心痛

penpenvivi

我個囡3歲,性格好動,唔係好識同人相處,有時會打人,佢學嘢都快,老師都覺得佢聰明,佢返學行為唔太好,但2個老師用好多方法幫佢,半年後開始坐定上堂,我自己湊佢,有時都會灰心同覺累.

我發現佢有小小阿氏保加徵狀,對某D行為好堅持同重覆,對陌生人,環境會失控,10樣中7,8樣左右.

入正題,今日同某家人食飯,囡兒失控,佢俾家人鬧左好耐,喊到臉好腫,而且呢位家人係長輩,好似覺得我地兩公婆教唔好佢,我好心痛因囡兒喊左好耐,我好想講出嚟呻下,呻完.

crystal媽咪

你察覺到問題存在, 不如諗下點樣幫囡囡啦, 如: 做評估, 就算唔做評估住, 都搵下有無一d有關情緒 / 社交的course幫佢 / 安排佢同小朋友玩, 從旁教佢點同人相處或分享, 否則無端端佢唔會識得同人互動同相處的.

penpenvivi

原帖由 crystal媽咪 於 11-4-23 16:14 發表
你察覺到問題存在, 不如諗下點樣幫囡囡啦, 如: 做評估, 就算唔做評估住, 都搵下有無一d有關情緒 / 社交的course幫佢 / 安排佢同小朋友玩, 從旁教佢點同人相處或分享, 否則無端端佢唔會識得同人互動同相處的. ...

多謝你回覆,你講得啱,因為我都因為過面子,佢發脾氣而好小同佢去活動,而家改左,有去學課外活動,佢進度都幾好,雖然都係唔理其他人,(但老師就好鐘意),但傷心因為親人都唔包容佢.

kmmum

我囡囡數個月前在學校咬同學,抓同學. NURSERY 老師話她OUT OF CONTROL, TOO ACTIVE,懷疑ADHD. (NURSERY 是國際班,全外藉老師).活動教學. 我以後囡囡在活動教學,會學得開心. 結果.. 是我QUIT SCHOOL. 連原本有的K1 位. 校長要我先帶囡囡去做評估,才'再考慮' .  整整一個月,帶囡囡見兒科醫生,言語治療師.上ADHD course. 綜合各種意見, 囡囡因言語問題,表達不到意思. 所以傷人. 曾經有位屋村校長說[你囡囡外表斯表, 殺傷力咁大] .我當時喊左好耐, 兩歲半人仔... 又不是殺人兇手.  後來.上個月,找到一間普通pg ,導師很有愛心, 加上中文教法. 囡囡講左多中文. 亦控制到情緒. 不過,我仍然擔心她會挑到小朋友,所以,每次帶她外出.加倍小心及緊張..

penpenvivi

係吖!我同囡囡出街都會緊張,怕佢影響人,食一餐我都好累,因佢無時停,以前介意其他人話佢百厭,但睇到有個自閉小孩嘅媽咪講:爹地媽咪一定要包容,因為其他人已經唔會包容,如果連我地都唔包容,小朋友好無助!
想問下你去邊做評估?因我囡語言無太大問題,係有小小咬字唔清,所以都想CHECK.睇下點幫佢.
大家加油!

marcoli8

原帖由 kmmum 於 11-4-23 23:26 發表
我囡囡數個月前在學校咬同學,抓同學. NURSERY 老師話她OUT OF CONTROL, TOO ACTIVE,懷疑ADHD. (NURSERY 是國際班,全外藉老師).活動教學. 我以後囡囡在活動教學,會學得開心. 結果.. 是我QUIT SCHOOL. 連原本有的K1 位 ...

可否pm我在哪裡test? Thx~

kmmum

我是在下葵涌做TEST. 當時囡囡歲半,言語DELAY, 健康院寫左轉介信俾我去下葵涌.
(1) 10年10月 下葵涌姑娘接見囡囡 ,評估囡囡只是言語遲, 無大問題.
(2) 10年12月,NURSERY 老師話囡囡抓人,咬人.
(3) 11年1月, 囡囡再犯, 於是.我立即打去下葵涌. 佢地SEND 左兩份問卷. 一份俾老師, 一份俾家長.
老師填囡囡的情況是'非常嚴重'
(4)11年2月,下葵涌話排期半年以上.  BUT 如果有家長特然有事唔去.. 而我又肯立即去補上, 便排得快.
SO.. 我分左兩日去見言語治療師及兒科醫生.
同一時間. 我報左. 朗研社.http://www.creativepowerhk.com. 佢地有個小組俾ADHD 小朋友上.   囡囡上了一個月. 導師話囡囡唔係ADHD. 上堂合仍,從無抓人及咬人. .
現在轉了中文PG . 改善了很多.  

原帖由 marcoli8 於 11-4-26 04:39 發表


可否pm我在哪裡test? Thx~

kmmum

我囡囡出街食飯,都係坐唔定, 周身郁. 朋友的仔仔囡囡坐定定..我囡囡坐唔夠15分鐘. 便周身郁. 一時話VV. 一時話洗手. 總之搵唔同理由.要落地.
不過, 我發現, 囡囡係蝦父母.  她和公公婆婆一齊飲茶, 可以坐足全程. (半小時至小時).

原帖由 penpenvivi 於 11-4-23 23:38 發表
係吖!我同囡囡出街都會緊張,怕佢影響人,食一餐我都好累,因佢無時停,以前介意其他人話佢百厭,但睇到有個自閉小孩嘅媽咪講:爹地媽咪一定要包容,因為其他人已經唔會包容,如果連我地都唔包容,小朋友好無助!
想問下你去邊 ...

rm_hk2001

我家姐個仔今年12歲啦, 2歲時都只識講爸爸媽媽, 佢平時好乖, 但係就會間中發脾氣, 個個都同我定姐講話小朋友係咁,慢慢教啦, 點知上到k2,k3毛學校叫佢做評估先知阿仔有語言障礙&學習障礙.

其實,如果你發覺或者有人同你講你個小朋友有啲問題,先唔好發脾氣, 自己留意下然後再搵評估,因為評估時間唔會長,好多資料或者情況要靠家長提供

kaka1128

我囝囝同你個囡情況好似, 又係好鐘意打人同埋學野好快.不過我個囝就好怕陌生地方同陌生人.
我覺得你唔好太介意人地點睇自己同埋你囡囡, 因為每個父母都好應該包容仔女既好與壞. 而且要搵方法去改善佢地既問題. 如果你擔心囡囡有問題既話, 可以帶佢去健康院見左姑娘先, 之後佢地會睇下你囡囡駛唔駛再見醫生OR轉介去做評估.
我都比人話我個囝言語DELAY, SUGGEST我帶佢做自閉証評估, 所以我都帶左佢去健康院同埋帶佢去朗研社上堂, (唔係想幫佢地賣廣告), 佢情況真係有進步, 而且我將佢既問題同導師傾, 佢地都會教我D方法去教導佢. 所以你可以去試下~~~