62網 (荃灣) 派位結果, 請分享.

hoiyan

見到你哋我又想起舊年派位,我舊年派第十六志願,石圍角小學,註冊去到最後半小時才去註冊,然後就玩大包圍去叩門,希望可以快D攞返張註冊証去笫二間學校註冊,我阿仔張註冊証都放過係幾間不同學校.最後都可以讀到心儀小學

ssskwan

原帖由 chan803 於 11-6-8 20:55 發表


你又係派咗去聖十架? 你擺聖十架在第幾位呀? 擺得好前?

第16位，絕呢?

ssskwan

原帖由 chan803 於 11-6-8 20:54 發表


可以分享下原因嗎?

我只係知佢早年出過單唔係咁好的新聞

咩新聞?

peggy

原帖由 ssskwan 於 11-6-8 23:04 發表


咩新聞?

老師與10歲學生開房

wingyee_ma

試下荃基/柴天.....

我囡囡個同學仔媽媽話除左尼間(聖X 架),間間佢都會比佢仔仔讀.

我知全完第一小學換左新校長,唔知而家好唔好.

原帖由 ssskwan 於 11-6-8 20:02 發表


我有叩門，但想做好心理準備真你係要入讀時，間學校究竟有幾差同衰乜。網上具體資訊近乎零，可以請你朋友分享一下嗎?

chan803

原帖由 ssskwan 於 11-6-8 22:10 發表


第16位，絕呢?

你都真係十分黑仔 wor

波羅包

聽同學仔的家長說荃基自新校長上任後改革,務求學校D學生變得更好.

miriam

原帖由 波羅包 於 11-6-9 12:14 發表
聽同學仔的家長說荃基自新校長上任後改革,務求學校D學生變得更好.

都要多謝前任校長 - 辛校長, 由計劃到實行, 辛校長都功不可沒.

miriam

原帖由 chan803 於 11-6-8 20:54 發表
可以分享下原因嗎?
我只係知佢早年出過單唔係咁好的新聞

我係好偶然之下識到個位媽咪, 傾傾下佢同我講小朋友插班去讀 P.2, 因為搬左出黎荃灣所以小朋友要轉校.

轉校之前讀個間幾好架, 中英普成績都唔錯, 點知一入聖記就後悔, 發現所有野都好淺, 兩文三語水平拉低晒, 最勁係學識多兩種語言, 就係潮州話同福建話.................

識佢時下學期開學無耐, 我就叫佢去荃基叩門, 睇下可唔可以考到插班, 事關新學期岩岩開始, 教左既野唔多, 話唔定可以插到班.

小朋友考既插班試試卷應該係上學期既試卷黎, 小朋友坐左係房度呆, 話中英數好多都唔識做, 英文更加無乜做過, 最終插唔到班.

係學期尾去左柴天考插班, 好彩收左.

nonno123

我都係第二志願基慧荃景圍, 之前去開放日同有朋友的小朋友讀緊都好開心!海記荃官小比我個印象好差.

MAYANGUSPO

我小朋友2014年都會係62網競爭既一份子, 係樹見到某d post, 已深感壓力唔多開心, 純粹出個post支持下各位叩門媽咪加油呀!!! 願您地成功大家都係父母, 絕對明白您地既心情...

ccming34

有没人派到基慧又不想读的？

lalacat

我想同大家分享小小經驗,我覺得呢幾間學校係幾好的,包括荃基,柴天,何小,天佑。我仔仔有讀過呢間學校的小一適應班,所以覺得幾好。

呢三間之中學舍係最新的,荃基的黃主任好好人,d老師又好,好有heart,來幫手的服務生好乖好有禮貌。open day時見到d學生得好乖,學校好鼓勵D學生上台表演&介紹自己的工課。校園的設施都好齊備。

柴天雖然外表舊d,但老師都好好,我見個個星期六都好熱鬧,有好多活動比學生參加,有乒乓球,跆拳道,英文班。上次第1 Round放榜時我聽到有d家長話,佢地"領報幼稚園"有十幾廿個人自行選校都選柴天第一,都收左。

何小間學舍舊d,近屋村。但學校裹面d課室都保養得吾錯,都有1架電梯,學校有球場,我去過參觀,並吾係人地講得咁差的。至少佢個禮堂係6樓,有冷氣的(海官個禮堂係地下,無冷氣,去簡介會時熱到我死死下,吾知而家有無呢?)
。何小小一有2個班主任,我好like佢小一班房內的桌椅,係同幼稚園的一樣,相信小朋友上課會好開心好易適應。

天佑雖然學校細細間,但校長話會地方細,反而會今師生的關係close D,我覺得佢講得都有道理的。上次去天佑的小一適應班,都有外籍英文老師同小朋友上堂,個個小朋友都好開心,最後學校又派了2個小學生用英文&普通話介紹自己和介紹學校,都十分流暢(比起聽海官簡介會時果幾個學生照稿讀都甩甩cut cut)

我寫咁多野吾係想話邊間學校吾好,我係想話有些學校雖然不是區內大熱門,但其實佢地都係間好好的學校,都有d好叻的學生。

[ 本帖最後由 lalacat 於 11-6-10 12:19 編輯 ]

wingwingbb168

點解冇乜人講荃灣天主教小學嘅？是否很差？請賜教！

LamLam1022

原帖由 wingwingbb168 於 11-6-12 19:18 發表
點解冇乜人講荃灣天主教小學嘅？是否很差？請賜教！

其實荃灣天主教都幾好,校長也很好...但在62網中不是大熱之選...原本我是想選荃天為第一自願(我囝很喜歡荃天,因我囝係讀荃灣聖母幼稚園,就在荃天隔離)但我最後都選了伍季明為第一自願....

wingwingbb168

妳囝囝入了伍季明嗎？何解揀這間妳囝囝有多少分？自行收或大抽獎，恭喜妳囝囝入到Band1

wingwingbb168

妳囝囝讀上午班定下午班。聖母K3時有沒有Phonics學？

MAYANGUSPO

我呢幾晚都諗呢個問題, 翻查資料, 的而且確如您所言係大件事wor[電腦首先會依據「隨機編號」次序審閱所有申請人在甲部填寫 的第一選擇。當所有申請人的第一選擇審閱完畢後，再依次序審閱未獲派位申請人的第二選擇， 然後第三選擇。]真係冇乜可能同1間學校(林金殿)放較後志願會派到, 相反放較前者會派唔到??? 依資料所言, 係將申請者隨機排序, 然後掃完所有第一位, 再掃所有第二位, 而唔係續一申請人由頭掃到尾再到下位wor, 如真有此事, 咁係好影響排位, 即前者跟資料說法, 可以話只可將熱門學校放第一位, 而二/三位根本唔需要再放熱門學校, 因係多餘, 因以熱門學校程度既首志願已唔夠派, 而後者每人由頭掃到尾既話, 就真係可以跟家長既喜好排位, 因可博隨機抽到較前位置慢慢掃落去都仲有機呀...如tungbb2005所言非虛, 咁真係唔知政府點樣玩呀

LamLam1022

wingwingbb168 ~是的我仔仔是入了伍季明....我仔是15分,第一輪自行學位時不收,第二輪大抽獎才收了我仔 聖母是沒有Phonics學的...只是普通英文課程....我仔讀上午班....您小朋友入了荃天嗎?

[ 本帖最後由 LamLam1022 於 11-6-14 23:23 編輯 ]