幼童日讀兩校，猶如「虐待」!!

cherrieshum

原帖由 mlca1314 於 11-1-24 19:00 發表
早己聽聞有學童日返兩校,下午放學後仲要去興趣班,真係忙過特首.

有什麼問題？你不會給小孩上興趣班嗎？
至少學1種興趣是需要的！

cherrieshum

原帖由 cccbaby 於 11-1-24 18:42 發表
自費學語言都還好，但係而家係佔用社會資源喎。

怎樣是占用社會資源？學券是人人都可以獲得的！
我只是覺得未必對小孩很好，可能真的會適得其反。

pomama

其實小朋友好似張白紙，你比咩佢，佢漸變為理所當然，遇著咁嘅情況有啲懂得抗拒，最慘有啲唔識。 返兩間學校絕對辛苦過返全日班，一來要頻頻撲撲，二來全日班有得小休。

cccbaby

報紙話呢d人係上午用學卷讀本地學校下午讀國際。如果有人原來係有能力讀國際學校點解要拿學卷，同呃公援有乜分別，有關當局真係要認真調查。對我哋呢d俾咗咁多稅又嗱唔到任何福利嘅一班家長真係好唔公平呀！

cccbaby

學卷唔係人人都可以用架有入息限制架

cherrieshum

原帖由 cccbaby 於 11-1-24 19:35 發表
學卷唔係人人都可以用架有入息限制架

絕對沒有入息限制，應該是你搞錯了！

Hang107

如果幼童太小我都唔agree 返兩校,因為三嵗以下都要sleep, bb都會好tried,無法handle得都.
但我都想安排我五嵗的女返兩校,因她不用sleep, 又全日無位(所以才要返兩校), 工人又要照顧兩嵗仔,無人理,上午只是看電視, 加上個女又好動, 又唔慢熱, 又social,睇個女性格都好適合返兩間, 但一定唔可以遠,要近及方便工人帶. I think it's quite depends on your kids personailty and 能力, 如對她來說係handle得到及覺得唔辛苦,我想是好的.

qqbabe

駛唔駛瞓晏覺唔係重點，係比時間空間佢地身心休息放鬆，你估喺學校玩3個鐘唔累？唔明點解做阿媽捨得仔女天寒地凍當街當巷換校服，三歲小朋友每日不足一小時食飯盒（我唔信飯餸會係新鮮熱辣）？

pingu_k

如果真係只係單純6小時上堂玩&學習既時間,咁都話問題不大,但加埋果d交通,頻頻撲撲,趕頭趕命既時間/精力就吾同講法啦!

TKma2010

之前都從朋友口中知道佢亞囡有啲同學係咁，都已覺得小朋友好慘。但今日睇到係晌報紙影出來嘅相，涼亭換衫，餵食，天冷或天熱，感受好深，好心痛咁細個小朋友點解要咁辛苦。雖然我對亞囡都係有要求嘅人，但我做唔出囉。
最近聽咗啟思小學附屬幼稚園安排俾準家長嘅講座，係搵佢哋自己小學負責研究課程同培訓老師嘅腦科學專家講有關3-6歲幼兒腦部發展與學習，其中講到這些幼童不應每天那麼繁忙的，每日不同嘅活動之中，最少有一小時俾佢哋每所事事咁hea下，玩一啲大人認為好無聊嘅玩意都好，會幫助腦入面嘅血清素提升同降低皮質醇，幫助穩定情緒、提升專注力同記憶力，長遠係好重要架，更唔好講最基本嘅充足睡眠啦。
所以我除咗唔會要佢返兩間學校之外，都要remind自己課外活動嘅安排都唔好搞到佢咁忙。
其實，學習係好長嘅馬拉松，咁拔苗助長法，佢哋怕咗讀書，過多幾年識反抗架嘞。希望果啲父母會盡快醒覺啦！

國家

其實我好相信俾D小朋友讀兩間幼稚園既父母, 絕對係出於為個仔女好, 其實他們都好辛苦, 一來要安排人手在一個小時內送外賣食飯、換校服及接送個小朋友，都不是一件易事，其次是所用既金錢是Double (*因為我相信與學卷冇關)。但哩個做法太自私了, 完全沒有從小朋友既角度出發，一個小小年紀 (2歲-5歲 *我女兒PN學校都好多小朋友如是了)，日日都要上6個小時堂, 3個小時在街上趕呀趕呀, 晚上5點半回到家, 沖完涼食完晚飯, 都成7點啦, 但未可以瞓覺住, 因為有兩間學校既功課等住要做.... 頻撲了整天, 大人都已經疲憊不已, 何況幾歲人仔呢?? 那麼什麼時候可以教小朋友自理能力, 德育, 品格呢?

這個令人痛心既情況, 絕非因為小朋友能力、沒有午睡等原因導致, 完全是大人既貪心，以為單向式"suck"多些東西俾小朋友, 就是為佢好, 完全不給予他們鬆弛既時間, 就可以另佢"嬴於起跑線"? 錯了, 大錯特錯, 每天忙忙忙, 對小朋友心理生理都好大影響, 由最初對新奇事物/學習抱住好大既興趣, 直至有一天他們覺得自己成為了父母的機器，對學習失去興趣。這完全是以為愛他, 但其實害了他的父母所做成。

小朋友最開心的，其實是與父母一起既時間, 每晚bed time story既時間, 與父母傾談既時間, 與父母一起閱讀玩玩具既時間, 與父母一起去公園既時間...... 請不要把我們的自私, 令小朋友有一個不愉快既童年, 這令人痛心不已!!

elmolly

大家唔洗勞氣, 因為返開兩間既家長, 相信唔會因為咁而改變, 呢個係我地教育制度造成既問題, 一般家長既心態好難改變.

pomama

「小朋友最開心的，其實是與父母一起既時間, 每晚bed time story既時間, 與父母傾談既時間, 與父母一起閱讀玩玩具既時間, 與父母一起去公園既時間...... 請不要把我們的自私, 令小朋友有一個不愉快既童年, 這令人痛心不已!!」
  非常同意！

lamyy

我都有諗過

TKma2010

我相信呢個現象同學券無乜大關係，只係報紙將佢relate咗去星期日有關學券嘅遊行啫，雖然我本人都非常反對學券唔係人人平等間間學校可以用，我都係受害者之一。
如果係屋企有細老妹要揍驚工人照顧唔到大果個嘅，可以揀全日班，小朋友無咁辛苦。
要知俾得子女讀得兩間學校嘅家長多數都係有能力同唔介意俾兩份錢。而佢哋一般係對子女學術同語言方面要求高嘅，所以讀兩間係想吸收盡兩間嘅精華，例如貪一間學術高教得深考小學好，另一間多NET語境好。又或者想keep住一間嘅小學back up，但又嫌間小學唔係最好幼稚園教得太淺，再讀間深啲嘅來考高一綫嘅小學，呢啲學校一D都唔hea嫁，功課多d深d，又有project，上到K2，K3咪仲辛苦，點做double兩邊功課考兩邊考試，放學沖完涼食完飯都點幾啦。

TKma2010

Sorry,打錯咗，係＂放學沖完涼食完飯都7點幾啦＂至啱。

steamball

agree that 學券點解唔比所有讀kinder 的人, 只比部份kinder , 我地稅永遠只有交...冇得用.....it's not fair