上了小學，衝突多了

Maggie422

以前亞仔讀幼稚園時，看着一個小人仔背着書包返學，覺得十分可愛。心裏只想着：只希望仔仔健康快樂成長就可以了，不須要太過緊張。以前做功課時，無論他怎樣寫、怎樣錯，我都會笑着讚他、鼓勵他。上了小學後，雖然功課不是太多，由於是全日制，時間總是緊迫的。於緊迫時間下完成功課、温習、練這樣練那樣，自已的耐性少了，對他的要求高了同時對他的包容少了，再加上小朋友這個階段只會懶懶閒，你急佢唔急，衝突自然多。

CHIULHJ

100% 感同身受。

雖然知道若果放棄練琴，我和囝囝都會比較輕鬆點，但因為不想他遇到挫折便輕易放棄，加上相信學琴可訓練他的專注力(他的專注力較差)，所以我仍堅持著要他練琴。

qkhui

其實我覺得每個父母都應了解自己小朋友的性格. 知道小朋友是懶還是真的應付不了.
如果真的應付不了, 可以選擇放棄一些課外活動. 但相反, 我覺得更加要堅持.. 另他們明白, 做每一件事都真係要付出. 當然講就易.. 真係要時間同耐性.
加油 !

kikiboy

我每日同阿仔講最多的一句說話就係: 快d呀!
由起床到吃早餐, 到做功課到溫書, 到睡覺...

還有一句經典金句就係: 究竟你讀書定係我讀書?

不過講呢d都有用, 費事講咯.

whywhywhywhy

我都係成日同我小朋友講"快d啦！"
另一句係同佢講"係你讀書又唔係我讀書，我點知喎！？"

wendy_

我相信每個媽媽講得最多係☆(快D)☆

Maggie422

同意你所講的學習放下吧，不過真是知易行難，放下了很快又拿起來。真是要自我反省!

原帖由 brianshe 於 11-2-15 11:36 發表
學習放下吧.

同時切身處地去思考, 將自己代入小朋友思維.

囝囝上一後, 我只堅持繼續學游水.

AndyMah

原帖由 wendy_ 於 11-2-15 22:34 發表
我相信每個媽媽講得最多係☆(快D)☆

真係呀....哈哈, 仲有成日同佢講 "遲到喇!"
同埋佢唔駛張d野, 我就同佢講, 我唔會再幫你架喇,
好似叫極都唔起身 & 太慢遲到, 無做 or 做漏功課....等等,
我一律同佢講我唔會再幫你架喇, 老師罰你又唔係罰我...你自己唔緊張, 我都唔會幫你緊張架.


(不過話就咁話, 最終有時都會忍唔住出下手幫佢 )

[ 本帖最後由 AndyMah 於 11-2-16 09:55 編輯 ]

cathy6710

其實可以學學校老師、買個計時器，規定小朋友係時限內做完某些事，例如食飯就校30分鐘，做功課就一節30分鐘，5分鐘休息咁，如果小朋友做得到，可以給D獎勵，好似遊戲咁，小朋友的動作應該就會快D了。

好似個個小朋友都係咁？我囡囡都係，但去到學校見到老師的方式、小朋友又似乎好受落，就跟住做，效果都幾好，最起碼做事都快D了.....

fanwong29

Agree.....me too!

原帖由 kikiboy 於 11-2-15 17:49 發表
我每日同阿仔講最多的一句說話就係: 快d呀!
由起床到吃早餐, 到做功課到溫書, 到睡覺...

還有一句經典金句就係: 究竟你讀書定係我讀書?

不過講呢d都有用, 費事講咯. ...

Ocwc

最近看了一本書'童年的困擾'(English title :  'Between parent and child'). 對家長有很好的幫助，非常值得一看。內容完全是很多家長所面對的寫照，所提供的解決之道，WORK!

julietta

昨晚, 如常地，我和女女在一個非愉快和緊張的氣氛下做功課(因為距離9.30pm的睡覺時間只有15分鐘)，突然，我取笑一下她的字，就像未梳好的頭髮般，二人頓時burst into laughters，女女好開心笑咗5秒，意外地把嚴肅的氣氛緩和，之後那15分鐘，女女突然好有勁，一口氣做晒d 數學，無錯過一條! 唔知呢個是不是一個好方法呢?

原帖由 Ocwc 於 11-2-16 14:50 發表
最近看了一本書'童年的困擾'(English title :  'Between parent and child'). 對家長有很好的幫助，非常值得一看。內容完全是很多家長所面對的寫照，所提供的解決之道，WORK! ...

Laputa

but why need to work until 2130 . . . so late

Ocwc

一個愉快完滿的結局，一定是好！幽默處理手法，好。謝謝你的分享。

原帖由 julietta 於 11-2-17 11:07 發表
昨晚, 如常地，我和女女在一個非愉快和緊張的氣氛下做功課(因為距離9.30pm的睡覺時間只有15分鐘)，突然，我取笑一下她的字，就像未梳好的頭髮般，二人頓時burst into laughters，女女好開心笑咗5秒，意外地把嚴肅的氣氛緩和，之後那1 ...

alice44

同佢溫書時, 佢唔識, 我講得最多係"我依家係同你溫書, 唔係教書, 你應該上堂時學識, 唔係返嚟要我教呀!", 慢慢我苦盡甘來, 現在真係淨溫書, 唔使教書了. 成績仲慢慢地進步. 還記得阿仔初初上小學時, 每次考試都要打要閙, 時時都好似唔係好識咁, 現在好好多喇! 好彩同阿仔的關係無因為咁樣而變差, 因為阿仔比較樂天, 一陣間就唔記得, 又會媽咪前媽咪後咁叫住你, 唔會唔釆我.

Maggie422

所以我覺得控制自己EQ好重要，每個人都知道打鬧不是好方法，但有時亞仔做功課掛住發夢，温書又懶懶閒:;pppp: ，真係挑戰我EQ既極限

原帖由 alice44 於 11-2-17 14:32 發表
同佢溫書時, 佢唔識, 我講得最多係"我依家係同你溫書, 唔係教書, 你應該上堂時學識, 唔係返嚟要我教呀!", 慢慢我苦盡甘來, 現在真係淨溫書, 唔使教書了. 成績仲慢慢地進步. 還記得阿仔初初上小學時, 每次考試都要打 ...

julietta

我都好有同感, 有時冷靜d 諗, 叫自己唔好咁著緊, 咁上心, 反而好d, 但係又可以冷靜得幾耐? 同埋, 是否可以真正唔上心呢?

原帖由 Maggie422 於 11-2-18 14:43 發表
所以我覺得控制自己EQ好重要，每個人都知道打鬧不是好方法，但有時亞仔做功課掛住發夢，温書又懶懶閒:;pppp: ，真係挑戰我EQ既極限   

峰仔媽咪

我都同大仔衝突左3年幾了，今年4年班，由小一至現在真係太多唔開心既事，過多年多又到細仔上小學了...。

maybaby

我都覺成日講嗰個字係"快D啦",起碼一日講20次都有AR..