有關飯商投標問題

forever_mum

本人月初做審標（飯商標書）義工，在差不多三十份的標書，學校用三十條問題來評估分數，包括衛生證明、飯商有否營養師等等。最重要的是校長要求飯商可以在學校煮菜給小朋友吃，使小朋友能吃多些有新鮮的綠色蔬菜。上年有很多對飯商、校服、書商等等為何家教會和學校要選擇這些供應商，有不了解的地方，所以今年自己以一個家長身份去求證。今次參加審標使我知道學校對投標是十分公平公正。出席的人有副校長、主任、老師、獨立的家長（我）、家教會的人。
今年我們不用再去校服商公司買校服，這也證明學校有聽家長訴求。有進步，好事。

kiukiuleung

原帖由 forever_mum 於 11-4-4 21:35 發表
本人月初做審標（飯商標書）義工，在差不多三十份的標書，學校用三十條問題來評估分數，包括衛生證明、飯商有否營養師等等。最重要的是校長要求飯商可以在學校煮菜給小朋友吃，使小朋友能吃多些有新鮮的綠色蔬菜。上年有很多對飯 ...

Lovely媽咪

如果多啲好似你一樣既義工家長肯同人分享,就唔會令到其他家長咁多不滿.因呢幾年既家教會都比較神秘,根本冇人知個班人做咗咩?做緊咩?最多就係攪啲家長講座, 一年一次既旅行,呢2年變埋籌款show佢地有冇主動同啲家長溝通?
飯商越嚟越差呢個係事實,前年已經好多人出聲,但今年仍然係呢間,只係加咗啲粉麵,但質數都只係keep到頭幾個月,之後呢...睇番啲試食報告結果都係唔係太好 希望下年真係搵到一間啲質數可以keep耐啲,好彩我仔已經唔駛再食
呢個校長好積極,肯聽家長既訴求,呢點係由頭到尾我都好欣賞 但我始終覺得一間學校既家長教師會都好重要,佢地係家長同學校最重要既橋樑,唔係一有咩事就個個直接去搵校長處理,睇住校長呢幾年越嚟越瘦,都覺得佢真係好辛苦.

forever_mum

Lovely媽咪,你講得十分啱.很多家長都要返工.你話"家教會都比較神秘",我都覺得對.家教會(某些人士)的給我的感覺比較排除外(獨立家長).我的小朋友不喜歡學校的飯,所以我送飯給我的小朋友(只是二個星期).家教會的人會在場,我也想跟她們交流心得不是飯商,還可以做個朋友,但十分可惜講唔到二句,就只是見到她們的背脊.唔理我.獨立家長也是學校的家長.
Lovely媽咪,我仲有排受.(我個小朋友只是小一.二)

Lovely媽咪

呢個就係問題la,可能我仔剛剛一年級時個家教會同依家好唔同,好多嘢都好open,亦好樂意聽家長既意見,亦有機會俾我地同級既家長有定期既聚會,所以有咩問題都好容易問到其他家長,唔知你地依家多唔多識到同級既家長呢?依家有個好奇怪既現象係家教會既人好似高高在上,好少主動同其他家長social,同依家啲港姐一樣,選完好快冇人記得係邊個仲有好怪既就係呢幾次既活動居然上任會長仍然有份參與,同埋佢出現係學校既次數分分鐘多過現任既人,特別係午膳時間,可能佢同班午膳義工比較熟啦,但感覺有啲奇怪.
以上只是我個人感覺,如有不對請見諒

[ 本帖最後由 Lovely媽咪 於 11-4-9 15:44 編輯 ]

forever_mum

Lovely媽咪我絕對同意你的說法,(上任會長仍然有份參與)我也看到她.

kimami

Lovely媽咪, 妳就好啦捱埋呢年就bye bye喇, 我由頭再捱多六年至走得呀....亞仔走, 到亞女嚟, 唉...冇妳盞明燈都唔知點算好

forever_mum, 妳小朋友都有小一二都好呀, 我女今年至升小一咋, 我仲有排受至啱呀...不過都要請妳多多指教

Lovely媽咪

原帖由 kimami 於 11-4-19 00:22 發表
Lovely媽咪, 妳就好啦捱埋呢年就bye bye喇, 我由頭再捱多六年至走得呀....亞仔走, 到亞女嚟, 唉...冇妳盞明燈都唔知點算好

forever_mum, 妳小朋友都有小一二都好呀, 我女今年至升小一咋, 我仲有排受 ...

明天會更好既...我地最慘個幾年(1-4年級)都捱過,之後應該越嚟越好,放心...不過到時你要煩阿女適應小一,又要煩阿仔適應中一都幾慘,唔知我地個仔會唔會中學都係同學呢

Gogeta

您好！請問家教會有邊幾位家長呢？同埋佢哋有無做義工架？

KK168

有進步是一件好事, 只要凡事公平, 公開, 公正, 緊守作為教育工作者的 "教育良心" 定能有循環效應, 反之亦然,孩子返學返得好, d 家長自然願意無限量地去為學校(真心)付出, 其他的就像 fans club 一樣, ""投其所好, 各取所長""
傳統名校出生的除了人脈甚廣外也秉承了愛面子的性格, 別因一時的 "前呼後擁" 而忘記自己所在的位置,今日一時三刻的面子何足掛齒, 他日孩子能載譽而回才是你的榮耀, 努力吧!

Jo3