用戶登入
用戶名稱:
密      碼:
搜索
教育王國 討論區 幼校討論 大坑東kg
發新帖
查看: 2086|回覆: 10
go

大坑東kg

Rank: 5Rank: 5


1029
發表於 11-1-27 11:38 |顯示全部帖子
interview時足足用左1個鐘, 又要in平行木, 又要in捐山洞, 又要穿珠, 又考上落樓梯, 又考入形態, 總之考成十幾樣野, 好似好嚴格挑選咁, 我個b有幸入到, 其實係咪好事呢? 老師有愛心, 所以我知呢間學校都好多人報, 見佢地校車都有4條路線就知, 其實佢地考咁多野, 係咪唔多想收細b呢?

其實呢d學校本身有 "兼收服務" , 你地話我 "期視" 都好, 呢d學生唔多唔少都會影響課堂情況, 我個女而家讀緊果間就係啦, 阿女話: 陳xx 小朋友成日響學校喊, 好嘈呀 (以我所知, 呢個小朋友好怕轉變新環境, 即係由課室去排洗又哭一次, 排洗完返入課室又哭一次, 次次都哭成10分鐘, 其實係個班主任同我講, 佢地都好無奈, 因為佢地唔可以拒收, 但係又確實好影響上堂), 呢間學校又收得多唔多呢d學生呢?

另外, 又有家長話, 呢間學校收生多, 成40-50人一班, 雖然有足夠老師, (有1:15的比例) 但係小朋友往往因為人數太多, 老師就算有heart, 可惜人數太多問題, 未必可因材施教, 情況係咪又係咁呢?

有無其他comment?

Rank: 5Rank: 5


1244
發表於 11-2-2 18:57 |顯示全部帖子
你係咪講大坑東幼皃學校呀?

Rank: 5Rank: 5


1029
發表於 11-2-4 09:09 |顯示全部帖子
係呀,有無關於呢間學校的事可分享一下?

Rank: 5Rank: 5


1244
發表於 11-2-5 10:28 |顯示全部帖子
其實我個小朋友今年9月先會入讀佢地既預備班,所以實際上課情況我都唔清楚。我最初都係因為住深水埗區所以揀呢間學校,後尾喺網上參考過其他媽咪既意見,而我亦由朋友口中得知佢地係一間唔錯既學校。

據我所知,呢間學校係有收細b架,佢地interview咁認真你應該開心,豈碼唔係睇你有冇錢,有冇分,有冇背景,或者求其俾個波你抛吓就算,佢地大可問你兩句就打發你走!我註冊嗰日,坐我隔離位媽咪住小欖架,我諗如果間學校唔好佢都唔會讀啦,正所謂好事不出門,壞事傳千里嘛,所以唔使咁擔心既,讀咗睇吓點先啦!

老實講,係唔係名校?佢地有幾愛護學生?甚至乎小朋友喺學校既發展係咪會好?呢d問題我諗冇人會絕對知道,因為每個人都唔同,就算同一間學校,你跟着個冇愛心既老師都冇用,又或者你讀到一間名校,但小朋友又追唔上,你可以點選擇呢?

我當初都諗好多野,又驚佢讀一間邨校會俾人話質素差,又驚佢派唔到間好學校,但讀私校又負擔唔到,一陣d家長又話細個唔谷大個追唔上.......聽得多都好矛盾。老實講,我有d朋友鍾意同人比較,驚人地個細路叻過自己,驚同人講自己個小朋友讀邨校講出嚟唔好聽唔夠威,其實呢d只不過係父母既包袱。

我覺得學校既質素好重要,但父母既教育都唔少得,而家小朋友既功課我都未必識做,就算讀到名校我都唔知點教佢,所以我都會專注佢既品行多d。

Rank: 2


52
發表於 11-3-26 18:55 |顯示全部帖子
我就覺得又一居嗰間信義中英文幼稚園都唔錯,地方大,環境好,每班10多嗰小朋友,

Rank: 4


857
發表於 11-4-4 14:18 |顯示全部帖子
兼收對象可以係指讀寫障礙、認知障礙 .... 不一定係自閉/過動,即使係亦有層次分野。

嚴重 "有需要" 的小朋友會去特殊學校,不會入主流學校。
輕度 "有需要" 的才有可能入"兼收"的學校。

而學校會有專門的老師跟進 "有需要" 的學生。

我咁多年來都冇 concern 過呢個問題。我大仔讀了四年,佢從來冇提過有同學攪事/不守規,家長/學生根本唔知 亦睇唔出 邊位係 "兼收生"。

不用太擔心!
我拿甚麼報答耶和華向我所賜的一切厚恩 。(詩篇)

Rank: 5Rank: 5


2203
發表於 11-4-7 12:02 |顯示全部帖子
有兼收既學校唔係好多,俾多d機會人地啦


2787
發表於 11-4-11 00:29 |顯示全部帖子
提示: 作者被禁止或刪除 內容自動屏蔽

Rank: 5Rank: 5


2203
發表於 11-4-12 17:14 |顯示全部帖子
原帖由 pipi331 於 11-4-11 00:29 發表


其實唔少全日制ge幼兒學校 (n1-n4) 系有兼收ka, 好多時學校網頁 or 單張會提佢地有做兼收.
除了少數好早就開始排正苦服務ge小朋友  or 家長心急choose 大包圍總之有位就去, 好多都要n2/k1 或以上班級至輪到入兼收 ...


唔計托兒全日制ge幼稚學校重要有學券我估唔多呢


2787
發表於 11-4-13 13:04 |顯示全部帖子
提示: 作者被禁止或刪除 內容自動屏蔽

Rank: 4


704
發表於 11-4-15 16:09 |顯示全部帖子
如果你係講緊基督教服務處, 我會叫你放心去讀........
雖然我唔係讀緊呢間, 但都係同一機構...
果邊有D老師我都識, coz每年都會有老師轉去另一間(同機構果9間咁轉), 所以9間d野都係差唔多...
我個大女就畢業啦....  so far 都讀得好開心, 我都好滿意~~

至於兼收方面呢........  我果間有2個專門兼收o既老師負責, 相信每間都係有2位..........
我又唔係幾覺佢地搞住上堂, 如果有人搞事, 老師都會帶佢地埋一邊架啦..........  
呢間學校絕對值得去讀

[ 本帖最後由 camaychim 於 11-4-15 16:13 編輯 ]