女兒中文中學的學習 — 中中不比英中差

雙儿

原帖由 eviepa 於 11-5-27 22:50 發表
......前幾天Evie對我說，不如暑假看一看英文版的Harry Porter吧......

It is about time la, if not slightly overdue. Harry Potter One should be quite OK for her. 但老老實實，你咪聽人講用電子詞典幫手呀。佢自己可能係咁學英文，但佢個仔一定唔係。孰優孰劣，你自己有眼睇。睇唔明就扮明、跳過就是。「好讀書，不求甚解。」陸九淵亦云：「未曉處且放過，不必太滯。」重有，你咪又話一日用幾多時間，由佢自己嚟。睇書唔睇到「欣然忘食」，點做閱讀派傳人？

[ 本帖最後由 雙儿 於 11-5-28 01:36 編輯 ]

eviepa

孩子有濃烈興趣，如果連英文字幕也不開，她們會否肯看?  看多了，會否明？

Stccmc,

現在女兒看的是標準西片，所以定要字幕才看得明。幾年前看卡通片，沒有字幕她也看得津津有味。

eviepa

你咪聽人講用電子詞典幫手呀

佢個電子詞典幾乎只係用黎聽歌，

eviepa

再者，田忌賽馬，若要功利計算，高中讀Econ及商科較易取A。傳統科目，若極有興趣則無妨，否則若可避開此類成績好嘅學生集中嘅科目點解唔避開。不見得Econ比地理無趣。

雙兒：

由於女兒對經濟、歷史、地理、生物的喜愛程度都沒有分別，所以以功利主導。

1. 因為文憑試深度和會考相近，經濟科是以鬥背得熟為主，女兒在較強的數學能力和理解能力派不上用場。反而如果是高考的深度，我會向女兒推薦經濟。
2. 此科在女兒學校是用英文教授，女兒的語文沒有大優勢。
3. 經濟我懂一點，但不是我的強項，歷史、地理才是。怎樣讀這兩科才可以得到好成績，我瞭如指掌。

eviepa

雙兒：

妳的觀點是，選校的關鍵是學生質素，語文只是次要因素。

ChiChiPaPa女兒的學校和Evie的同屬一區。ChiChiPaPa喜歡這學校大概因為這是一間高增值學校和EMI。道聽話途說，ChiChiPaPa的學校以band 2為主，但Evie的肯定以band 1為主。以妳的標準，妳會取Evie的而棄ChiChiPaPa女兒的。因此，討論重心就完全不是CMI Vs EMI，而是中魚應選擇大、中、小塘的問題。

我和csy_ma的選擇是做小塘中魚。我希望女兒在入學時，實力是中上。如果用數字量化，二百人中，最好是實力排五十左右。如果女兒進取，尚有五十人可以讓她見賢思齊。也不會一個先閃變為留級邊緣。進可攻，退可守。可以在沒有甚麼大壓力下學習。

從妳的留言看，似乎妳最喜歡的是在大塘做中魚。二百人中，最好是實力排150左右。妳認為在這環境中，大魚以及超大魚隨處都是，中魚最易在這環境感染成為大魚。

但這個策略不無風險。學生在小學時名列前茅，讀中學時一下子變為中下生。適應力較好的會遇強越強；但不少會信心盡失，意志消沉，反為不美。

我覺得大部分家長都希望孩子做大塘小魚，比如說家長大都希望自己band 2的孩子進入band 1學校，名校就更好。如果入學時，實力是在200學生中是最尾10個，就覺得是成功高攀高banding學校，就好像如獲至寶似的。見過很多這樣的例子，通常這些小魚最後都成了大魚的點心。

[ 本帖最後由 eviepa 於 11-5-28 05:28 編輯 ]

eviepa

奇怪，十個細路，十個都會鍾意自己善長嘅嘢。出咗乜嘢問題？

她其實除了玩樂外，喜歡的只有視覺藝術，和火麒麟的老爸剛好相反。她從小到大最強是英文，但不喜歡英文。數學由差勁慢慢變為不錯，但也不喜歡計數。無符。

ChiChiPaPa

原帖由 eviepa 於 11-5-28 05:26 發表
雙兒：

妳的觀點是，選校的關鍵是學生質素，語文只是次要因素。

...ChiChiPaPa喜歡這學校大概因為這是一間高增值學校和EMI。道聽話途說，ChiChiPaPa的學校以band 2為主，但Evie的肯定以b ...

