想了解多一點軒上

HappyYW

知道軒上一直都係一間熱門小學，想對呢間出名官小再了解多d，例如課程深唔深 & 谷唔谷？有無精英班？傳統或活動教學？師資如何？多唔多新移民等等....
因為見多數人comment都係話多學生升到QC，都好少提其他優點，希望各家長可以俾多d意見，Thanks!

HappyYW

原帖由 brianshe 於 11-6-9 17:36 發表


軒上/ 軒下過去每年約各有30人昇上QC!
QC 港島第一中學, 已經係最大優勢; 其他唔駛多講.

我認同呢樣的確係好大優勢，但一間學校段唔會只有呢樣優點吧？

HappyYW

原帖由 brianshe 於 11-6-9 18:39 發表


以過去計, QC 30+, 疵利 ~8, 聖公會鄧肇堅15-20
頭兩間唔駛介紹 BAND 1A, 第3間都係BAND 1B
一年50+人昇BAND 1 英中, 全級150-180人. 只要小朋友屬校內成績頭30% 已經穩昇英中! 仲想點呀?! 其他小學你仲要估估下,  ...

Thanks for your reply!

咁請問佢有無精英班？係傳統或活動教學呢？

MdmFung

軒小是一間傳統熱門學校,因為中一派到皇仁和庇利羅氏的%較同區小學為高。所以很多以此為終極中學的家長也以軒小為首選。因為是官校,所以學生的家庭背景也各異,但普遍成績較好的學生,家長也是較為關注的一群。
軒上p1-p5係混合編班制,是全級第一會和全級第六的同班,全級第二的會和全級第七的同班……如此類推;而p5就會原班升上p6。
學校每學期有一測一考,測驗成績佔20%,而考試成績則佔80%,學校冇公開學生的名次(當然你可以問班主任自已小孩的名次),只會在每次測驗和考試後,將該次測驗或考試平均分最高的頭30%同學的名字,用通告的形式公告天下(軒上的家長稱之為“黃榜”)。雖然不設精英班,但學校會在p2開始,在中、英、數三科中,毎科經老師挑選15位學生來課前"加操"。
以名校而言,軒上的程度絕對唔深。以中學派位結果來計算,是絕對不錯的學校。但如果妳的小孩是女的話,妳就要再想一想,因為全校只得1/3是女生,可能會投訴較少女同學。

HappyYW

原帖由 MdmFung 於 11-6-10 17:06 發表
軒小是一間傳統熱門學校,因為中一派到皇仁和庇利羅氏的%較同區小學為高。所以很多以此為終極中學的家長也以軒小為首選。因為是官校,所以學生的家庭背景也各異,但普遍成績較好的學生,家長也是較為關注的一群。
軒上p1 ...

多謝你既回復，呢d正係我想知既資料，唔該晒！

功課方面多唔多？因為我係working mom，另外仲有個細女，好怕功課太多我搞唔掂。

其實我一直係九龍人，結左婚後先搬來港島，所以唔太熟呢邊既學校，而我亦一直較喜歡直資學校，但因為爸爸係軒上舊生，大仔自行有20分，好多人都叫我咁好既學校一定要搏，所以想了解多d。

MdmFung

唔使客氣,大家交流吓。
坦白講,如果以皇仁為目標,軒官當然是首選,更何況阿仔有20分在手。
與其他同區小學比較,軒上d功課同唔算多,小朋友應該冇問題。至於成績能否跟上,則要視乎每個小朋友。如我之前所講“黃榜”上的學生,有很多也是沒有補習的,但當然不能以一論百。
但妳要留意,雖然學校唔谷,但軒官每年都有很多勁人插班,而且一上到高小,因關乎派位,所以有很多初小唔多理的家長和學生,也會發奮力追,很多時“黃榜”上的名字也會易名,如果小朋友是“黃榜”的邊沿人氏,咁就可能危險d。而且皇仁開始小班,今年能夠派去的%也是未知之數,但可以擔保會比之前較難。

HappyYW

原帖由 MdmFung 於 11-6-10 23:25 發表
唔使客氣,大家交流吓。
坦白講,如果以皇仁為目標,軒官當然是首選,更何況阿仔有20分在手。
與其他同區小學比較,軒上d功課同唔算多,小朋友應該冇問題。至於成績能否跟上,則要視乎每個小朋友。如我之前所講“黃榜”上的 ...

