仁立紀念小學家長區(3)

wwlinda

你好, 我的囡囡今年K3要選學校了, 想問大家現況在仁立讀的情形, 功課, 老師, 上課, 食午餐及默書情況?

黃巴士

記憶所及 :－

功課：　P.1功課不多, 有2位班主任.
功課壓力不大。
Ｐ。３起有精英班
午膳　：　美利　（ＳＯ　ＦＡＲ　ＯＫ）
默書　　：　約１０天一次　（中＆英）
中文教授中文，　有普通話堂。英文堂英文教授，　每星期１次外籍老師教上英文課
老師       :　大多很有愛心＆熱心工作，　十分關愛學生
上課　　：７：５０－２：３０　
有家教會
全期兩測兩考
全面課外活動，　很多校外表現＆比賽。
校風ＶＥＲＹ　ＧＯＯＤ。

CLK66

請問有無暑期課程?

有沒有游泳班? YMCA游泳班?

那種課外活動會有校隊呢?

黃巴士

原帖由 CLK66 於 11-5-6 17:56 發表
請問有無暑期課程?

有沒有游泳班? YMCA游泳班?

那種課外活動會有校隊呢?

你是否仁紀家長???

violetma

這間school學術上ok的，but行政上就好差，只有佢講你最好不要問，家長的意見佢好少理，你真係忍得先入來。

violetma

至於課外活動就係家教會辦的，請外面的機構回來教，學校老師係唔參與其中的，so好唔好就好靠間機構啦！導師唔好，你向school投訴佢都唔會正視的，仲句句都幫住d導師架！唉!總之問親野都成肚火啦!

黃巴士

原帖由 violetma 於 11-5-8 00:15 發表
這間school學術上ok的，but行政上就好差，只有佢講你最好不要問，家長的意見佢好少理，你真係忍得先入來。

你有咩唔好經歷??
SO FAR, 我每次同老師/副校答問會反應問題, 佢地都有改善喎. 除左些難處理問題, 如蚊, TOILET.  但我都覺得校方好盡力去做喎. 副校每次仲解釋好耐, 連LUNCH都遲食, 好有HEART喎.
雖然我不是家教會, 但覺得家長會都好有力量, 起碼你問佢知, 佢會解釋好DETAIL囉, 可上仁紀WEB SITE課外活動欄了解吓, 有些課外活動-運動/國畫/音樂是外判教練的. 我試過有意見, 反映後, 都有改善呀.EVEN 校服, 午膳, 校車都有全面架構, 如校車公司- 都有轉過, 聽講校服公司來年都接受再投標........

黃巴士

黃巴士

原帖由 violetma 於 11-5-8 00:40 發表
至於課外活動就係家教會辦的，請外面的機構回來教，學校老師係唔參與其中的，so好唔好就好靠間機構啦！導師唔好，你向school投訴佢都唔會正視的，仲句句都幫住d導師架！唉!總之問親野都成肚火啦! ...

你講邊樣課外活動???

