用戶登入
用戶名稱:
密      碼:
搜索
教育王國 討論區 聖母無玷聖心幼稚園 今早K1交書簿費, 啲老師黑口黑面!
查看: 3644|回覆: 22
go

今早K1交書簿費, 啲老師黑口黑面!

Rank: 4


780
發表於 11-5-20 11:18 |顯示全部帖子
啲老師冇笑容, 有個姓何既老師又粗聲粗氣, 講野又冇尾音, 真係擔心小朋友響呢到讀點會開心。

更奇怪開左冷氣開埋風扇,但又開晒啲窗, 咁開冷氣黎仲咩, 更加唔環保。

Rank: 2


31
發表於 11-5-20 11:55 |顯示全部帖子
我都去左交,不過我無遇到你呢個情況,沿途一入去d老師同嬸嬸都好好笑容呀....
可能咁岩你去果個counter位老師問題呀,但另外仲有兩位幫手,佢地都係咁嗎??

Rank: 3Rank: 3


484
發表於 11-5-20 13:25 |顯示全部帖子
我都去完交書簿同茶點費,一入校門有個修女,跟住有老師呀,工友呀咁指示你去上次面試果個大room,都面帶笑容,過程都ok快
原來6月份要回去做校服...

Rank: 2


76
發表於 11-5-20 15:48 |顯示全部帖子
真系好多老師都黑口黑面,仲十分勢利,慢慢就會慣

Rank: 3Rank: 3


481
發表於 11-5-20 16:55 |顯示全部帖子
黑口黑面的老師.... IN 時都見唔小.

Rank: 3Rank: 3


484
發表於 11-5-20 17:06 |顯示全部帖子
你地都講到咁差既......咁你地仲會唔會係呢間學校讀呀??
但講講下,我唸起樣野,我最初去交表時,我填錯左D野,咁好正常將個頭伸前D望下張form係咪真係錯左,果個老師竟然同我講"你唔駛伸咁埋架"

Rank: 4


780
發表於 11-5-20 18:01 |顯示全部帖子
其實真係唔明佢地點解要咁, 黑口黑面冇黎笑容, 真係返工時間仲多過響屋企, 對住啲天真無邪既小朋友唔洗咁囉!

不過一早都知呢間學校既老師係咁, 特別係老果班, 後生果班就好啲。

Rank: 4


780
發表於 11-5-20 18:05 |顯示全部帖子

回覆 2# 棓棓仔仔 的文章

另外果兩位就好小小, 不過有個比通告我既老師好好笑, 講左成4次叫我睇清楚張通告, 唔好睇錯, 又叫我返屋企要睇幾次, 好似我係三歲小朋友咁, 我係家長啫, 唔係小朋友, 如果係小朋友, 佢咁小事都咁緊張, 小朋友聽到都好大壓力。

Rank: 3Rank: 3


226
發表於 11-5-21 01:23 |顯示全部帖子
我今日去d老師都好nice,走個時又有同我地講bye bye,冇見到黑面
係有1,2個講d態度麻麻

Rank: 3Rank: 3


226
發表於 11-5-21 01:24 |顯示全部帖子
我都唔記得左問佢地幾時派書,你地有問到嗎??

Rank: 2


96
發表於 11-6-29 02:17 |顯示全部帖子
D老師口黑面黑好正常吖,遲D仲有大把你哋估唔到既野發生tim,唔係嚇你哋,多D問小朋友响學校發生既事,不過都未必有用,要睇你小朋友既性格,老師會幫小朋友洗腦,返到屋企都未必會同你講,總之小心....      祝你們好運....

Rank: 3Rank: 3


484
發表於 11-6-29 12:02 |顯示全部帖子

回復 11# wpk1030 的帖子

點解咁多你呢d人要抹黑d幼稚園,講真,間間學校都有好有唔好嫁啦,以訛傳訛....我唔知道你本人 / 你的小朋友係呢間學校有過乜野遭遇 / 陰影,但你的說話,好似有d恐嚇成份,不如你講白d啦,小心,小心d咩?祝好運喎...邊方面先??

