自小學公文,到小學高年級是否有用?

yutung

自小學公文,到小學高年級是否有用?

小女K3正學公文英.數, 請問有經驗的家長, 一直學上去, 是否在小學高年級有大幫助?

wbmom

我一向唔buy公文果套，但事實上識得幾個5，6年級的學生，轉咗去公文，在學校的數學考試真係進步神速，我都考慮緊俾個仔試下，可惜冇間係屋企附近。

DWC

好有用.小女k2開始中英數,現已小二. 最有用是在小一開學時,人地仲頭痛點幫仔女溫書,但小女已可好輕鬆去應付所有dict/test/exam. kumon唔係一科短時間內可看到的"成績", 佢係要慢慢"浸"出來, 長期咁比學費,真係好肉赤,但冇計,鬼叫佢work咩 若小朋友捱到上kumon, 咁做任何學校的功課都冇問題, 因kumon本身已很多功課

fanwong29

囝囝都是K3學生,學Kumon啱啱學咗1年(數學),Kumon方式重覆做數,但到小學都諗住轉其他學數課程(奧數、珠心算...)但現在囝囝計數方面,都可計3個位加數,又覺得幾ok,到小學是否繼續學公文?

原帖由 yutung 於 11-1-14 23:33 發表
自小學http://adex.baby-kingdom.com/www/delivery/avw.php?bannerid=565&cb=2104公文,到小學高年級是否有用?

小女K3正學公文英.數, 請問有經驗的家長, 一直學上去, 是否在小學高年級有大幫助? ...

Sherryko9

囡囡剛cut左公文數,上了4年幾,對幼童和中童都唔錯,因為4則運算做好多,但講到思考題,基本係"無物",如果計對性(對小學課程)高小唔太顯眼.後期公文數有好多高中數.

原帖由 fanwong29 於 11-1-24 15:35 發表
囝囝都是K3學生,學Kumon啱啱學咗1年(數學),Kumon方式重覆做數,但到小學都諗住轉其他學數課程(奧數、珠心算...)但現在囝囝計數方面,都可計3個位加數,又覺得幾ok,到小學是否繼續學公文? ...

肥龜

讀了年半的公文數, 今年上小一實在令囝囝輕鬆了很多, 但面對一些較有挑戰性的應用題, 就應付唔到喇!

catcatmom

公文比D成績唔錯的小朋友補. 如果本身成績唔係0甘好,就無MUG用.

Hello媽媽

小兒由K2學公文, 現在已P.6了. 數學從不用我教,都能考得99以上(每次). 而在奧林匹克公開賽中也能取得多次金獎. 所以我好慶幸早讀公文. 現在以有F.5程度了.

Sherryko9

我都覺得有D係,因為識D成績唔太好的小朋友通常效果不顯著,而家都唔敢介紹了!

ccn008

請問公文數幾錢一個月???

ninmum

小兒也有讀公文_由K2至現時初中, 正如其他家長所講, 公文要浸出來, 數學亦要做得多先有成績出來!
個人意見是暫觀各坊間數學學習方法, 公文能覆蓋高中課程, 如能恆之久而讀, 長遠來講對maths呢科好有用.

bb86

HK$550.00/month

原帖由 ccn008 於 11-1-28 10:25 發表
請問公文數幾錢一個月???

catcatmom

我想樓主既兒子不補公文, 數學亦不會差得去邊, 因奧數同公文係兩樣野, 初小既公文係計混算與速度. 我兒子都學過奧數,從前拿過一條奧數給我, 好像是1998年2月3日是星期二, 2006年8月2日是星期幾? 是有一定公式去計吧! 真的學過公文已可以應付到奧數? 奧數係比一些對數學有濃厚興趣和同天份既人去學.

我街坊男仔都係K3開始學, 讀九龍塘私小, 學到小5, 見佢公文數已經係中學代數了, 但程分時候數學去到8X分, 佢亞媽即刻CUT左公文, 去了SO IN.

[ 本帖最後由 catcatmom 於 11-2-14 17:51 編輯 ]

Hello媽媽

你好! 我都讚成你所講公文同奧林匹克數是不同, 但以小兒為例, 他學公文得到很大的自信, 他不用在運算上費神,所以有更多時間計奧數, 而奧數要有一定的數學根基的人才能做到, 否則好多都學不到.

hellomickey

Very agree!
小兒由3歲開始學公文數,現已超越了五個学年,Maths test and exam 每次均有9X分以上。於是学校老師suggest他去考奥數,竟然拿了金獎(難以置信)。相信是基礎打得好,起碼中英數常科目中,擔心少一科!

但當然是因人而異及Lucky

heiB

基本上我都同意公文式的學習方法,就是訓練小朋友的自習能力和持之有恆的練習,可是學費真係好貴,所以我只是給小朋友讀中文.其實要真係每晚都叫小朋友做公文工課,都好勞氣.如果讀三科,真係唔得,因為真係無時間,每晚仲要同佢温dict,那有咁多時間.
我都看過公文數學A至F的exercise.在訓練基礎數式是幾好的,因為做得多,同埋都好有係統,但係文字體就沒有用,對小學的測驗無幫助.其實小朋友通常失分是在文字題的,因為解錯題,數式的失分通常是小朋友的大意.如果你買多些練習給小朋友做是有幫助的,但係就無公文數咁有係統.

