瘋癲小學, 苦了小學生。

yovin

我也同意啦

ms.aeroplane

以前我都係填鴨,但冇E+果D填得咁癲LAW...填到D程度三級跳.,功課多到嘔...!人地西方教育,咪一樣出好多人材....!!!

yinglongma

其實p5先用英文數真係好遲, 我女現k2, 都是英文數, 我擔心第日佢小學是中文數, 她看不明題目呢.

至於past tense, oxford reading tree stage 2果d, 全部都是用past tense寫的, p5先教past tense真係幾遲. 我女沒有學grammer, eg slept我會解釋昨天或之前睡就要用slept, 每日都睡就用sleep, 讓她明白兩個字是一樣的, 只是不用情況有不用的使用. 我發覺她完全明白. 所以不要低估小朋友, 當然不要過份摧谷啦, 遇到時, 可以早d解釋佢知就得了.

小謙伯伯

很多人有個想當然的誤會, 以為 simple present tense 是英語動詞的基本形式 (basic verb form), 按部就班學習應以現在式為先, 好整以暇才施施然進入明顯變化了作 past form 的過去式.

事實是 simple present tense 不等同於 basic verb form. 若以時態的形式來說, simple past tense 其實是較 simple present tense 容易的.

Simple present tense 主詞若是第三身單數 (3rd person singular), 動詞的形式便有所變化 (要加 s 或 es). 也就是說, 運用時除了時間 (time) 的考慮, 還要有人稱 (person - 1st, 2nd, 3rd; singular/plural) 的概念和讀音的警覺 (字尾收音 'si lee sa la' 便要加 es).

相對來說, simple past tense 時間上很簡單, 過去就是過去. 形式亦只得一個 (就是不規則動詞表上列出的那個, 其他一律是 +d/ed 使成 ed 尾), 沒有額外的變化.

文法 (grammar) 是語言的法則, 除非十分刻意約束表達的範圍, 否則由把單字組成句子的第一天開始便要面對 (幾分鐘前發生的事已是過去, 用 past tense; 蘋果多於一個便有個s). 這在有形式變化的語言 (英語是其中之一, 但已簡化了不少)尤其突出.

在下認為, 除非父母當中有 English native speaker (我們Cantonese native speaker 也大概不會提醒孩子: 你食左飯未呀? 係問過去, 要有個 "左" 字喎), 或是自覺英文極之有限公司, 完全把教導責任交給學校, 否則很難想像教導孩子英語時完全不提及那些基本的 grammar point. 不是說煞有介事地拿著文法書跟孩子鑽研, 而是因應情況和需要解說. 況且蘋果為何這裏有s, 那裏沒有; '去' 明明話係 go, 但十次有七次都寫 went 讀 went, d 大人仲當佢透明; want 字哩度又加左個 ed, 老師還要我 TED 出黎, 偷下雞都唔得. 小孩子無可能視而不見, 聽而不聞. 之所以乖乖地 '存而不論', 不過未懂得查根究柢而已, 並不是沒疑問.

我陪小謙閱讀, 面對常用的不規則動詞 (如 go, eat, take 等), 很早已同時教他唱誦另兩個 form (go, went, gone; eat, ate, eaten; take, took, taken), 縱是毋須即時進入文法講解, 也讓孩子心裏有個底, 知道這一組一組拼法不同的字, 實在是同一字的不同形式. 有些人可能會問, 那個 past participle 是否來得太早? 日後學到各種 perfect tenses, passive voice 和 participial adjectives 的時候, 你就知道這 '學字學全套' 的做法是個方便之門了.

恩林

我好讚同每個小朋友能力唔同, 學校深淺好難畫一定論~!!
我小朋友宜加小一, 係民生讀, 佢宜加已經有學英文數, 當然係中文數為主, 當初初見到dd英文數時, 我都有好樓主咁諗, "6歲人仔點會識呀~"
但大半個學期都過了, 宜加小兒對上學期的英文數已理解好多, 做下學期的英文數WS時都唔洗查字典了.....
所以有時唔好低估學校對小朋友的安排, 亦唔好低估小朋友的能力....

至於past tense, 初初見到學校的英文WS時, 佢地嘅comprehention都係用past tense說明, 因為成篇都係故仔, 當然小朋友唔係好明個別動詞嘅意思, 但佢地係明白大約意思嘅~
所以我又覺得唔洗太擔心佢地會唔明喎~~
做多d會好d架~~!

補多句, 其實如果有讀公文式dd方間學社, 佢地係數學都係用英文架~~

haha! 又補多句, 如果要分班, 我覺得最好分乖仔班, 同曳仔班........hahahaha

[ 本帖最後由 恩林 於 11-5-29 12:21 編輯 ]

CatEgg

看到這裏,感到香港教育徹底被家長們"貴族化"了。
家長無知識的:孩子不要入名校,因為家長不懂教,除非你有錢請補習老師長期跟著孩子。
沒錢的/家庭負擔大的 : 孩子不要入名校,家長為口奔馳,恐怕也沒有錢請補習老師。
還有,所謂精英班,不過只家長付出大量金錢、學校將資源(老師、教材)投放得最多的一班,其他普通班的孩子怎辦?誰理他們的需要?
別說現今的老師無情無義,每天花那麼多時間出教材、改卷、文書工作,還有時間理會孩子的德育發展嗎?老師連自己子女都沒時間理會了。
社會富人和窮人的分化越大,社會再沒有upward mobility,一個社會的進步,不只是一少撮人在進步,其他的原地踏步或退步。只有一小撮人進步,社會只是在退步。

恩林

宜加唔會la....政府貼錢助窮人, 上網資源, 又遊學....... 我覺得唔係窮人唔好入名校, 係唔上唔落個班學生, 唔係入讀至真, 政府冇補貼, 請補習又吃力....

窮人進步, 迫使有錢個班要更進步, 咁中間個班真係好慘了~~!

CatEgg

我又咁睇,政府比錢上網,都要家長有錢買電腦,好多低下階層連電腦都買唔起的。
$3000遊學,最後賺佐的是辦遊學團的旅行社。依家的遊學團已經咁貴,日後旅行社見有政府條大水喉,費用一定更貴,$3000可能只係去到廣東省的遊學團,去黎做乜?政府成日做d所謂社會融和,其實就分化緊社會。

lumijuli

我都覺得幾....啊....

其實我小學都係普通小學...
小學學的咪又係中文...
我又唔覺我現在英文真係差到見唔到人..
不過我本身語文能力差.... (中英都差, 吹水能力奇差....AS 文化F...但已經係好努力地吹) 所以...

我唔知係唔係真係好多中產家庭呢?

我知道我的女兒是中國人
所以第一樣想佢學好的是中文...
英文要好, 但係係次要囉...
我唔會當母語噤教...

其實拼音系統又唔係話唔好喎..
不過我真係覺得俾母語係英文的人, 才有好的功效...
對我的女兒來說, 學完拼音...D英文書咪又一樣唔想睇...D 字又一樣唔知點解....

cccolin

我好同意^^

麥兜媽

攞命