老師,你們處理的方法好有問題.......

Sherryko9

原來,事情並不是你親耳親眼聽到和看到(其實"你"只看到一大班人"說話",其實"你"因為另外的"她"向你說事情發生)點解即場公開責備學生?學生亦即場說不是她說(還多次),點解你地只為著你地所謂"老師"的臉子和你地自己認為有損學校聲譽而出賣學生的自尊?點解有人要求學生即場向兩位"尊貴老師"道歉?C9亦認為未攪清事情前,亦應向"尊貴老師"說聲"對不起",到現在我都唔明,極度唔明是甚麼theory要說"對不起"?事情未攪清,"對不起"甚麼?向甚麼人"對不起"?(正如司徒先生生前說:出賣甚麼....)如果我亦如C9所持的theory,今日我真係要向囡囡說聲"對不起",我唔知囡囡有否說"對不起",但肯定之後果位"有識之士"提點囡囡向兩位"尊貴老師"說"對不起",囡囡是沒有說,這點我身為媽咪非常自豪,我教囡囡就是:有錯要認,但肯定自己沒做過的所謂"錯",死也不能認,"對不起"是不能隨便說,一說表示你做過.
以前有幾多人稱讚你們有幾好?有幾甘受歡迎?我唔知,但今日你地已盡失"人心",囡囡對你們的好感(或者從沒有過)已蕩然無存!今日我唔向你們(學校/老師)作出迴應,唔代表我第2時唔會;或者囡囡畢業時我會向你們"反映"!我為囡囡感到自豪,就是囡囡從前到今所拿的一切奬項,不是你們功勞,是媽咪在家教導她,亦是她自己天資.

janetlam74

但.......我成日講對唔住架!
因我會對兒子身教,講句對唔住你好我好!
不想小事變大,又唔想兒子咁硬頸,咁...咪由我做起囉~

[就是囡囡從前到今所拿的一切奬項,不是你們功勞,是媽咪在家教導她,亦是她自己天資.]

咁講好似唔好咁.......因我會教小朋友要十分敬愛老師!
不可自以為是!

Sherryko9

幸好,我兩作為父母,不會一面倒看事情,如果囡囡有做過,我倆一定責備,但必需是事情攪清楚前,我已向囡囡問明有証人否(幾位同學,所謂犯錯者是何許人,事情發生經過和尊貴老師即場的處理方法),C9聽過"尊貴老師"一番苦口婆心的說話,亦為"事情"作出迴應,只是一句"我唔相信我囡囡會講出那句說話,當時是XX小學XXX男同學說,有以下XXX(3位)同學(s)可以做証,他們同時親耳聽到,請你找回同學問問...謝謝!),幸好是C9回應,他比媽咪我平心靜氣,這亦是這位"尊貴老師"福份,碰著這位C9甘好語氣,碰著一個有家教的小女生,亦沒碰上一個"甘無家教"的媽咪迴應你的"苦心".囡囡昨晚說那位"當日聽到囡囡說那番話"老師再次要求囡囡說回那天事情,竟然說"她"亦不肯定是否囡囡親口說,你現在才說,你知唔知你地當日幾甘"可恥"地責備囡囡?我身為媽咪唔可以話囡囡一定講出事實,但你們亦不應一面倒(當日甘肯定自己親耳聽到那些說話是出自囡囡?)不分清紅皂白地落1個小女生自尊,當日囡囡哭,為著甚麼?你們尊貴的老師今日有否向囡囡說聲"對不起"?就算你地唔肯定囡囡有否道出"真相",所以不會向囡囡認錯,但"昨天"的事情點解即場要囡囡向你地說"對不起"?她落的淚和失去的自尊,邊位"尊貴老師"給回她?樹大有枯枝,兩位老師是否那些枯枝?呢位"無家教"的媽咪唔會否定其他明白事理仍在校教的老師,我亦會感謝其他教過囡囡的老師,但一定唔包括兩位"尊貴的老師",囡囡說"見佢後,....前,這是你們在學生心中的形象了!

Sherryko9

"對唔住"唔係口頭彈!唔可以亂講,無做過,點解要講?記著係無做過!

原帖由 janetlam74 於 11-1-25 11:33 發表
但.......我成日講對唔住架!
因我會對兒子身教,講句對唔住你好我好!
不想小事變大,又唔想兒子咁硬頸,咁...咪由我做起囉~

[就是囡囡從前到今所拿的一切奬項,不是你們功勞,是媽咪在家教導她,亦是她自己天資.]

咁講好 ...

Sherryko9

我從沒教囡囡不敬愛老師,但我唔會教佢"愚敬";在此說聲"對不起",我唔係要得到所有人認同,只想道出心中不快!只希望今天可以在此放下心中不滿,不帶著"它"到明天!謝謝大家花時間看媽咪魯so!