Fion_Chan

原帖由 catcatmom 於 11-1-29 02:41 發表
我街坊男仔都係K3開始學, 讀九龍塘私小, 學到小5, 見佢公文數已經係中學代數了, 但程分時候數學去到8X分, 佢亞媽即刻CUT左公文, 去了SO IN.

想問你街坊個仔既然公文已去到代數，呈分數學中失手的是什麼類型的題目？

我仔由小一做公文數，現在小四，也已到代數(剛開始solve simultanenous equations)，so far so good，近一年讀埋奧數，上堂都能明白老師所講，唔使我地再教。我是期望他的代數熟習之後，可以亙為替代解決奧數那些無謂的公式，如雞免問題、和差問題、年齡問題etc。

公文不是補習，當然不能涵蓋學校數學科所有課程範圍，雖然公文已包括大部份課程範圍(四則運算、小數、分數、代數)，還是要補足公文沒有做的範圍部份，即圖形、面積、周界、統計圖、長度、容量、最後當然是要溫文字題。

公文數因為獨沽一味，只為達到能計微積分，所以進度可以好快，小學已到中學程度，但其他數學範疇就顧及不到。對小朋友好處就是自信心會高D(超哂學年)，覺得自己數叻，希望因為自信夠，咁學其他公文無學既會快上手。訓練自律、自學則是bonus。

另外，我是相信解文字題和語文理解有關，和數好不好無關。

catcatmom

想問你街坊個仔既然公文已去到代數，呈分數學中失手的是什麼類型的題目？
文字題!

囡囡小一測驗, 已有D淺既奧數, 考小朋友心水清唔清, 如 BUS NO. 87 有 乘客 85人....有D數字又不用計...

對些天生數學不是太好既小朋友, 任你計幾多公文都無用. 有好多小學都會出好多文字題,考小朋友思考能力, 解唔到題,+-X除幾叻都無用. 如果小朋友數學唔係甘好, 理掂小學果PART先.
有個小朋友小學數學好掂, 上到中學又唔得, 佢亞媽話, 英文唔掂, 解唔到題.

各施各法, 有人BUY公文, 有人讀到3/4年班CUT左, 最重要係小朋友鐘意便可.

其實睇番小朋友讀邊類型小學, 有D小學叻人多,數要出得深, 先至可以分到小朋友成績高低, 唔係個個都拿相同分數.
有家長小朋友讀公文好掂, 有些讀到一半途便CUT, 家長不防去公文試吓讀幾個月. 如果應付到學校的成績, 真係太好, 學費又唔貴.

[ 本帖最後由 catcatmom 於 11-2-14 18:01 編輯 ]

littleeva

我分享下個人的經驗吧!


我仔小4. 現在公文學緊  代數.   學校的課程當然都係 4則運算.  現在學校教緊 帶分數的 + -  公文就已學完 帶分數 x 除 ...etc .  

其實公文再讀下去 係一定快過學校的課程.  讀左公文係 不等如 學校的數學分數會高.  (係兩回事)

我也曾和公文老師講過想 唔想讀公文了.  因為幫唔到學校的課程. 後來從公文老師了解到 公文的形式 係咁. 她們也不會作修改. 文字應用題也不會是公文的教學模式.  她說公文比學校教快左,  也離不開 四則運算.  小朋友會在學校的測驗考試計算時快左. 於是 可以省回D時間用在思考和應用題的題目.  

這點我都係 BUY的.  我小朋友計數係快左. 　於是省回d時間做其他 part 的題目. 　＜＜ 例如 : 應用題，思考題, 時鍾,  圖形. 周界...etc. ＞＞

現在仍keep 住學公文.  but學校的數學仍然是要跟．每次　ｔｅｓｔ　＆　ｅｘａｍ　　期間　．我會叫他　唔好做公的功課　．　做回學校課程的習作．　（否則一定死硬）

公文只係　訓練佢計數快左　ｂｕｔ唔等於數學叻嫁．　　學校的課程仍然　需要幫他溫習嫁．所以再讀上去時　有ｄ人會唔讀公文數．　而我就覺得暫時都ｏｋ啦．　


公文始終係教快左　對他都有幫助的．　至於公文ｃｏｖｅｒ唔到的部份　當然要自己跟啦．　

我識有家長係　公文照讀．　ｂｕｔ　數學又另外再補習
．
我仔仔現在計數快過我好多．也曾試過將公文功課ｃｏｐｙ出來　和他比賽．當然係我輸啦．　他自己都明白到學公文對他係有幫助．　（我耐唔耐就和他比試，　目的都係比他看到自己的努力成果，因為有時他會唔想做公文數）

其實學課外知識，只要持之以恆，　點都有收獲的．　至於學校的課程真的要另外跟進．　不過也要看個別小朋友．　有ｄ　小朋友　ｓｍａｒｔ　ｄ　就唔使家長再跟學校的數．　公文幫唔幫到高小．　ｏｒ　中學．真係要看個別ｃａｓｅ．　人家得唔代接自己果個得．　相反也是一樣．　

最好還是了解自己小朋友的數學上學習的問題．　強的地方可以再上一層．　弱的ａｒｅａ　就要多做補救功夫．　

（我囡ｋ３．我都打算小一時比佢讀公文數）

[ 本帖最後由 littleeva 於 11-2-24 12:18 編輯 ]