係香港教養一個特殊需要小朋友真係好吃力

pocoyo123

亞仔仲有4個月就由S位轉返出K3,(亞仔今年足6歲), 原來OT話之後政府都無乜支援比亞仔, 最多有三五堂跟進下, 之後就要自己攪掂 ? OT同我講好無奈, 希望呢4個月追多D, (因亞仔抄寫比同齡慢), 佢都話政府係咁樣, 你搵下出面有無OT幫到手!!!
我地呢D星斗市民, 稅就要交足, 乜野都要自己諗, 唔通無$就自生自滅........................

kelvin_hmlau

係呀, 你仔由S位出呢, 應該轉返E位, E位係去到六歲. 上小學就得返紙板人/橡皮圖章: 心理學家同社工. 到時就"食自己" lar, 無計.

另外, 我都"鄧" d家長無錢做訓練, 同無危機意識的自閉兒憂心. 希望網友Pat Tsui 個服務中心可以提供到支援比佢地...

olima

六歲前的學前服務屬社署，六歲後就歸教育局，d服務絕對不連貫。

原帖由 kelvin_hmlau 於 11-3-22 10:33 發表
係呀, 你仔由S位出呢, 應該轉返E位, E位係去到六歲. 上小學就得返紙板人/橡皮圖章: 心理學家同社工. 到時就"食自己" lar, 無計.

另外, 我都"鄧" d家長無錢做訓練, 同無危機意識的自閉兒憂心. 希望網友Pat Tsui 個服 ...

huiaudrey

我個仔自閉加弱聽,今年8歲,讀緊主流小學小三,係架,6歲後就食自己架嘞.一年級讀左一個學期轉去一間收生不足既小學,讀到而家,過程真係一殼眼淚.學校有一個言語治療師同社工,我為有有d咩事都搵個社工.
政府無support 我地d小朋友,除非去到好嚴重既case.就入特殊學校, 不過自閉症又未至弱智.入唔到特殊學校.
有時真係好無助架,靠每個月$1300傷殘津貼,比佢去協康參加d活動及治療.
考試叫佢溫書係一個極大既挑戰,因為專注力弱,所以要同佢角力,有時佢死都唔肯溫習,我都無辨法,考得唔好我都算數.唔合格就唔合格啦.
到而家大個左,好左好多.起碼佢明白咩叫將來,我比佢知道,父母會老,老就會死,唔可以照顧佢一世,佢知道如果唔讀書,將來就無工做,無工做,就無$,無$就要訓街同埋餓死.雖然可能太早比呢d觀念佢,不過,呢個真係事實同現實.
係香港,真係好難生存,教養一個特殊需要既小朋友就更難上加難.

autunmbb

我個仔上個月剛比人評估完，見到私家的服務真係好貴，唉，真係好吃力呀～～～

szeszes

好認同... 跟本政府係呢方面無任何支援

咩野都要搵私人做, 而私人做既費用好貴, 講真一般既家庭點支付呀?

pocoyo123

今日去見精神科醫生, 佢話試下幫我排下OT訓練, (好過無啦), 現在亞仔出面上堂已用很多錢, 政府D服務又一路減落去, 人工又無得加, ...............好頭痛

pocoyo123

pipi331
你亞仔現時的情況, 我當年都行過, 不要放棄
add oil

原帖由 pipi331 於 11-3-23 00:59 發表
唉! 大少出去訓練固然系一筆錢.
日日返到屋企 四圍標, 唔肯食飯; 扭到c 要大人 夾到實一實 至肯埋枱魂游四海咁系咁2交吓d唔達標ge功課, 果吓至嘔.  

我要返工, 唔可以佢一放學返到屋企就夾佢做嘢. 我返得屋企,食埋 ...

xixi1218

我想哪裡都難啊，只要知道了孩子的這個情況，不是花錢如流水，就是淚如流水。我想我是豁出去了，我沒法等，也不能再等，訓練再訓練。我只有一個很大也是很小的願望：長大后像個普通人或接近普通人那樣就好了。

pocoyo123

話又係咁講，人地小朋友又學呢又學路，我搵嘅錢係比佢訓練，只係希望佢追回正常，人地天生有嘅野，我地就唔知幾時有，已經唔係咁多支援，以前仲要受唔小白眼（亞仔兩三歲時），公民教育又無，無人知唔係家長無家教，只係小朋友未ready去認識呢個社會，呢三年工作十訓練十工課，我都追到好倦，未來又長路漫漫，好慘，

原帖由 xixi1218 於 11-3-27 23:35 發表
我想哪裡都難啊，只要知道了孩子的這個情況，不是花錢如流水，就是淚如流水。我想我是豁出去了，我沒法等，也不能再等，訓練再訓練。我只有一個很大也是很小的願望：長大后像個普通人或接近普通人那樣就好了。 ...

我係女仔

人地可以2, 3千養一個小朋友,仲要有興趣班上,但 我可以成萬元先可以養到一個, 仲要自己食又唔夠擔食得多, 著黎著去都係果幾件衫褲, 全部都比晒呀仔做訓練, 而家仔仔既衫褲都要人地比

[ 本帖最後由 我係女仔 於 11-3-28 13:04 編輯 ]

1022YIUYIU

盡量自己同佢多做訓練, KEEP住日 日有 20-30分鐘,又可以培養親子關係...我自己就覺得有幾多比幾多喇,.盡力而為吧..有時我自己覺得出去做都係一星期一次自己日日做好似黎得更係有效果

karen2011

過程係辛苦，但係值得的。加油!

szeszes

sorry!! 我仔都係最近評估有自閉傾向

我見你地又話要搵 OT, 其實係咩野情況下要搵 (因為好怕會錯過比仔仔訓練, 但係自己本身唔係有太多 $, 又怕浪費金錢)

我見評估上 REPORT 話亞仔可以上主流小學, 而家係 言語發展延緩, 社交弱 (但係我仔好守社交秩序, 係公園識搵佢識既小朋友玩, 同埋有傾有講, 完全唔覺有問題)

其實, 我都唔知我應該係唔係只需要比佢返 "言語治療班" 就可以?
我仔對陌生人唔太抗拒 (未見過我既同事, D 同事望佢同埋攬佢肩膀行都無問題), 只係人地問佢野時, 唔係太大膽回應 [我估原因係... 佢知佢講野唔叻, 無信心對 D 陌生人講野]

佢係文靜型, 唔會周圍走, 好乖... 會坐定定食飯及做功課, 未食完飯或做完功課, 係唔會走開位, 除非人有三急!

[ 本帖最後由 szeszes 於 11-3-28 17:50 編輯 ]

xixi1218

我覺得你個仔幾好，起碼以下兩點就已經好好啦，因為我個仔在這兩方面已經花我好多心血教啦。。。。。“但係我仔好守社交秩序, 係公園識搵佢識既小朋友玩, 同埋有傾有講, 完全唔覺有問題”“佢係文靜型, 唔會周圍走, 好乖... 會坐定定食飯及做功課, 未食完飯或做完功課, 係唔會走開位, 除非人有三急!”

kamakama

大家都努力d啦! 有d錢真係唔可以鏗得,政府等到都遲啦!不過我都覺得自己付出多d,好過一星期做一次training,鬼叫自己冇錢咩! 唉!!!!!!

Anpanmama

加油！

[ 本帖最後由 Anpanmama 於 11-4-3 02:13 編輯 ]

天天是晴天

加油!付出是有回報,雖然有時很少