violetma

係芭蕾舞班呀! 上堂只有導師一個對12個小朋友, SO佢做咩都冇人知架......只有小朋友出聲我地先知小小的, 連學左咩我地都唔知架, 我個女上了就快2期, 但都冇見佢返來跳D咩舞步比我睇......後來問下問下就發現原來個導師好唔得, 亞女話佢上堂有幾次都成堂係甘玩電話, 只叫佢地每個動作做一百下, 唉!! 亞女真係做到頭好痛好暈先會出口問我可唔可以唔上堂的.......後來我都同佢講我會搵主任傾下, 叫佢上多次先! 點知同平時在門口捉人遲到的李主任講就令我好嬲啦! 佢第一句就幫住個導師啦! 話已同依間(佳佳)合作了好多年,佢對D師資好有信心甘話, 仲叫我要返去教育自己個小朋友在做唔倒的動作時一定唔好硬來及要出聲喎!!!唉............我真想問....主任你有冇心幫我架........為了此事我真係好嬲......當佢甘答我時, 我已明白SCHOOL係唔會幫我的了, SO後來我就自己打比(佳佳)投訴了, 當然人地個邊都會安撫下我啦! 最小說話上都正面D呀!! 之後亞女都話個導師已冇再甘離譜了, 仲話幫佢地排舞在7月畢業禮上表演添!! 唉........對SCHOOL我都好失望, 其實仲有好多方面我都覺得佢地做得唔太好架, 好似D試卷甘, 成日都印錯一兩個字的, 究竟有冇人對過先印架......仲有呀! 我地唔出聲唔打去投訴佢地都唔當我地D小朋友係人架, 有次放完農曆新年假後得6度佢地仲一定要D小朋友到地下放小息(仲話甘多件都係甘的), 後來亞女返到HOME就爆了SCHOOL好凍都要佢地到地下小息比我知, 唉!! 我即時嬲到爆, 就打去大鬧了一大頓!之後個日就即刻唔駛落去放小息啦!! 甘你地話呀? 下下要曹餐勁佢地先會做野,,,,,,,,,,有冇攪錯呀!!

csy_ma

原帖由 violetma 於 11-5-8 00:15 發表
這間school學術上ok的，but行政上就好差，只有佢講你最好不要問，家長的意見佢好少理，你真係忍得先入來。

Violetma：

您話學術上OK，咁即係滿意老師既教法、付出同整體學校程度？至於行政上＂好差＂，以您既反映，係因為

經歷一：課外活動佳佳舞蹈學校表現不佳，您找訓導主任投訴，意見不受重視。

經歷二：要學生冬天照常到雨天操場小息，您打電話到學校投訴，翌日學生才不用捱凍。

經歷三：考試卷往往有一兩處錯誤。

還有其他嗎？

Kswiss已跟您解釋過，您投訴佳佳，應找負責課外活動的朱主任，李主任可能覺得朱主任太多事情要處理，嘗試先行平付家長情緒，結果反致不大好的效果了。

我同您講，唔只Kswiss，我都投訴過佳佳，有一年，我仍在做家教會委員，直頭想煮重佢米，於是向所有課外活動發出調查問卷，請大家家教會委員幫忙做統計，可惜的是，就算我好想整走既佳佳，滿意既人數都係多過唔滿意既。朱主任亦就唔滿意既意見向佳佳進行多次溝通，結果佢有得留低，我則因各種原因選擇唔再參選家教會。

結果佳佳唔夠人跳高年級校隊，都有拉夫搵我囡去跳，但我囡發現教既唔係之前既老師，跳既舞又程度低少少，結果交咗錢都死都唔肯去 我覺得課餘興趣班既然以興趣為主，都冇得逼既。加上佢星期六日都學好多個鐘跳舞，唔參加校隊都唔係損失，咪唔去囉。

其實，仁紀家長成日要同學校反映意見既，通常唔係教學既問題，最常見既反而係校服質素，然後係校車同飯商，跟著係個別校外活動等，反而不大受家長好評既老師，可能因為會通過每年最佳老師選舉現形，所以有些已退休了，有些亦有改善。

至於校服質素，學校都幾被動，因為以質見稱既校服商嫌我地校服款式較複雜，錢唔係咁見賺，所以報價特貴。前幾年，我仲做緊家教會時，聽聞佢地要三百幾蚊一件校褸，貴而家既成倍。
我係家庭主婦，買餸就知家陣通脹其實好厲害，大陸貨源既食材，幾個月價錢已三級跳。但係我地既校服加幅其實唔算嚴重，大概係學校唔願見到加太多，校服商自然唔肯做蝕本生意，將貨就價既現象便難免發生。

飯商既情況應該都類似。好老實，無論揀邊個飯商，肯定都有小朋友食唔慣，呢個情況，應學似其他學校咁，黎個假民主一番：搵日邀請盡量多既家長返學校進行試食，食後即場公開投票。咁只係封住家長既口罷了，估計投訴一樣有。仁紀既行政政策略偏保守，首先係食物安全第一，味道第二，仲要求飯商可退錢予請假同學，又要可免費添加飯餸，所以唔係好傾向用大集團唔會遷就個別對象既飯商。
我以前做家教會時有時都要留校買飯食，當時真係唔覺得飯商既野難食，相對來說，仲可以話係水準不錯。不過而家食材貴咗咁多，價錢又好似冇咩點加，水準如何就真係唔知，我小朋友今年亦冇搭飯了。