我選中學有很多因素，但主要有兩項：（1）高增值，（2）女兒的模擬中一編班試成績中英數三科均要（略）高於該校的平均（即KPM14 Pre-S1中英數指標）。需要加入第二項條件的原因是高增值的效果未必出現在低於平均線的學生。

是否EMI，不是因素之一，因此我也有報福建中學。不過，我會檢視所選學校是否有學生可取得英文5*，以確保英文成績有一定的水平。

我一直有寫blog分享女兒升中之路，有興趣可看：http://chichipapa.pixnet.net/blog 或 http://hk.myblog.yahoo.com/eugenia-plklfc。

[ 本帖最後由 ChiChiPaPa 於 11-5-28 07:25 編輯 ]

csy_ma

原帖由 stccmc 於 11-5-28 00:19 發表
csy_ma, eveipa,

孩子有濃烈興趣，如果連英文字幕也不開，她們會否肯看?  看多了，會否明？ ...

Stccmc：

其實我都想知呢個問題？阿囡睇咗HSM過十次，初時有開中文字幕，又有睇中文小說，對白又睇到可以搶先講出黎既地步，唔睇字幕梗冇問題。
佢復活節時睇可能睇咗兩三次既Fame2，都有要求話齋睇，乜字幕都唔要，不過我地怕佢不求甚解，且佢既讀字能力較聽力弱好多，就堅持開埋英文字幕。

可能，我囡自幼稚園已經好鍾意睇英文卡通，套卡通雖然有英文字幕，但佢果時應該係唔睇字幕既？好多時，佢見到篇文既生字，唔識，讀個音俾佢聽就識喇。而且，佢既習慣係鍾意一套電影或書既話，會睇至少五次以上，有時間既話，睇十次以上都唔會厭（不過而家真係冇也時間俾佢睇），所以我地既重點都係情願佢睇埋英文字幕，見多D字好過。

謝謝您既建議，我地會考慮日後佢話唔要字幕既話，試試順吓佢意……

eviepa

ChiChiPapa,

對你的教女理念是認同的，一直都深信長遠而言，令千金一定很好。但我想，如果你為女兒選擇一間像類似臻美的學校，如港大同學會、優才等壓力較小的學校才能好好地發揮你的理念。

csy_ma

原帖由 雙儿 於 11-5-28 00:57 發表


Csy_ma

由細到大，除咗自己，最憎人蝦蝦霸霸。

如果你諗往送女兒到外地，可以心寬好多。揾間開開心心嘅中學就是。睇住英文同數，其它科睇佢自己興趣；但英、數卻要花功夫，無謂限制女兒大學選科。中學不用迷信天資，中上成績，勤 ...

謝謝教路

因為我囡反叛性較強，而我地都係文科比較強，所以我估阿囡將來可能會選理科居多 英數真係幫佢唔到，到時惟有假手於人……

至於英文，因為佢好鍾意重複聽black cat既少數幾本名著簡易本，又學緊朗誦同話劇，而佢跳舞搵既歌都係英文既，興趣可以keep到，掉下來既機會就相對較少？

到中學，真係想同佢睇多D戲或者話劇，暑假就去各地探吓D朋友，唔想有咁大功課壓力……

ChiChiPaPa

原帖由 eviepa 於 11-5-28 09:01 發表
ChiChiPapa,

對你的教女理念是認同的，一直都深信長遠而言，令千金一定很好。但我想，如果你為女兒選擇一間像類似臻美的學校，如港大同學會、優才等壓力較小的學校才能好好地發揮你的理念。 ...

你知啦！壓力影響不了女兒的閱讀和寫作，因她閱讀和寫作從不為語文能力和成績，只為消閑娛樂。在宣小，她可每天四小時閱讀。廣闊的空間在她的心中，她又何需新理念的學校去告訴她甚麼理念重要。她需要的是一所可讓她安心去找她的空間的學校。無論她作甚麼，她都可信賴學校可讓她在學術方面處於「不敗」的位置。

csy_ma

原帖由 stccmc 於 11-5-28 09:26 發表
目標是能聽一次便聽懂合孩子年紀的DVD。

你這問題好解決，搞定 phonics 就好了。 ...

謝謝教路

phonics佢由K2已經開始學，逢一三五上個半鐘net教既playgroup，到P1亦由net一對一教咗成年，但都未學識
倒係佢小五做咗小一生既英文小老師後，開始注意咗。而家佢參加英國非牟利機構搞既演藝考試，遇到要背既字唔識讀，我見導師都係用拼音強化佢既記憶。

對於佢既英文，我地不多既家庭支援就係搵吓有乜書佢能會有興趣睇（只係憑封面同包裝，我好少會睇晒佢睇既英文書），又或當佢第N次播black cat既cd聽都幾煩時，盡量忍口唔要求佢換碟咁 ……

基本上，佢想要睇既碟，就算冇字幕，佢想睇還是會睇的。反正佢鍾意既話，就會睇好多次，會用自己既方法睇明佢（但原來佢真係有幾多誤解）。無論書同碟，佢鍾意既範圍都偏窄，除咗中文書而家因為同學間有氣氛，響學校會翻吓其他同學借咗既書外，佢睇來睇去都係果幾十本，影碟如果不計幼稚園睇大既，鍾意而又重複睇既可能唔超過十套 所以好難以一般人既標準去對待佢……