原帖由 janetlam74 於 11-1-25 11:33 發表
但.......我成日講對唔住架!
因我會對兒子身教,講句對唔住你好我好!
不想小事變大,又唔想兒子咁硬頸,咁...咪由我做起囉~

[就是囡囡從前到今所拿的一切奬項,不是你們功勞,是媽咪在家教導她,亦是她自己天資.]

咁講好 ...

Sherryko9

點解我唔講成件事情始末?因為唔想影响阿囡快樂的學校生活,我只不過想在此發吓lu so,或者等7月啦!其他媽咪提吓我講番件事情.
另外,我亦唔係"有你講,無人講...",起碼大家都可以在此發言,但又重申一點,我唔係要人撐,可能在"她們"角度無錯,但在家長和小朋友角度又唔同.我唔係去批鬥"老師",但從囡囡口中,某些老師在她心中已有改變.

原帖由 brianshe 於 11-1-25 12:22 發表
無頭又無尾, 以偏蓋全.
就咁想有人撐你? 唔係嘛?!

一係你說清事情始末, 地點/ 人物/ 時間.
一係你返學校投訴.
一係你去教局投訴.

唔好晌處, 有你講; 無人講. ...

fanwong29

建議不如轉校,囡囡既然在心目中已對學校/老師有所改變 ,懷着唔開心嚟返學 ,長痛不如短痛 ,唔好浪費時間 ,咁做可能皆大歡喜!

mamafufu

囡囡重有幾個月就畢業，忍埋呢幾個月先啦。

不過亦都係時候囡囡教導"人性的醜惡"--->老師都係人，老師和同學，都有部分係有"醜惡的人性"，要學識點面對呢類人。

昨天同幾個小四女生食下午茶，佢地異口同聲話學校某個老師經常講粗口，詳細詢問，原來係個老師經常因為一d小事(細聲傾談, 做錯功課, 筆跡唔靚)，鬧班學生"白痴"，指住學生講"你班死八婆"，"你地班垃圾"......

我地做家長既，成日同子女呢d說話係好冇禮貌既，絕對不可以講以上的粗口/粗俗語言，但老師就好似口頭禪咁成日用呢d說話閙學生，你話學生會接收到乜野教育訊息? 老師點樣"身教"學生?

原帖由 Sherryko9 於 11-1-25 13:27 發表
點解我唔講成件事情始末?因為唔想影响阿囡快樂的學校生活,我只不過想在此發吓lu so,或者等7月啦!其他媽咪提吓我講番件事情.
另外,我亦唔係"有你講,無人講...",起碼大家都可以在此發言,但又重申一點,我唔係要人撐,可 ...

[ 本帖最後由 mamafufu 於 11-2-18 13:09 編輯 ]

Sherryko9

好開心見番你留言呀 ,第1目標(自行階段)已收到面試通知,下個星期六上晝,多謝你的分析和建議,令我有一個好清淅的選擇去向,囡囡亦有機會見另1間(區外直資)面試,現在是看她造化了!我已解釋過給她知,面試是何等重要,如果她想去她的理想,我對她面試表現不太有信心,雖然她在校內Oral部份唔低分,但我只覺是老師主觀甘解,唔一定係佢實力 !另1間自行我相信亦會有得in,現等信,好奇怪?我現又唔太焦慮了!可能已知有2間有得in卦?上到中學,我諗我都跟唔到太多,學業上只能作少量輔導,最重要看緊她行為唔好偏差和品行唔變壞.
關於那件事,當時我是幾嬲,我知我事,所以當晚我叫C9回電,因為他比我EQ高,致電前C9叫我唔好反應甘激,可能老師唔係談那回事,聽吓老師點講先,最後還是C9回應(我真係知自己唔太好老皮,除了對阿囡,耐性有限,對老師評價亦不似C9甘專一---愚敬,都唔知係唔係童年陰影...),第2日返學後所發生的事更令我嬲怒!雖然阿囡無物野,佢真係似C9,EQ好鬼高!
講番學校老師,有D老師用語真係令我摸不著頭腦,好似街工,阿囡會講番比我知,我覺得身為老師,唔可以用果D甘通俗字睇,細細個我會同阿囡講係"粗口"(其實係粗話),叫佢唔好學,當然現在大左D,佢會用著,但有D佢唔會用,知太"俗"---妖,我地有話佢.總之老師一定要身教,用語要"恰當",小朋友大個係外面聽到另計,如果老師都係甘,小朋友就以為好平常,老師都甘話....我私下係有批評老師言行,但亦同時叫她仍然要當她們是老師,要用語態度恰當,但不要"愚忠",老師都係人,唔係一定"對",小朋友自己要識分.
呢個標題,事後我有後悔標出來,因為有D野我又唔想甘公開老師野,但唔講清楚,又有反應,我其實當時只想發洩吓!唔係要人支持!你回應前,我極希望"標題"下沉,但見到你回應,好難得再見番你,所以....