校車問題－－我向來不大清楚，只知道生意難做，連管制較少既保姆車都有向來不少客源既公司結業，學校響呢方面仲有幾多牙力真係木宰羊。

csy_ma

至於您話學校好少理家長既意見，響您既經歷二之中，其實提出了相反既例證：您通過電話可能不算友善地提意見（有留名和聯絡嗎？），學校翌日都從善如流，按照您既傾向處理了。

可能您唔識家長響隔鄰街既舊校讀？呵呵，我覺得新校既管理層重視家長意見（最小係盡快處理，未能符合家長傾向既亦解釋清楚），恰恰係同舊校既最大分別。我老公個妹而家仲有返舊校同老老師傾偈，果D老師成日評而家富訴求意識既家長不知所謂，好似投訴佢小朋友好多功課做唔切咁，老師話：隔鄰街學校功課少D，駛唔駛我寫字介紹你個仔過去讀？

仁紀每年都有家長意見調查（但係係具名既，附響學生放學後情況表之後），副校話每一張佢都有親自睇。加上一年兩次茶會，你敢講，佢就會跟進同處理。當然，我都未致於認為學校行政上好完美，我識好多曾經響學校花咗好多心力既家教會委員，都因唔同既理由退選，都覺幾可惜。但係，真係唔可以因為果班可能揀唔落手既合作機構，而抺煞咗學校管理層同老師既努力，家長揀校，係揀課外活動機構定揀校風？

可以自己諗清楚。

[ 本帖最後由 csy_ma 於 11-5-9 13:53 編輯 ]

csy_ma

至於考試卷有錯咁，我囡都常遇到。不過，我以前都做過報紙雜誌既編輯，一份稿，起碼經六七重人先出得街，咪一樣有錯？有時仲係80point頭條字添。所以，我覺得考卷有錯係唔啱，但係可原諒。
就算特登搵個資深既兼職校對都會睇漏眼，何況D老師一個蓋冚幾個鍋？您情願老師既注意力同專業集中響教人，定係校對度（老實講，隔行如隔山，就算我自認係一個OK既文字編輯，但係校對功力都絕不及校對老師傅，唔好睇少，校對都係一門專業黎既）？

csy_ma

順便講返佳佳：妳地唔覺得佢好多年冇咩攞過金獎，連銀獎都好少攞？搞到D老師覺得攞金獎難如登天？（其實據阿囡曾當過多次舞蹈比賽評判既舞蹈老師講，銅獎大概係合格既分數，佳佳除咗老師比較有心機教既西方舞外，通常都係攞到銅獎）

呵呵，呢D咪係能力問題囉。我個囡，舊年自己同三個一齊響外面學舞既小四五女仔，為參加佢地老師搞既校內比賽而自己編舞，結果瓜分咗老師既一年獎學金；後來隻舞俾老師係咁耳執執，都攞到公開舞蹈比賽金獎，所以佢冇響學校度哂時間都好啱。

我囡響仁紀學唔到跳舞，但學到響學校守規，英文亦因老師鼓勵愛看課外書，所以都唔覺得有幾可惜。

csy_ma

原帖由 seven_cola 於 11-4-30 00:45 發表
很久沒有留言.....我的女兒.....
http://hk.myblog.yahoo.com/seven_cola/

可樂媽媽：

我諗妳幫悅悅改個咁既名，係想佢開心，亦想家庭都開心。佢可能係上天派落黎睇吓妳地對＂樂"呢個字有幾深理解既天使，請接受並越過上天既考驗，在家庭裡，讓悅悅的正向精神常存

csy_ma

原帖由 cookie 於 11-4-29 18:05 發表
唉, 想起6月考完試返半日就好頭痕 您地有冇呢個煩惱呀

可以試吓問學校可唔可以六月加入更多既課餘興趣班？因為活動班會響食完飯後先上，上完後都幾接返平日正常放學時間，唔知可唔可以一日報兩個活動，咁就可以同返全日差唔多？

cookie

嘩, CSYMA您終於返左黎喇.....