[ 本帖最後由 csy_ma 於 11-5-28 10:13 編輯 ]

eviepa

其實，eviepa的教女的方法是專為他的目標而設-要evie快樂的生活。而evie如果讀英中的話，就要用多些時間和精力去拿全級較佳的名次（因為對手是一群來自英小的名校精英）。

現在evie讀中中，英文一科已有優勢（對手是一群英文較弱的精英），所以就能保證了evie做到小塘大魚，自信心自然強，亦有更多的空閒時間發展其他興趣和強項。

Share,

很久沒有見到妳的留言了，多謝光臨寒舍。

我女兒的學校在「微調」政策下，中一已經轉為全英中。收生水準一向不錯，大概可以及得上成績較差的英中吧。如果微調早兩年實施，女兒有可能在同一間學校讀英文班。所以其實同學在入學時，英文不差。

從種種跡象看，我女兒在剛入學時的全港排名大概是全級的中游，但中英數的根底是中上。在這樣的對手下，要拿很好的名次是要付出相當的努力，我和女兒都不希罕，精力主要放在打穩中、英、數、繪畫四方面的基礎。其他學術科目到中四才來過突破性上升。

相反地，假若我女兒讀的是區內老大哥，校網內唯一英中的迦密主恩，則學生水準會小勝女兒現時學校一籌。但由於Evie的英文閱讀能力比同學的平均高得多，在地理、世史、科學、通識等都有很強優勢，所以在爭奪名次方面更容易，更易得出高材生的假像。

不過，我是個貪心的媽媽，而且我生的是男孩子，所以這快樂保守的方法與我無緣，我都是認同雙兒的言論多些，尢其是現在有一定的資源下，給孩子「勇」的機會和空間。

祝孩子學業年年進步！

csy_ma

原帖由 ChiChiPaPa 於 11-5-28 09:28 發表
你知啦！壓力影響不了女兒的閱讀和寫作，因她閱讀和寫作從不為語文能力和成績，只為消閑娛樂。在宣小，她可每天四小時閱讀。廣闊的空間在她的心中，她又何需新理念的學校去告訴她甚麼理念重要。她需要的是一所可讓她安心去找她的空間的學校。 ...

ChiChiPaPa：

假如唔係您囡間學校距離我地屋企太遠，而傳聞到咗高中，學生有逾半會拍拖 ，我地都有諗佢係我地直資既首選

呵呵，我其實都幾有興趣知道而家既中學生中文作文水平如何，如果您唔介意，會有興趣E佢既作品俾我睇嗎？

mattsmum

"最好梗係一家去旅行時有機會在這些校園草地上野餐。喺佢心中播下種子，"

或出港大中大溜溜， 吃吃早餐， 看看大哥哥姐姐做啥， 也撒了種子。我在在試做， 好像有好開頭了。

ChiChiPaPa

Csy ma,

我都想有人可指點她,不過,上次我把她其中一個網址公開,她即時移走所有文章。其實她的學校中文學會有一網頁叫煦風,内有學生的作品,可作參考。我相信日後囡囡的作品也有機會上該網頁。

Share

eviepa，　
真抱歉，原來evie就讀那家學校的成績出眾，中一已經轉為全英中，我還信口雌黃，妄作評論，請見諒。

其實我經常在這裹向你和各位甚有心得的網友偷師，不過，我的是男孩子，還未開竅，所以想搭傘也有少許心虛。

但，親戚的孩子和他年紀相約，同樣愛好讀英文書，只是親戚的孩子的同學都是英語能力甚佳的一群，有互相激厲的成效，我的孩子就無這樣的環境。可以說，親戚的孩子將會進步的更快。

而且，親戚的孩子的同學大多都多才多藝，周身利刀，孩子自然會見賢思齊，勤奮學習才藝吧。

這應該就是大塘小魚的好處吧。

csy_ma

原帖由 mattsmum 於 11-5-28 12:14 發表
"最好梗係一家去旅行時有機會在這些校園草地上野餐。喺佢心中播下種子，"

或出港大中大溜溜， 吃吃早餐， 看看大哥哥姐姐做啥， 也撒了種子。我在在試做， 好像有好開頭了。 ...

明白，去美國到名校校園草地上野餐，會留返好想我囡去美國讀大學既契媽陪佢 港大和中大倒可以探探朋友

Mattsmum：
其實港大有好多歷史性建築同現代既名人有關，如張愛玲，可叫小朋友睇完張既某D散文之後去尋源。當然，仲有已成旅遊點的孫中山革命路線追蹤。