Rank: 4


780
發表於 11-6-30 17:48 |顯示全部帖子

回復 11# wpk1030 的帖子

不如你講下啲例子黎聽下啦, 我都知佢地啲老師唔好架啦, 因為我之前有個朋友響入面教, 其實係老果批老師冇咩愛心。

Rank: 2


96
發表於 11-7-1 02:08 |顯示全部帖子

回復 2# 蜜蜜斟 的帖子

1)我呢d只係識得抹黑你心儀幼稚園既人,所以我講乜都無用,你咪自己慢慢感受吓囉(講多哂氣)
2)我小朋友係呢間學校有過乜野遭遇 / 陰影,我無須向你交代(無謂恐嚇你)
3)恐嚇???你明唔明恐嚇係點解呢???你覺得我邊方面恐嚇呢???
4)小朋友去邊都要小心架啦!
5)祝好運...祝你日日行好運

Rank: 2


96
發表於 11-7-1 02:20 |顯示全部帖子

回復 2# blueblueblue 的帖子

你之前有朋友响度做,佢無話你知學校有咩問題咩?點解仲比你小朋友去讀呀,其實你覺得間學校有咩咁好呢?

Rank: 3Rank: 3


484
發表於 11-7-2 09:52 |顯示全部帖子
多謝哂!!!!

Rank: 3Rank: 3


484
發表於 11-7-2 09:54 |顯示全部帖子
回復 13# blueblueblue 的帖子



佢驚講d例子出黎,會嚇親我地大家麻,人地咪講左囉,所以佢應該唔會講架喇....
9月開學,我地自己慢慢感受下啦

[ 本帖最後由 蜜蜜斟 於 11-7-2 09:55 編輯 ]

Rank: 3Rank: 3


226
發表於 11-7-2 17:36 |顯示全部帖子
不如我咁講啦
其實間間學校都有好同唔好既老師
我大女,k1,k2讀左一間,上至校長,下至嬸嬸都好好既幼稚園,無奈因為要搬屋,所以k3要轉到去另一間幼稚園
k3個間,除左1,2個老師係好的,其他都係hea,出份糧咁
甚至,老師因為阿女因為寫字寫得慢而打阿女個頭..
所以到細女,我唔會報家姐k3個間.

點解我會揀聖心,因為我覺得,聖心學到野
雖然係深,但對小朋友上小學,未嘗唔係一件好事

係呢到,我睇到好多都係話學校唔好,
老師冇愛心,又洗小朋友腦....等等.
但係,如果真係咁負面,點解仲有咁多家長
要同小朋友報呢間呢??

用另一個角度睇,不如當係老師對小朋友有要求
希望小朋友會學到野

有時我覺得,而家d家長個個都當自己既小朋友係寶
小小委屈都唔受得,攪到咁多港童

我有個客都講,叻個d,老師會對佢地好好,冇咁叻可能
待遇會冇咁好,其實我都預左.
但是否好似之前既post所講,d老師咁衰,過多2個月,我地呢一班媽咪就會好清楚了.

最後,希望我地2011-2012開始k1既小朋友,有一個愉快既幼稚園生活.

Rank: 2


65
發表於 11-7-2 21:44 |顯示全部帖子
我話wpk1030講的是事實。不過,我地講咩都無用,要自己經歷才知道,我個仔都退學了。

Rank: 4


780
發表於 11-7-4 18:24 |顯示全部帖子
其實咁講啦, 點解我仲比佢去讀, 係因為我覺得而家啲小朋友太保護, 我亦唔想自己個小朋友變港孩, 經歷唔到錯敗, 唔比人鬧得話得, 小小事就話投訴自殺, 讀書既階段你可以好保護佢, 但到出黎做野就要真正面對一個好殘酷加現實既社會, 到時唔通佢20,30歲先同你下下講阿媽我唔做啦! 試問當年自己咪又係會比老師打手板同埋鬧之中長大, 係而家啲家長放大晒所有野, 以前我地阿媽點會識投訴。

我亦聽到呢間學校老師會用書打小朋友個頭, 但係佢地都係因為唔尊心唔留心懶散, 所以會咁做, 當然做家長一定會肉痛, 但係咪就係要佢地知因為唔尊心所以會咁樣。

雖然好多人讀得唔開心, 但係我亦見到有小朋友係返得好開心, 加上我見啲小朋友寫字好端正, 我亦希望自己個小朋友可以寫得好一手端正既字, 再加上我個女個名有個字, 係我報5間幼稚園啲老師都寫錯架, 唯獨是呢間幼稚園, 佢啲老師寫對呢個字, 所以我就決定比佢讀。




原帖由 wpk1030 於 11-7-1 02:20 發表
你之前有朋友响度做,佢無話你知學校有咩問題咩?點解仲比你小朋友去讀呀,其實你覺得間學校有咩咁好呢?