原帖由 csy_ma 於 11-5-9 14:05 發表
至於考試卷有錯咁，我囡都常遇到。不過，我以前都做過報紙雜誌既編輯，一份稿，起碼經六七重人先出得街，咪一樣有錯？有時仲係80point頭條字添。所以，我覺得考卷有錯係唔啱，但係可原諒。
就算特登搵個資深既兼職校對都會睇漏眼，何況 ...

csy_ma

原帖由 kswiss 於 11-5-9 19:13 發表
哈哈! 我正想咁講, 真係要多謝有家長問問題, 又講下對學校既不滿, 令到 csyma 係百忙之中也抽空同我地見個面.

呵呀，您們兩位…… 我好歹也算在這打躉的常客，怎麼會用如此反常的歡迎辭？唔通變咗學校既辯護士？我其實都有不滿，例如對佳佳 不過讀到咁高年班，高年班既老師基本上都係俾個心出黎教既，都響返度啦？

係勒，妳地會唔會去下周二既座談？周一通知下周二下午有座談，會唔會遲咗D？老公呢個月既例假mark晒，所以佢都唔打算去咯。我估，佢既然咁匆忙出通告，又安排響周二下午，大概都係普通料既一般介紹？
第一次呈分都未考，而聽講呈分試成績好易同經常表現有幾大分別，我諗個座談應該就冇咩針對性，係普通講一般既選校策略？（聽講某年校長剩係叫家長多多多揀林護，唔好成日俾仁立既學生攞埋仁紀既位咁話）

係勒，妳地響升中派位果邊，睇到林護今年因為有廿個拔尖，榮升到全港第三，有冇心動？我都有過架，跟住問老公，佢可能受一家四口都係林護畢業生、但都憎到林護死既熟同事影響（果位同事當年都係被拔尖既暫取生），堅持唔受排名既誘惑，情願諗萬一阿囡派到去沙田，點樣唔賣樓又住近學校，諗到頭爆……

不過以來年既環境，加上曲奇妳話安柱為咗追成績，變成林護翻版甚或可能仲辛苦，咁頭三四十名既，好可能穩穩陣陣揀返林護好過？今年可能都真係會多咗仁紀既家長如校長所願，多揀林護添

我地未睇李兆基，之前聽黃巴士同Kswiss妳地兩位報料，都真係好想去睇吓。明年既形勢險峻，跨區除非揀低一線，否則機會都幾＂脗＂。不過阿囡死唔肯鬆口放棄沙田培英，我地可能都會自行咪佢試吓。之後除咗心儀冇咁辛苦既女校外，剩低既都已經唔係好識揀，對於伍若瑜夫人、保良八三、陳兆民、完全等，各位有乜心水？睇過排名，原來善德都好唔差，點解咁少仁紀生去讀？唔通都係受不了檸檬黃校裙？

本來我地諗住最後揀返間荃灣既band2李城壁補底，但發現原來佢既排名偏低，葵青既band2可能仲多選擇。不過，如果派到band2中或尾，咁可能跨區去沙田上直資好過？？

唉！識得今年小六既家長，放棄咗冒升緊直資既offer去等抽獎，才得悉佢果區縮班兼派咗D位俾第二區，搞到佢既目標學校剩返好少位 最近見佢，佢都囉囉孿，幾後悔冇選直資咁話……然後，又不斷左諗右諗，仲要諗多兩個月呀，陰功 ……咁高低起跌既心情，唔知會唔會係我地明年既寫照？千禧龍年+縮班……都唔知邊個諗出黎既

[ 本帖最後由 csy_ma 於 11-5-11 14:10 編輯 ]