原帖由 mamafufu 於 11-2-18 12:57 發表
囡囡重有幾個月就畢業，忍埋呢幾個月先啦。

不過亦都係時候囡囡教導"人性的醜惡"--->老師都係人，老師和同學，都有部分係有"醜惡的人性"，要學識點面對呢類人。

昨天同幾個小四女生食下午茶，佢地異口同聲話學校某個老師經常 ...

Sherryko9

請看PM!

原帖由 mamafufu 於 11-2-18 12:57 發表
囡囡重有幾個月就畢業，忍埋呢幾個月先啦。

不過亦都係時候囡囡教導"人性的醜惡"--->老師都係人，老師和同學，都有部分係有"醜惡的人性"，要學識點面對呢類人。

昨天同幾個小四女生食下午茶，佢地異口同聲話學校某個老師經常 ...

bbwai

你地得閒去下某大討論區既教育版, 你就知而家既所謂老師既質素啦

CrabPincers

原帖由 Sherryko9 於 11-2-18 15:17 發表
請看PM!

你單CASE 我吾想評論, 因為無頭無尾
但想講, 你成日提到既, C9, 係吾係想講你老公, 你女的DADDY?
係既話, 係吾係應該係C6(死佬), 而吾係C9(師奶)?
看到我, 本來已經一頭霧水, 依家更加係成頭問號

35C9

原帖由 mamafufu 於 11-2-18 12:57 發表
囡囡重有幾個月就畢業，忍埋呢幾個月先啦。

不過亦都係時候囡囡教導"人性的醜惡"--->老師都係人，老師和同學，都有部分係有"醜惡的人性"，要學識點面對呢類人。

昨天同幾個小四女生食下午茶，佢地異口同聲話學校某個老師經常 ...

有d咁樣既學校? 可唔可以pm個校名黎聽下呢.

恩林

我都覺得宜加d老師比已前冇咁有使命感, 上到中學你仲驚, 中學d老師心態上好番工feel...

回樓主:
我雖然唔知你個case係乜, 但我覺得小朋友說話唔係100%啱晒, 好多主觀感覺加左入case內變成事實....
好似我朋友咁, 佢仔仔做錯事, 我朋友個細佬話佢唔啱, 我朋友個仔立即反駁話自己冇錯, 仲係我朋友面前喊冤枉!!
我朋友第一時間抱住佢個仔話信佢, 仲係眾人面前鬧個細佬...
我O咀囉~~
第一, 我朋友都冇親眼見到就信自己個仔, 錫仔唔係咁錫....
第二, 係個仔面前鬧個細佬, 話晒佢都係長輩, 第時佢個仔唔識專重人呢~~

事情嘅野, 必有兩面, 空月來風未必冇因嘅~~~!

[ 本帖最後由 恩林 於 11-3-24 17:48 編輯 ]

Carmen2004121

世事無絕對 , 所以很難講誰對誰錯 .
但我也是一個過來人 ( 阿女小五 / 六時撞正個 < 極品 > 班主任 MISS 和中文科阿 SIR . 包教中英常 . 所以成績死得 .
我明白現金老師難做 / 辛苦 / 有壓力 . 但她們始終是一個成年人及有專業資格的老師 . 當面對學生問題時 . 往往只做出很多不專業及幼稚的解決方式 . ( "單打說話 / 標千 / 不認同 , 到嚴重至老屈" ) 最終吾係解決問題而是領到學生對她們不信任及不投入學習 .

以上 " XXX " , 阿女已中晒 . 所以當年我 < 認真了解這兩位老師后 > , 我更明白阿女這兩年是以怎樣心情學習 . 但我也讚同樓主說法 . 有什麼不快也待阿女畢業后才算 . 因經驗話我知 . 阿女仍在校時最好也是多一事不如小一事 .
吾開心時就上來交流下 . 吾一定個個家長認同 . 但一定有些 < 同病相連 > 家長會明白 .

Sherryko9

好多謝你的體諒,時間係可以淡化一D不快事情,阿囡都不放在心上,但對那2位老師就變得敬而遠之,問心講,有親人亦係做哩行,我點會唔知老師和學生角色呢?必有衡突.自己角度,不嬲唔喜歡太"魯忠",有時會和親人有些不同意見/衡突,但都會教阿囡大前題還是尊重老師;我亦聽mamafufu所講,放下了"它",經一事長一智,今次亦教曉我3思而後行.
就快畢業了!好似完結人生一里程,又要面對另一新生活,希望媽咪我和囡囡一起長大,一起學習面對問題.祝大家快樂!