咁要keep住佢一路上到黃榜真係唔易呢！老實講我仔有d小聰明，但唔係易教那種，又無時停，都幾擔心上到小學佢唔會乖乖溫書做功課。

MdmFung

其實可以要佢睇多d圖書,因為不論邊間小學都有幫助。e家大部份小學,中文同英文,閱讀問答都佔唔少分,所如識多d字同句子,一定有幫助。

MdmFung

brianshe,唔好意思,我相信妳記錯咗妳朋友個仔間學校,軒上絕對冇指定要學樂器或運動,所有都係課後興趣班,自由參加與否。就算學學吓要停,學校都冇問題。就算一樣樂器都冇學、運動又唔醒、都依然冇問題。
可能唔客氣,但HappyYW 指明想對軒上了解多d,以作小一選學的參考,我覺得有必要講清楚。

HappyYW

原帖由 brianshe 於 11-6-11 14:47 發表


所以一般軒上都谷得好緊要, 之前朋友個仔讀軒上, 日日去補習. 谷到暈暈下, 是否活動教學?? 谷到咁...又點算活動.

你小朋友受谷就OK, 好似我朋友咁; 谷唔起~~ 好慘..
被學校放棄咁.

仲有一定要學指定樂器 & 運動~ ...

要學樂器 & 運動反而我ok，我最怕反而係"谷唔起~~ 好慘..被學校放棄咁."

HappyYW

原帖由 MdmFung 於 11-6-12 17:27 發表
brianshe,唔好意思,我相信妳記錯咗妳朋友個仔間學校,軒上絕對冇指定要學樂器或運動,所有都係課後興趣班,自由參加與否。就算學學吓要停,學校都冇問題。就算一樣樂器都冇學、運動又唔醒、都依然冇問題。
可能唔客氣,但 ...

你講得岩，我就係想聽番d有小朋友讀緊軒上既家長意見，想知多d學校真實既情況！

不過brianshe提出話有時家長要求唔同呢個point我都認同，其實我就係好怕呀仔入到去追唔上最top果批，好怕會被"放棄"，因為之前聽過其他官津小學有呢個情況，所以都想知軒上會唔會.... 成日覺得如果佢最尾入唔到QC，就好似達唔到當初入軒小既最大目標咁... 我知咁諗可能灰左d，不過又真係事實呢... 其實除左QC，男仔仲有d咩選擇？

MdmFung

作為軒上嘅家長,我想張學校嘅情況,同自己嘅經驗,分享俾大家,以供參考。
我有兩個小朋友讀緊軒上,一個高小、一個初小,兩個小朋友性格各異,幸好兩個都成績中上(黃榜人氏),老師對佢哋兩個d評價都好唔同。
以阿大為例,一樣樂器都冇學,完全冇興趣參加學校興趣班,學校冇問題。又以阿細為例,既學琴又學小提琴,仲參加學校興趣班,學校都冇出聲,要佢減少d活動,要再“谷”d成績上高d。
同軒上交手幾年,坦白講,我都冇遇到所講老師嘅要求。而我小朋友有d成績差嘅同學,亦未聽講話被學校放棄咁話。所以,如果只是純以成績而論,我覺得軒上唔會咁。相反,我知道有d有學習問題嘅同學,如讀寫障礙、過渡活躍等,學校係測驗同考試會另外加時俾佢哋。
當然,老師見家上,係會同妳講妳小朋友嘅問題,咁妳先至知道佢哋嘅強、弱項,加以跟進同輔導。以我自已為例,我未遇個老師要我俾$學乜學乜。

MdmFung

除了皇仁,軒上仔嘅聯檕中學還有金文泰中學(1B)(男女中中)、鄧肇堅維多利亞官立中學(2A)(男女中中);雖然唔係聯檕中學,但上年都有8個(5%)派咗去聖公會鄧肇堅中學(1C))(男女英中)。
我都明妳嘅想法同擔憂,其實我自己當初係比較喜歡華仁;但同樣因為阿大係軒上有20分,所以都冇選華小,而選軒上。
其實不單止軒官,就算妳選華仁或St.Joseph,只要妳想升上佢哋嘅中學,妳都要睇實d成績!

原帖由 HappyYW 於 11-6-13 12:08 發表

你講得岩，我就係想聽番d有小朋友讀緊軒上既家長意見，想知多d學校真實既情況！

不過brianshe提出話有時家長要求唔同呢個point我都認同，其實我就係好怕呀仔入到去追唔上最top果批，好怕會被"放棄"，因為之前聽過其他官 ...

HappyYW

再次唔該兩位既資料！
尤其MdnFung，而家從你呢位軒上家長中知道左更多，我對呢間學校都了解多左！