好難入?

poonpoon

以前聽過,大約十分一機會~~~

HKdevil

no i think it is less than 1/10, 2000 applicants they only chose 120 students, so you can do the maths

kelvinchan3344

2011-2012 我都有報.   大約1200 人收 120 人.  1/10

poonpoon

小故事一則.

當年有兩個朋友仔一齊考 P1.

IQ高既一個入唔到,普普通通反而入到.

所以話,難唔難考,好難講~~~

MYbbzone

可能睇interview果下嘅表現

poonpoon

原帖由 MYbbzone 於 11-7-25 11:44 發表
可能睇interview果下嘅表現

以小弟當年所見,確實係咁.
細路仔面試時係好輕鬆.
對家長黎講不失為一件好事~~~

Roroma

我會咁睇
1200人報名收 120人，中獎機會係十份一 。

其實小朋友係要係1200人裏面贏1080人至入到培橋，真係吾簡單。

不過小朋友好多時係估吾到的，面試的表現未必一定同聰明有關或操得到，平常心會比較好，無謂比壓力個小朋友。

唔係化

請問interview 考什麼的呢?

sheungwingmama

咁考小朋友什麼的呢?臨場表現?

上海寶貝

唔知幾時會收到面試通知呢？

hahahihi-monkey

問過學校, 今日寄出!

Ahiru-no-pekkle

請問面試要不要in 家長

0906

now already full, is it still can apply just in case someone got the spare but not go?
Are they have special class for those kids can't write chinese?

bu-b

以我所見, 佢地prefer d文靜同乖但無咁叻嘅學生rather than叻但活躍d嘅學生!

JadeW

面試不要in 家長.
我阿仔肯定吾算文靜, 但會聽指示吾會亂黎, 但亦吾係好叻, 收左.

MATTHEWLOK

原帖由 JadeW 於 12-03-25 發表
面試不要in 家長.
我阿仔肯定吾算文靜, 但會聽指示吾會亂黎, 但亦吾係好叻, 收左. ...

請問是否今年轉了校長，其收生的要求亦有所不同？thanks!

JadeW

轉貼我在另一處的回覆:

我阿仔今年考完成功取錄, 佢都係讀活動教學既普通學券幼稚園, 並沒有再出外補習中/英文。平常在家會跟他讀中英文故事書, 有參加學校的讀書獎勵計劃, 有統計的不同圖書在 K2 看了及完成了共100本以上的中英文讀書報告。而屋企看電視只准聽英文同普通話, 如喜羊羊, DISCOVERY CHANNEL, CARTOON NETWORK, DISNEY & DISNEY JUNIOR等。

中文- 佢學校K2先開始教寫字, 佢考既時候, 學校都只係教寫左好少字。K2下學期, 我自己屋企教下佢認同寫簡單既中文字 (用我自己會讀以及漢字500既第二程度果套書)叫佢學寫同讀。佢基本上係每本/課,會有一至兩個生字吾識, 要我教佢讀。我規定佢, 一星期讀4課/本書左右, 每課書選一個字抄五個作訓練。面試考中文既時候, 佢話老師叫佢寫吾知乜野字, 佢話俾老師聽吾識寫, 老師就比張字卡佢抄, 因之前在家及學校的訓練有教佢筆順, 所以佢將字照抄。

英文因為學校係以拼音教學為主, 佢可以完全吾識果個字但都可以拼讀有關字詞句子, 但係學校或屋企都冇同佢串/默字既習慣。聽讀能力因拼音以及看英文卡通所以完全冇問題。佢本身係愛說話、活潑好動的小朋友, 面試完全不怕生, 會主動舉手回答老師問題, 呢方面應該係佢強項。英文聽完故事回答問題, 佢話佢識, 每條都有舉手, 但老師吾係次次叫佢。我問是否全部小朋友有答, 佢話有小朋友冇答。

普通話, 學校只一星期一堂, 但因有看普通話喜羊羊的習慣, 所以亦吾會聽吾明。佢就算吾識用普通話講, 佢都會用自創"廣東話式普通話"答老師既。

數學, 學校K3都只教到1-20內既加數, 咁你知有幾淺啦。但我都係自己在家教佢100以內的加減數, 但只係平時玩玩下咁樣教, 間中搭車時就出幾條問佢, 教完個概念出十條八條數考佢, 睇下佢係吾係真係明白, 冇操數。亦教左佢乘數既概念, 簡單6以下既乘數佢可以自行"用加法方式"計算到, 完全冇背乘數表, 就係咁多。

第二次面試, 我見好多名幼稚園既小朋友, 在門外練習一整段既英文自我介紹, 而我地係完全冇準備, 佢既學校亦完全冇面試方面既培訓既。結果出黎, 老師真係有叫佢用英文自我介紹, 佢以廣東話講我知佢用英文講俾老師聽佢叫乜名同佢係"屬狗既", 仲有同佢用英文聊天同用廣東話問佢野。我聽到佢話"用英文話自己屬狗"我一身冷汗......講真我都吾識點講我生肖屬狗。但佢話老師聽得明佢講既英文, 仲係好開心同好肯定咁同我講。而我知佢講既英文, 係文法上吾係正式果隻, 但佢既生字認識真係比較多, 亦係乜都敢講, 亦吾怕講錯既人。心入面都打定輸數, 因為人地個個講一段咁完整既英文自我介紹, 而你老吹一通, 今次實落選。但結果老師接受左佢。

所以, 我自己覺得如果鍾意呢間學校, 可以去試囉. 因佢地學校都係計劃學習, 應該都會接受活潑好動, 吾一定需要或鍾意谷得好行嘅家長, 因為果類家長有得選的話應該都吾會選擇呢間。

所以, 各位有興趣培僑的家長可以放鬆比小朋友試下考啦, 都吾係真係好難!