學校轉,但而家返左幾日之後,發覺個新校長(由香港仔聖伯多祿轉過黎做)同D老師好有愛心,我個女讀全日班,呢兩日都喊,訓晏覺時又喊唔肯訓,個校長就抱住我個女直到佢訓着(個女同我講既).全班14個小朋友,部份係度喊,佢地就除左兩個班主任之外,校長,兩個姐姐,校務處個秘書姐姐,再加個老師總共7個人入晒班房,一個對兩個小朋友咁攬住佢地黎安撫.我個女就算喊完,到第二日都照樣話要返學,完全冇驚到話唔返,小朋友唔會講大話,所以我覺得就算我地走左之後,D老師校長都真係比心機去照顧佢地既,難得我個女咁細膽咁怕生保都唔驚呢間學校,所以我而家都諗住出年比佢繼續係度讀,當然會一咯睇住佢地教成點,同埋佢地出年既安排.
另外,開家長會果日,校長已經講到明同高主教小學達成共識,小學會預留學位比呢度既小朋友,但亦講到明唔係100%收,會睇返個小朋友達唔達到程度,咁呢樣野我又認同喎,話晒間小學係英文小學,唔通個小朋友真係英文好差,或者學習有問題,佢都收咩,就算收左跟唔到進度咪仲衰,你地話岩唔岩?就算其他私校,例如蘇淅,玫瑰崗,嶺南,真光,聖保祿果D咪一樣只係話優先取錄,冇話一定收啦.
而教師方面,唔只四個,實際人數幾多個我就唔記得喇,開完家長會我只係記住K1果兩個班主任(一個係全日班,一個半日班),咁仲有K2同K3呢,都唔止4個啦,校長介召果時話其中有一個老師係跟佢由聖伯多祿轉過黎既,另外,校長亦長都講左,己經請左一個外籍老師教英文,同一個老師教普通話,未來會注重兩文三語,所以我覺得佢地真係有心攪既.
需然以我所知因為佢地出年會轉既原因,所以有部份小朋友放棄左冇黎讀,但亦知有幾個男仔係臨開學前先至報名插入黎讀K1,所以我諗果幾個家長都係因為睇住會轉高主教先咁遲先報入黎讀.
小朋友讀書一來要睇學校質素,二來要睇個小朋友讀得開唔開心,加上我個女性格,我唔想佢岩岩熟左小小又轉黎轉去,所以我都會密切留意個女今年讀成點同埋佢地未來既方向.但暫時都會係決定比佢係度讀埋個K3,所以琴日玫瑰崗打黎話有一個位,叫我個女去面試我都決定唔去喇 |
|